ಲಾಟರಿಯಲ್ಲಿ ₹16 ಕೋಟಿ ಗೆದ್ದ ಮಹಿಳೆ! ಶಾಪ್​ನಲ್ಲಿ ಉಳಿದಿದ್ದ ಕೊನೆ ಟಿಕೆಟ್​ನಲ್ಲಿ ಸಿಕ್ತು ಬಂಪರ್

ಅದೃಷ್ಟ ಎಂದರೆ ಇದೇ ನೋಡಿ. ಜೀವನ ಪರ್ಯಂತ ದುಡಿದಿದ್ದ ಎಲ್ಲಾ ಹಣವನ್ನು ತನ್ನ ಮಗಳ ಜೀವ ಉಳಿಸಲು ಖರ್ಚು ಮಾಡಿದ್ದ ಮಹಿಳೆಗೆ ಅದೃಷ್ಟ ಖುಲಾಯಿಸಿದೆ. ಆಕೆಗೆ ಫ್ಲೋರಿಡಾ ಲಾಟರಿಯಲ್ಲಿ ಜಾಕ್​ಪಾಟ್​ ಸಿಕ್ಕಿದ್ದು, ಬರೋಬ್ಬರಿ 2 ಮಿಲಿಯನ್ ಡಾಲರ್ (16.4 ಕೋಟಿ)​ ಗೆದ್ದಿದ್ದಾಳೆ.​

ಜೆರಾಲ್ಡೈನ್ ಗಿಂಬ್ಲೆಟ್ ಎಂಬ ಅಮೇರಿಕಾದ ಮಹಿಳೆ ಎರಡು ದಿನದಲ್ಲಿ ಎರಡೆರಡು ಖುಷಿ ಸುದ್ದಿ ಪಡೆದುಕೊಂಡಿದ್ದಾರೆ. ಒಂದು ಕಡೆ ಮಗಳು ಬ್ರೆಸ್ಟ್​ ಕ್ಯಾನ್ಸರ್ ಗೆದ್ದರೆ, ಮಾರನೇ ದಿನವೇ ಫ್ಲೋರಿಡಾ ಲಾಟರಿಯಲ್ಲಿ 16 ಕೋಟಿ ಗೆದ್ದಿದ್ದಾರೆ.

ಗಿಂಬ್ಲೆಟ್​ ತಮ್ಮ ಜೀವಮಾನದ ಎಲ್ಲಾ ಉಳಿತಾಯದ ಹಣವನ್ನು ತನ್ನ ಮಗಳ ಕ್ಯಾನ್ಸರ್​ ಚಿಕಿತ್ಸೆಗೆ ವಿನಿಯೋಗಿಸಿ ಮಗಳ ಪ್ರಾಣ ಉಳಿಸಿಕೊಂಡಿದ್ದರು. ಅದೇ ದಿನ ಆಕೆ 10 ಡಾಲರ್ (820 ರೂ)​ ನೀಡಿ ಗ್ಯಾಸ್​ ಸ್ಟೇಷನ್​​ನಿಂದ ಸ್ಕ್ಯಾಚ್​​ ಕಾರ್ಡ್​ ಖರೀಸಿದ್ದರು.

16 ಕೋಟಿ ಗೆದ್ದ ಮಹಿಳೆ ಎಷ್ಟು ಅದೃಷ್ಟವಂತೆ ಎಂದರೆ, ಗ್ಯಾಸ್​ ಸ್ಟೇಷನ್​ಗೆ ತೆರಳಿದ್ದ ವೇಳೆ ಲಾಟರಿ ಕಾರ್ಡ್​ಗಳು ಇರಲಿಲ್ಲ, ಇರೋದು ಒಂದೇ ಎಂದು ಕೊನೆಯ ಕಾರ್ಡ್​ ಅನ್ನು ಮಹಿಳೆ ಕೈಗಿಟ್ಟದ್ದ. ಆದರೆ ಅದೇ ಕಾರ್ಡ್​ಗೆ ಜಾಕ್​ಪಾಟ್​ ಒಲಿದುಬಂದಿದೆ.

ಒಂದು ಕಡೆ ಇದ್ದಬದ್ದ ಹಣವೆಲ್ಲಾ ಖರ್ಚಾಗಿದ್ದರಿಂದ ವೃದ್ಧೆಗೆ ಮುಂದೇನು ಎನ್ನುವ ಆಲೋಚನೆ ಕಾಡುತ್ತಿದ್ದ ವೇಳೆಯೇ ಈ ಲಾಟರಿ ಮೂಲಕ ಅದೃಷ್ಟ ಮನೆ ಬಾಗಿಲಿಗೆ ಬಂದಿದೆ. ಬರೋಬ್ಬರಿ 2 ಮಿಲಿಯನ್ ಡಾಲರ್​ ಗೆದ್ದಿದ್ದು, ಜೆರಾಲ್ಡೈನ್ ತಲ್ಲಾಹಸ್ಸಿಯಲ್ಲಿರುವ ಲಾಟರಿ ಪ್ರಧಾನ ಕಚೇರಿಯಲ್ಲಿ ಹಣವನ್ನು ಪಡೆದುಕೊಂಡಿದ್ದಾರೆ.

ಜೆರಾಲ್ಡೈನ್ ತನ್ನ ಮಗಳು ಕೊನೆಯ ಹಂತದ ಕ್ಯಾನ್ಸರ್ ಚಿಕಿತ್ಸೆಯನ್ನು ಪೂರ್ಣಗೊಳಿಸಿದ ಒಂದು ದಿನದ ನಂತರ ಲಾಟರಿ ಕಾರ್ಡ್​ಖರೀದಿಸಿದ್ದರು. ಅತ್ತ ಮಗಳಿಗೆ ಚಿಕಿತ್ಸೆ ಯಶಸ್ವಿಯಾದರೆ, ಇತ್ತ ಲಾಟರಿಯಲ್ಲಿ ಜಾಕ್​ ಪಾಟ್​ ಪಡೆದು, ಬ್ಯಾಕ್​ ಟು ಬ್ಯಾಕ್​ ಗುಡ್​ ನ್ಯೂಸ್​ ಪಡೆದಿದ್ದಾರೆ.

ಮೊದಲಿಗೆ ಗ್ಯಾಸ್ ಸ್ಟೇಷನ್ ಕ್ಲರ್ಕ್​ ನನಗೆ ಟಿಕೆಟ್ ಖಾಲಿಯಾಗಿದೆ ಎಂದಿದ್ದರು. ಆದರೆ ನಾನು ಅವನನ್ನು ಮತ್ತೊಮ್ಮೆ ಪರಿಶೀಲಿಸಲು ಹೇಳಿದೆ. ಏಕೆಂದರೆ ನಾನು ಈ ಕ್ರಾಸ್‌ವರ್ಡ್ ಆಟವನ್ನು ಬಹಳ ಇಷ್ಟಪಡುತ್ತೇನೆ. ಕೊನೆಗೆ ಆತ ಹುಡಕಾಡಿ ಉಳಿದುಕೊಂಡಿದ್ದ ಮೊನೆ ಟಿಕೆಟ್​ಅನ್ನ ನನಗೆ ಕೊಟ್ಟಿದ್ದ ಎಂದು ಗಿಮ್ಲೆಟ್ ಹೇಳಿದ್ದಾರೆ. ಜಾಕ್​ಪಾಟ್​ ಟಿಕೆಟ್ ಮಾರಾಟ ಮಾಡಿದ್ದಕ್ಕಾಗಿ ಕ್ಲರ್ಕ್​ಗೂ ಕೂಡ 2000 ಡಾಲರ್(1.6 ಲಕ್ಷ ರೂ) ಕಮಿಷನ್​ ಸಿಕ್ಕಿದೆ.

ಇನ್ನು ತಮ್ಮ ತಾಯಿಗೆ ಲಾಟರಿಯಲ್ಲಿ 2 ಮಿಲಿಯನ್ ಡಾಲರ್ ಗೆದ್ದಿದ್ದಕ್ಕೆ ಆಕೆಯ ಕ್ಯಾನ್ಸರ್​ ಪೀಡಿತ ಮಗಳು ಹರ್ಷ ವ್ಯಕ್ತಪಡಿಸಿದ್ದಾರೆ. ಏಕೆಂದರೆ ತನ್ನ ತಾಯಿ ಜೀವನ ಪರ್ಯಂತ ಉಳಿಸಿದ್ದ ಹಣವನ್ನು ತನ್ನ ಚಿಕಿತ್ಸೆಗೆ ಬಳಸಿದ್ದಳು. ಈಗ ದೊಡ್ಡ ಮೊತ್ತದ ಲಾಟರಿ ಸಿಕ್ಕಿರುವುದು ನನಗೆ ಸಂತೋಷ ತಂದಿದೆ ಎಂದು ತಿಳಿಸಿದ್ದಾರೆ. ಇನ್ನು 2 ಮಿಲಿಯರ್ ಡಾಲರ್​ನಲ್ಲಿ ತೆರಿಕೆ ಕಡಿತವಾಗಿ ಜೆರಾಲ್ಡೈನ್ ಗಿಮ್ಲೆಟ್​ಗೆ 16,45,000 ಡಾಲರ್​ (13.5 ಕೋಟಿ ರೂಪಾಯಿ) ಪಡೆದುಕೊಂಡಿದ್ದಾರೆ.