Police Department: ಕುಡಿತದ ಚಟಕ್ಕೆ ಒಳಗಾಗಿದ್ದ 300 ಪೊಲೀಸರಿಗೆ ವಿಆರ್​ಎಸ್! ಯುವಕರಿಗೆ ಮಣೆ ಹಾಕಿದ ಪೊಲೀಸ್ ಇಲಾಖೆ

ಮದ್ಯ ವ್ಯಸನಕ್ಕೆ ಒಳಗಾಗಿರುವ ಸರ್ಕಾರಿ ನೌಕರರಿಗೆ ಅಸ್ಸಾಂ ಸರ್ಕಾರ ಭರ್ಜರಿ ಸರ್ಜರಿ ಮಾಡಿದೆ. ಕುಡಿತದ ಚಟಕ್ಕೆ ಒಳಗಾಗಿರುವ ಹಾಗೂ ದಡೂತಿ ದೇಹ ಹೊಂದಿರುವ 300 ಮಂದಿ ಪೊಲೀಸರಿಗೆ ಸ್ವಯಂ ನಿವೃತ್ತಿ (VRS)ನೀಡುವ ಮೂಲಕ ಇಲಾಖೆಯಲ್ಲಿ ಸ್ಮಾರ್ಟ್​ ಪೊಲೀಸ್ ಪರಿಕಲ್ಪನೆ ಕಾರ್ಯರೂಪಕ್ಕೆ ತಂದಿದೆ. (File Photo)

ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಬೇಕಾದ ಜನರೇ ವ್ಯಸನಿಗಳಾದರೆ ಜವಾಬ್ದಾರಿಯಿಂದ ಕರ್ತವ್ಯ ನಿರ್ವಹಿಸಲು ಸಾಧ್ಯವಾಗುವುದಿಲ್ಲ ಎಂಬ ಉದ್ದೇಶದಿಂದ ಅಸ್ಸಾಂ ಸರ್ಕಾರ ಈ ನಿರ್ಧಾರ ಕೈಗೊಂಡಿದೆ. ಪೊಲೀಸ್ ಇಲಾಖೆಯಲ್ಲಿಯೇ ಕಾರ್ಯನಿರ್ವಹಿಸುತ್ತಿರುವ 300 ಮಂದಿಯನ್ನು ಸರಕಾರ ಗುರುತಿಸಿ ವಿಆರ್​ಎಸ್ ನೀಡಿದೆ. (File Photo)

ಈ ಕುರಿತು ಮಾಹಿತಿ ನೀಡಿರುವ ಮುಖ್ಯಮಂತ್ರಿ ಹಿಮಂತ್​ ಬಿಸ್ವಾ ಶರ್ಮಾ, ಪೊಲೀಸ್​ ಇಲಾಖೆ ಅಂದರೆ ಲವಲವಿಕೆಯಿಂದ ಕೂಡಿರಬೇಕು. ಜಡ್ಡುಗಟ್ಟಿದ ವಾತಾವರಣದಿಂದ ಮುಕ್ತವಾಗಬೇಕು. ಪೊಲೀಸ್​ ಅಧಿಕಾರಿ, ಸಿಬ್ಬಂದಿ ದೈಹಿಕವಾಗಿ ಫಿಟ್​ ಆಗಿರಬೇಕು. ಹೀಗಾಗಿ ಮದ್ಯವ್ಯಸನಿ ಮತ್ತು ಅಧಿಕ ಕೊಬ್ಬು ಹೊಂದಿರುವ ಪೊಲೀಸರಿಗೆ ನಿವೃತ್ತಿ ನೀಡಲಾಗುತ್ತಿದೆ. ಈ ಮೂಲಕ ಇಲಾಖೆಗೆ ಹೊಸ ರೂಪ ನೀಡಲಾಗುತ್ತದೆ ಎಂದು ತಿಳಿಸಿದ್ದಾರೆ. (File Photo)

ಜನರ ಪ್ರಾಣ, ಆಸ್ತಿ ರಕ್ಷಣೆ ಮಾಡಬೇಕಾದ ಪೊಲೀಸ್ ಇಲಾಖೆಯಲ್ಲಿ ಕುಡುಕರು ಇದ್ದರೆ ಜನರ ರಕ್ಷಣೆ, ಭದ್ರತೆ ಚೆನ್ನಾಗಿರುವುದಿಲ್ಲ ಎಂಬುದನ್ನು ಅಸ್ಸಾಂ ಸರ್ಕಾರ ಮನಗಂಡಿದೆ. ಅಂತಹ 300 ಮಂದಿಗೆ ಸ್ವಯಂ ನಿವೃತ್ತಿ ಯೋಜನೆ ಜಾರಿಗೊಳಿಸಿ ಸೇವೆಯಲ್ಲಿರುವಾಗಲೇ ಗೌರವಯುತವಾಗಿ ಮನೆಗೆ ತೆರಳಲು ಅವಕಾಶ ಕಲ್ಪಿಸಲಾಗಿದೆ. (File Photo

ಪೊಲೀಸ್ ಇಲಾಖೆಯಲ್ಲಿ ಕುಡುಕರನ್ನು ಗುರುತಿಸುವ ಕಾರ್ಯಕ್ರಮದಲ್ಲಿ ಪತ್ತೆಯಾದ 300 ಜನರಲ್ಲಿ ಕಾನ್ಸ್‌ಟೇಬಲ್ ಶ್ರೇಣಿಯ ಅಧಿಕಾರಿಗಳು ಇದ್ದಾರೆ ಎಂದು ಅಸ್ಸಾಂ ಸರ್ಕಾರ ಹೇಳಿದೆ. ಇವರೆಲ್ಲರಿಗೂ ವಿಆರ್​ಎಸ್ ನೀಡುವಂತೆ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಆದೇಶ ಹೊರಡಿಸಿದ್ದಾರೆ. (File Photo)

ಮೊದಲ ಹಂತದಲ್ಲಿ 300 ಪೊಲೀಸರಿಗೆ ವಿಆರ್​ಎಸ್​ ನೀಡಲಾಗುತ್ತಿದೆ. ಇವರು ಅತ್ಯಧಿಕ ಕೊಬ್ಬು, ಮದ್ಯವ್ಯಸನಿಗಳಾಗಿದ್ದಾರೆ. ಇದರಿಂದ ಅವರ ಕಾರ್ಯವೈಖರಿಯೂ ಕುಂದಿ ಹೋಗಿದೆ. ಅವರೆಲ್ಲರೂ ಸೇವೆಯಿಂದ ನಿವೃತ್ತರಾದರೂ, ಸರ್ಕಾರದ ನಿಯಮಾವಳಿಗಳಂತೆ ನಿಯಮಿತವಾಗಿ ಸಂಬಳ, ಸೌಲಭ್ಯ ಪಡೆಯಲಿದ್ದಾರೆ. ಅವರ ಜಾಗಕ್ಕೆ ಯುವ ಸಿಬ್ಬಂದಿಯ ನೇಮಕಕ್ಕೆ ಅವಕಾಶ ಮಾಡಿಕೊಡಲಾಗುವುದು ಎಂದು ಸಿಎಂ ಹಿಮಂತ್​ ಬಿಸ್ವಾ ಶರ್ಮಾ ಸ್ಪಷ್ಟ ಪಡಿಸಿದ್ದಾರೆ. File Photo)

ಕುಡುಕ ನೌಕರರ ವಿರುದ್ಧ ಅಸ್ಸಾಂ ಸರ್ಕಾರದ ಕಠಿಣ ಕ್ರಮವನ್ನು ಬುದ್ಧಿಜೀವಿಗಳು ಮತ್ತು ಜನರು ಸ್ವಾಗತಿಸುತ್ತಾರೆ. ಆದರೆ ಇದು ಪೊಲೀಸ್ ಅಧಿಕಾರಿಗಳನ್ನು ಅವಮಾನಿಸಲು ಅಲ್ಲ, ಅತಿಯಾಗಿ ಕುಡಿದು ಅವರ ಆರೋಗ್ಯಕ್ಕೆ ತೀವ್ರ ಹಾನಿಯಾಗಿದೆ ಎಂದು ತಿಳಿಸಿರುವ ಸಿಎಂ, ಅಸ್ಸಾಂ ಸರ್ಕಾರವು ಈಗಾಗಲೇ ವಿಆರ್‌ಎಸ್ ಹೆಸರಿನಲ್ಲಿ ವಜಾ ಮಾಡಿರುವ 300 ಉದ್ಯೋಗಿಗಳ ಬದಲಿಗೆ ಹೊಸ ಜನರನ್ನು ನೇಮಿಸಿಕೊಳ್ಳುವ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ. ಈ ಹೊಸ ನೇಮಕಾತಿಯ ಜವಾಬ್ದಾರಿಯನ್ನು ಸಿಎಂ ಹಿಮಂತ ಬಿಸ್ವಾಸರ್ಮನ್ ನೋಡಿಕೊಳ್ಳುತ್ತಿದ್ದರೆ, ಗೃಹ ಸಚಿವಾಲಯವು ಬದಲಿ ಪ್ರಕ್ರಿಯೆಯನ್ನು ಕೈಗೆತ್ತಿಕೊಂಡಿದೆ. (File Photo)