Weather Update: ಕೇವಲ 30 ನಿಮಿಷಗಳಲ್ಲಿ 5,000 ಕ್ಕೂ ಹೆಚ್ಚು ಬಾರಿ ಬಡಿದ ಸಿಡಿಲು, 5 ಮಂದಿ ಸಾವು; ಭಾರಿ ಮಳೆಯ ಮುನ್ಸೂಚನೆ?

ಒಡಿಶಾದ ಭದ್ರಕ್ ಜಿಲ್ಲೆಯ ಬಸುದೇವಪುರ ಪ್ರದೇಶ ಮಾರ್ಚ್ 29 ಬುಧವಾರದಂದು 30 ನಿಮಿಷಗಳಲ್ಲಿ ಬರೋಬ್ಬರಿ 5,000 ಸಿಡಿಲು-ಮಿಂಚಿನ ಹೊಡೆತಗಳಿಗೆ ಸಾಕ್ಷಿಯಾಗಿದೆ.

ಕಳೆದ ಒಂದು ವಾರದಿಂದ ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಭಾರೀ ಮಳೆ ಸುರಿದಿದೆ. ಬುಧವಾರ ರಾತ್ರಿಯೂ ಅರ್ಧ ಗಂಟೆಯೊಳಗೆ ಭದ್ರಕ್ ಜಿಲ್ಲೆಯ ಬಸುದೇವಪುರ ಪ್ರದೇಶದಲ್ಲಿ 5,000 ಕ್ಕೂ ಹೆಚ್ಚು ಸಿಡಿಲು ಬಡಿದ ವರದಿಯಾಗಿದೆ. ಈ ಘಟನೆಯಲ್ಲಿ ಐವರು ಸಾವನ್ನಪ್ಪಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಭುವನೇಶ್ವರದ ಹವಾಮಾನ ಕೇಂದ್ರದ ಹವಾಮಾನ ತಜ್ಞ ಉಮಾಶಂಕರ್ ದಾಸ್ ಅವರು ಈ ಕುರಿತು ಟ್ವೀಟ್‌ ಮಾಡಿದ್ದು, ' ಭದ್ರಕ್‌ನ ಬಸುದೇವಪುರ ಪ್ರದೇಶದಲ್ಲಿ ಕೇವಲ 30 ನಿಮಿಷಗಳಲ್ಲಿ 5000 ಕ್ಕೂ ಹೆಚ್ಚು ಬಾರಿ ಸಿಡಿಲು ಬಡಿದಿದೆ ' ಎಂದು ತಿಳಿಸಿದ್ದಾರೆ.

ಮತ್ತೊಂದು ಟ್ವೀಟ್‌ನಲ್ಲಿ " ಸಿಡಿಲು-ಮಿಂಚಿನ ಹೊಳಪು ಮತ್ತು ಹೊಡೆತಗಳು  0.2 ಸೆಕೆಂಡುಗಳ ಕ್ರಮವನ್ನು ತೆಗೆದುಕೊಂಡಿದೆ. ಮಿಂಚಿನ ವೇಗ ಮಿಲಿ ಸೆಕೆಂಡ್‌ಗಿಂತ ಕಡಿಮೆ ಇರುತ್ತದೆ ಮತ್ತು ಇದು ಅನೇಕ ಘಟನೆಗಳನ್ನು ಕಣ್ಣಿನಿಂದ ಗುರುತಿಸಲು ಸಾಧ್ಯವಾಗದಷ್ಟು ವೇಗವಾಗಿ ಪುನರಾವರ್ತಿಸುತ್ತದೆ ಎಂದು ತಿಳಿಸಿದ್ದಾರೆ.

ಇನ್ನೂ ಒಡಿಶಾದ ಸುಂದರ್‌ಗಢ್, ಕಿಯೋಂಜಾರ್, ಮಯೂರ್‌ಭಂಜ್, ಬಾಲಸೋರ್, ಕಟಕ್, ಧೆಂಕನಲ್ ಮತ್ತು ಇತರ ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆಯಿದೆ ಎಂದು ಐಎಂಡಿ ಮುನ್ಸೂಚನೆ ನೀಡಿದೆ.

IMD ಪ್ರಕಾರ, ಒಡಿಶಾದಲ್ಲಿ ಮಿಂಚು ಮತ್ತು ರಭಸದ ಗಾಳಿಯೊಂದಿಗೆ ಗುಡುಗು ಸಹಿತ ಚಂಡಮಾರುತ  ಪ್ರವೇಶಿಸುವ ಸಾಧ್ಯತೆಯಿದೆ .

ಮಾರ್ಚ್‌ನಂತೆಯೇ ಏಪ್ರಿಲ್‌ ತಿಂಗಳೂ ಮಳೆಯಲ್ಲಿ ಮುಳುಗಿರುತ್ತದೆ. ಇಂದೂ ಕೂಡ ಮತ್ತೊಂದು ಪಶ್ಚಿಮ ಚಂಡಮಾರುತ ಪ್ರವೇಶಿಸುವ ಸಾಧ್ಯತೆಯಿದೆ. 10 ದಿನಗಳಲ್ಲಿ ಮೂರು ಪಶ್ಚಿಮ ಚಂಡಮಾರುತಗಳು ರಾಜ್ಯವನ್ನು ಪ್ರವೇಶಿಸಲಿವೆ. ಇದರ ಪರಿಣಾಮ ರಾಜ್ಯದಲ್ಲಿ ಏಪ್ರಿಲ್ 3ರವರೆಗೆ ಮಳೆಯಾಗಲಿದೆ. ಏಪ್ರಿಲ್ 4 ರಂದು ಉತ್ತರ ಭಾರತದಾದ್ಯಂತ ಮತ್ತೊಂದು ಪಶ್ಚಿಮ ಚಂಡಮಾರುತವು ಬರಲಿದ್ದು, 10 ರವರೆಗೆ ಮಳೆಯಾಗಲಿದೆ ಎದು ಐಎಂಡಿ ಎಚ್ಚರಿಕೆ ನೀಡಿದೆ.