Viral News: ಮೂವರು ಹೆಂಡ್ತಿಯರು, 60 ಮಕ್ಕಳು! 100 ಟಾರ್ಗೆಟ್ ಇಟ್ಟುಕೊಂಡಿರುವ ಈತ ನಾಲ್ಕನೇ ಮದ್ವೆಗೆ ಸಜ್ಜಾಗಿದ್ದಾನೆ!

ದಿನ ಕಳೆದಂತೆ ಮನುಷ್ಯನ ಆಯಸ್ಸು, ಯೌವನ, ದೇಹದಲ್ಲಿರುವ ಶಕ್ತಿ ಕುಂದುತ್ತಾ ಹೋಗುತ್ತದೆ. ಅದನ್ನೂ ತಡೆಯಲು ಯಾರಿಂದಲೂ ಕೂಡ ಸಾಧ್ಯವಾಗುವುದಿಲ್ಲ. ಆದರೆ ದೇಹಕ್ಕೆ ಮಾತ್ರ ವಯಸ್ಸಾಗುತ್ತದೆ, ಮನಸ್ಸಿಗಲ್ಲ ಎಂದು ಬಲ್ಲವರು ಹೇಳುತ್ತಾರೆ.

ಇದಕ್ಕೆ ಸಾಕ್ಷಿ ಎಂಬಂತೆ ನೆರೆಯ ರಾಷ್ಟ್ರ ಪಾಕಿಸ್ತಾನದಲ್ಲಿ ವ್ಯಕ್ತಿಯೊಬ್ಬರು ಮೂವರು ಮದುವೆಯಾಗಿದ್ದಾರೆ ಮತ್ತು ಅವರಿಗೆ ಮೂವರು 60 ಮಕ್ಕಳಿದ್ದಾರೆ. ಹೀಗಿದ್ದರೂ ತಂದೆಯಾಗುವ ಅವಕಾಶವನ್ನು ಕಳೆದುಕೊಳ್ಳಲು ಈ ವ್ಯಕ್ತಿ ಬಯಸುವುದಿಲ್ಲವಂತೆ.

ಹಾಗಾಗಿ ಈ ವ್ಯಕ್ತಿ ಹೆಚ್ಚು ಮಕ್ಕಳನ್ನು ಹೊಂದಲು ಬಯಸುತ್ತಿದ್ದು, ಮತ್ತೊಂದು ಮದುವೆಯಾಗಲು ವಧುವನ್ನು ಹುಡುಕುತ್ತಿದ್ದಾರೆ. ಪಾಕಿಸ್ತಾನದ ಕ್ವೆಟ್ಟಾ ಪ್ರಾಂತ್ಯದಲ್ಲಿನ ಈ ಸುದ್ದಿ ಇದೀಗ ಎಲ್ಲರ ಗಮನ ಸೆಳೆಯುತ್ತಿದೆ.

ಅಷ್ಟಕ್ಕೂ ಆ ವ್ಯಕ್ತಿ ಯಾರು ಅಂತ ಯೋಚಿಸ್ತಿದ್ದೀರಾ? ಹೌದು ವೃತ್ತಿಯಲ್ಲಿ ವೈದ್ಯರಾಗಿರುವ ಸರ್ದಾರ್ ಜಾನ್ ಮೊಹಮ್ಮದ್ ಖಿಲ್ಜಿ ಅವರಿಗೆ ನಿನ್ನೆಯಷ್ಟೇ 60ನೇ ಮಗು ಜನಿಸಿದೆ. ತಮ್ಮ 60ನೇ ಮಗುವನ್ನು ಎರಡು ಕೈಗಳಲ್ಲಿ ಎತ್ತಿಕೊಂಡಿದ್ದ ಈ ವ್ಯಕ್ತಿ ಮುಖದಲ್ಲಿ ಮಂದಹಾಸ ಮೂಡಿತ್ತು.

ಬಾರುಕ್ ಕುಲವು ಹೆಚ್ಚು ಮಕ್ಕಳನ್ನು ಹೊಂದಲು ಬಯಸುತ್ತದೆ. ಹೀಗಾಗಿ ಸರ್ದಾರ್ ಜಾನ್ ಮೊಹಮ್ಮದ್ ಖಿಲ್ಜಿ ಅವರು ತಮ್ಮ ಸ್ನೇಹಿತರಿಗೆ ವಧುವನ್ನು ಹುಡುಕಿ ಕೊಡುವಂತೆ ಮನವಿ ಮಾಡಿದ್ದರಂತೆ.

ಅಲ್ಲದೇ ತಮ್ಮ ಜೀವನ ಸಂಗಾತಿಯನ್ನು ಹುಡುಕುತ್ತಿರುವ ವಿಚಾರವನ್ನು ಸರ್ದಾರ್ ಜಾನ್ ಮೊಹಮ್ಮದ್ ಖಿಲ್ಜಿ ಬ್ರಿಟಿಷ್ ಮಾಧ್ಯಮವೊಂದರಲ್ಲಿ ಹೇಳಿಕೊಂಡಿದ್ದಾರೆ. ನಾಲ್ಕನೇ ಮದುವೆಯಾಗಲು ಹುಡುಗಿ ಸಿಗಲಿ ಎಂದು ಪ್ರಾರ್ಥಿಸುತ್ತಿರುವುದಾಗಿ ಹೇಳಿದ್ದಾರೆ.

ಯಾವಾಗಲೂ ಸರ್ದಾರ್ ಜಾನ್ ಮೊಹಮ್ಮದ್ ಖಿಲ್ಜಿಯವರು ಇಡೀ ಕುಟುಂಬದೊಂದಿಗೆ ಇರಲು ಬಯಸುತ್ತಾರೆ. ಅವರ ಮೂವರು ಪತ್ನಿಯರು ಕೂಡ ತಮ್ಮ ಮಕ್ಕಳನ್ನು ಜಗತ್ತಿಗೆ ತರಲು ಸಿದ್ಧರಿದ್ದಾರೆ ಎಂದಿದ್ದಾರೆ.

ದಿನನಿತ್ಯದ ಅಗತ್ಯ ವಸ್ತುಗಳ ಬೆಲೆ ಗಗನಕ್ಕೇರಿದೆ. ಈ ನಡುವೆ ಸರ್ದಾರ್ ಜಾನ್ ಮೊಹಮ್ಮದ್ ಖಿಲ್ಜಿಯವರ ಈ ಆಲೋಚನೆ ನಿಜಕ್ಕೂ ಸಾಹಸವೇ ಎಂದು ಹೇಳಬಹುದು.

ಮತ್ತೊಂದೆಡೆ, ಪಾಕಿಸ್ತಾನದಲ್ಲಿ ಆರ್ಥಿಕ ಪರಿಸ್ಥಿತಿ ತೀರಾ ಹದಗೆಟ್ಟಿದೆ ಈ ನಡುವೆ ಇವರ ಈ ಚಿಂತನೆ ಎಷ್ಟು ಸರಿಯಾಗಿದೆ ಎಂಬುದು ದೊಡ್ಡ ಯಕ್ಷ ಪ್ರಶ್ನೆಯಾಗಿದೆ.