Marriage: ವಿವಾಹ ಕಾರ್ಯಕ್ರಮಗಳನ್ನು ಬದಿಗೊತ್ತಿ ಪರೀಕ್ಷೆಗೆ ಹಾಜರಾದ ವಧು! ಡೆಡಿಕೇಷನ್ ಅಂದ್ರೆ ಇದೆ ಎಂದ ನೆಟಿಜನ್ಸ್

ಎಲ್ಲರೂ ಮದುವೆ ಸಮಾರಂಭವನ್ನು ಬಹಳ ಸಂಭ್ರಮದಿಂದ ಆಚರಿಸುತ್ತಾರೆ. ಅವರು ಮದುವೆಯನ್ನು ತಮ್ಮ ಜೀವನದಲ್ಲಿ ಸದಾ ನೆನಪಿನಲ್ಲಿ ಉಳಿಯುವಂತೆ ಮಾಡಿಕೊಳ್ಳಲು ಬಯಸುತ್ತಾರೆ. ಇದಕ್ಕಾಗಿ ಎಷ್ಟಾದರೂ ಖರ್ಚು ಮಾಡಲು ಹಿಂಜರಿಯುವುದಿಲ್ಲ. ಆರಂಭದಿಂದ ಮದುವೆ ಮುಗಿಯುವವರೆಗೂ ಪ್ರತಿಯೊಂದು ಸಮಾರಂಭವನ್ನು ಅದ್ಧೂರಿಯಾಗಿ ಮಾಡಲಾಗುತ್ತದೆ.

ಆದರೆ ಅಂತಹ ಅದ್ದೂರಿ ವಿವಾಹವನ್ನೇ ನಿಲ್ಲಿಸಿ ವಧು ಒಬ್ಬಳು ಪರೀಕ್ಷೆ ಬರೆಯಲು ಅದೇ ಧಿರಿಸಿನಲ್ಲಿ ಪರೀಕ್ಷೆ ಹಾಲ್​ಗೆ ಬಂದಿ ಪರೀಕ್ಷೆ ಬರೆದ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಉತ್ತರ ಪ್ರದೇಶದ ಝಾನ್ಸಿಯ ರಕ್ಸಾ ಪ್ರದೇಶದ ಡೋಂಗ್ರಿ ಗ್ರಾಮದ ನಿವಾಸಿ ಕೃಷ್ಣ ರಜಪೂತ್​ ಎಂಬಾಕೆಯ ವಿವಾಹ ಮೇ 16ರಂದು ಯಶ್​ಪಾಲ್​ ಸಿಂಗ್ ಎಂಬಾತನ ಜೊತೆ ನಡೆಯಬೇಕಿತ್ತು. ಆದರೆ ಮೇ 16ರಂದು ವಿವಾಹದ ಹಲವು ಕಾರ್ಯಕ್ರಮಗಳಿದ್ದರು, ಆಕೆ ಮಾತ್ರ ಪರೀಕ್ಷೆ ಬರೆಯಲು ಮಂಟಪದಿಂದ ಎದ್ದು ಹೋಗಿದ್ದಾಳೆ.

ಹಾಗಾಗಿ ವಧು ಎಲ್ಲಾ ಕಾರ್ಯಕ್ರಮವನ್ನು ನಿಲ್ಲಿಸಿ ಅಂತಿಮ ವರ್ಷದ ಬಿಎ ಸಮಾಜಶಾಸ್ತ್ರ ಪರೀಕ್ಷೆ ಬರೆಯಲು ಮಂಟಪದಿಂದ ಹೋಗಿದ್ದಾಳೆ. ಆಕೆ ವಧುವಿನ ವೇಷ ಧರಿಸಿ ಪರೀಕ್ಷೆ ಹಾಲ್ ತಲುಪಿದ್ದು, ಈ ವಿದ್ಯಾರ್ಥಿನಿಯನ್ನು ನೋಡಿ ಎಲ್ಲರೂ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಬುಂದೇಲ್‌ಖಂಡ್ ವಿಶ್ವವಿದ್ಯಾಲಯವು ಮೇ 16 ರಂದು ಬಿಎ ಅಂತಿಮ ವರ್ಷದ ಪರೀಕ್ಷೆಯನ್ನು ನಡೆಸಿತ್ತು. ಕೃಷ್ಣ ರಜಪೂತ ಅವರ ಪರೀಕ್ಷಾ ಕೇಂದ್ರವು ಪ್ರೇಮ್ ನಗರದ ವಿವೇಕಾನಂದ ಪದವಿ ಕಾಲೇಜಿನಲ್ಲಿ ಇತ್ತು. ಬುಂದೇಲ್‌ಖಂಡ್ ಸಂಪ್ರದಾಯದ ಪ್ರಕಾರ, ಫೆರಾಗಳು ಮುಗಿದ ನಂತರ, ವಧು ಬೇರೆಲ್ಲಿಯೂ ಹೋಗಬಾರದು. ಆದರೆ ಈಕೆ ಮಾತ್ರ ತನಗೆ ಮದುವೆಗಿಂತ ಪರೀಕ್ಷೆಯ ಮುಖ್ಯ ಎಂದು ನಿರ್ಧರಿಸಿದ್ದಾರೆ.

ಕೊನೆಗೆ ಆಕೆ ಪರೀಕ್ಷೆಗೆ ಹಾಜರಾಗಿದ್ದಾಳೆ. ಕೊನೆಗೆ ಯುವತಿ ಪರೀಕ್ಷೆಯನ್ನು ಯಶಸ್ವಿಯಾಗಿ ಬರೆದಿದ್ದಲ್ಲೇ, ನಂತರ ಮದುವೆ ಸಮಾರಂಭವನ್ನು ಅದ್ಧೂರಿಯಾಗಿ ನಡೆಸಿದ್ದಾಳೆ ಎಂದು ತಿಳಿದುಬಂದಿವೆ.

ಉತ್ತರ ಪ್ರದೇಶದಲ್ಲಿ ಸ್ಥಳೀಯ ಚುನಾವಣೆಗಳು ನಡೆಯುತ್ತಿದ್ದವು. ಹಾಗಾಗಿ ಕೆಲವು ಪರೀಕ್ಷೆಗಳನ್ನು ಮುಂದೂಡಲಾಗಿತ್ತು. ಇದೇ ಸಂದರ್ಭದಲ್ಲಿ ವಧು ಮತ್ತು ಆಕೆಯ ಕುಟುಂಬ ಮುಂದೂಡಲ್ಪಟ್ಟ ಪರೀಕ್ಷೆ ಮದುವೆ ದಿನ ನಡೆದರೆ ಏನು ಮಾಡುವುದು ಎಂದು ಕೇಳಿದ್ದಕ್ಕೆ, ಪ್ರಾಂಶುಪಾಲರು ಕೃಷ್ಣ ಮದುವೆ ದಿನ ಬಂದು ಪರೀಕ್ಷೆ ಬರೆಯಬಹುದು, ಆಕೆಗೆ ಯಾವ ರೀತಿಯ ಸೂಕ್ತ ವ್ಯವಸ್ಥೆ ಮಾಡಿಕೊಡಲಾಗುವುದು ಎಂದು ಹೇಳಿದ್ದರು. ಬೇಗ ಹೋಗುವುದಕ್ಕೂ ಅವಕಾಶ ನೀಡುತ್ತೇವೆ ಎಂದು ಹೇಳಿದ್ದಾಗಿ ಶ್ಯಾಮ್​ ಜಿ ಮಿಶ್ರಾ ಮಾಧ್ಯಮಕ್ಕೆ ತಿಳಿಸಿದ್ದಾರೆ.