2000 Notes: ದೇವರ ಹುಂಡಿಗೆ 8 ಲಕ್ಷ ರೂಪಾಯಿ ಹಾಕಿದ ಅನಾಮಿಕ ಭಕ್ತ! ಆದರೆ ಎಲ್ಲವೂ 2 ಸಾವಿರ ಮುಖಬೆಲೆಯ ನೋಟು!

ರಿಸರ್ವ್​ ಬ್ಯಾಂಕ್ ಆಫ್​ ಇಂಡಿಯಾ ಇತ್ತೀಚೆಗೆ 2000 ಮುಖಬೆಲೆಯ ನೋಟುಗಳನ್ನು ಹಿಂತೆಗೆದುಕೊಳ್ಳುವುದಾಗಿ ಘೋಷಿಸಿದೆ. ಅಲ್ಲದೆ ಎಲ್ಲಾ ಬ್ಯಾಂಕ್​ಗಳಿಗೆ ಸೆಪ್ಟೆಂಬರ್​ 30ರೊಳಗೆ ಗ್ರಾಹಕರು ಹತ್ತಿರದ ಬ್ಯಾಂಕ್​ಗಳಿಗೆ ಹೋಗಿ ಬದಲಾಯಿಸುಕೊಳ್ಳಲು ಸೂಚನೆ ನೀಡಿದೆ.

ಈಗಾಗಲೇ ಜನರು ತಮ್ಮಲ್ಲಿರುವ ನೋಟುಗಳನ್ನು ಬದಲಾಯಿಸಿಕೊಳ್ಳುವುದಕ್ಕೆ ಬ್ಯಾಂಕ್​ಗಳ ಮುಂದೆ ಮಂಗಳವಾರದಿಂದ ಸರದಿ ನಿಲ್ಲುತ್ತಿದ್ದಾರೆ. ಇನ್ನೂ ಕೆಲವರೂ ಪೆಟ್ರೋಲ್ ಬ್ಯಾಂಕ್​ಗಳಿಗೆ ಹೋಗುತ್ತಿದ್ದಾರೆ.

ಕಪ್ಪು ಹಣ ಇಟ್ಟುಕೊಳ್ಳುವವರಿಗೆ ಆರ್​ಬಿಐ ನಿರ್ಧಾರ ನಿದ್ದೆಗೆಡಿಸಿದೆ. ಅದಕ್ಕೆ ಉದಾಹರಣೆ ಎಂಬಂತೆ ಒಬ್ಬ ಅನಾಮಿಕ ವ್ಯಕ್ತಿಯೊಬ್ಬ ಬರೋಬ್ಬರಿದ್ದಾಗ 8 ಲಕ್ಷ ರೂಪಾಯಿಗಳನ್ನು ದೇವರ ಹುಂಡಿಯಲ್ಲಿ ಇಟ್ಟು ಹೋಗಿರುವ ಘಟನೆ ಹಿಮಾಚಲ ಪ್ರದೇಶದ ಕಾಂಗ್ರ ಜಿಲ್ಲೆಯ ಮಾ ಜ್ವಾಲಾ ದೇವಿ ದೇವಾಲಯದಲ್ಲಿ ನಡೆದಿದೆ.

ಭಕ್ತನೊಬ್ಬ ಮಾ ಜ್ವಾಲಾ ದೇವಿ ದೇವಸ್ಥಾನದ ಕಾಣಿಕೆ ಹುಂಡಿಗೆ ವ್ಯಕ್ತಿ ಒಬ್ಬರು 2,000 ಸಾವಿರ ರೂಪಾಯಿ ಮುಖಬೆಲೆಯ ಸುಮಾರು 400 ನೋಟುಗಳನ್ನು ಹಾಕಿದ್ದಾರೆ. ಅವರು ಒಟ್ಟು 8 ಲಕ್ಷ ರೂಪಾಯಿ ಹಣವನ್ನು ದೇವಸ್ಥಾನದ ಹುಂಡಿಗೆ ಹಾಕಿದ್ದಾರೆ.

ಈ ಕುರಿತು ದೇವಸ್ಥಾನದ ಆಡಳಿತ ಮಂಡಳಿ ಸದಸ್ಯ ಸುರೇಶ್​ ಕುಮಾರ್ ಎಂಬುವವರು ಮಾತನಾಡಿ,​ ದೇವಾಲಯಕ್ಕೆ ಭೇಟಿ ನೀಡುವ ಭಕ್ತರು ಆಗಾಗ್ಗೆ ಕಾಣಿಕೆಗಳನ್ನು ನೀಡುತ್ತಿರುತ್ತಾರೆ. ಇದೇ ಮೊದಲ ಬಾರಿಗೆ ಇಷ್ಟೊಂದು ದೊಡ್ಡ ಮೊತ್ತದ ಹಣ ದೇಣಿಗೆಯಾಗಿ ಬಂದಿದೆ.

ಈ ಹುಂಡಿಯಲ್ಲಿ ದೊರೆಕಿರುವ ದೇಣಿಗೆ ಹಣವನ್ನು ಸಂಪೂರ್ಣವಾಗಿ ದೇವಾಲಯದ ಅಭಿವೃದ್ಧಿ, ಭಕ್ತರಿಗೆ ವಿಶೇಷ ಸೌಲಭ್ಯ ಒದಗಿಸಿಕೊಡಲು ಬಳಸಲಾಗುವುದು ಎಂದು ತಿಳಿಸಿದ್ದಾರೆ.

ಇನ್ನು ಕಂಗ್ರಾ ಜಿಲ್ಲಾ ಡಿಸಿಪಿ ನಿಪುನ್​ ಜಿಂದಾಲ್​ ಈ ಕುರಿತು ಪ್ರತಿಕ್ರಿಯಿಸಿ, ದೇವಾಲಯದ ಹುಡಿಗೆ ನೋಟುಗಳನ್ನು ವುದರ ಬಗ್ಗೆ ನಮಗೆ ಯಾವುದೇ ದೂರು ಬಂದಿಲ್ಲ.ಲ್ಲ ದೇವಾಲಯದ ಪ್ರದೇಶದ ಸುತ್ತ ಅಳವಡಿಸಿರುವ ಸಿಸಿಟಿವಿ ಕ್ಯಾಮರಾಗಳನ್ನು ಪರಿಶೀಲಿಸಿ ಅಧಿಕಾರಿಗಳಿಂದ ಮಾಹಿತಿ ಪಡೆಯಲಾಗುವುದು ಎಂದು ತಿಳಿಸಿದ್ದಾರೆ.