Baby Born with 3 DNA: ಮೂರು ವ್ಯಕ್ತಿಗಳ ಡಿಎನ್‌ಎ ಹೊಂದಿರುವ ಸೂಪರ್ ಬೇಬಿ ಜನನ! ಹೊಸ ಪ್ರಯೋಗದ ಹಿಂದಿದೆ ಮಹತ್ವದ ಉದ್ದೇಶ

ಪ್ರಪಂಚದಲ್ಲೇ ಮೊದಲ ಬಾರಿಗೆ ಮೂವರು ವ್ಯಕ್ತಿಗಳ ಡಿಎನ್​​ಎ ಮೂಲಕ ಮಗುವೊಂದು ಜನಿಸಿದ್ದು, ಅದನ್ನು ಸೂಪರ್​ ಬೇಬಿ ಎಂದು ಪರಿಗಣಿಸಲಾಗಿದೆ.

ಇಂಗ್ಲೆಂಡ್​ನಲ್ಲಿ ಈ ಮಗು ಜನಿಸಿದೆ. ಸಾಮಾನ್ಯವಾಗಿ ಇಬ್ಬರು ಪೋಷಕರು ಅಥವಾ ಇಬ್ಬರ ಡಿಎನ್‌ಎಯಿಂದ ಜನಿಸುತ್ತದೆ. ಆದರೆ, ಯುಕೆಯಲ್ಲಿ ಮೊದಲ ಬಾರಿಗೆ ಒಂದು ಅದ್ಭುತ ಸಾಧ್ಯವಾಗಿದೆ. ಮೂರು ಜನರ ಡಿಎನ್‌ಎಯೊಂದಿಗೆ ಮಗು ಜನಿಸಿದೆ.

ಯುಕೆಯಲ್ಲಿ ಮೊದಲ ಬಾರಿಗೆ ಒಂದು ಅದ್ಭುತ ಸಾಧ್ಯವಾಗಿದ್ದು, ಟ್ರಿಪಲ್ ಡಿಎನ್‌ಎಯೊಂದಿಗೆ ಜನಿಸಿದ ಮೊದಲ ಮಗು ಎಂದು ಬಿಬಿಸಿ ವರದಿ ಮಾಡಿದೆ. ಈ ಪ್ರಕ್ರಿಯೆಯಲ್ಲಿ 99.8% ಡಿಎನ್​ಎ ಪೋಷಕರದ್ದಾಗಿದ್ದರೆ, ಇನ್ನುಳಿದ ಡಿಎನ್‌ಎ ಡೋನರ್‌ ಮಹಿಳೆಯದ್ದು ಎಂದು ತಿಳಿದುಬಂದಿದೆ. ಈ ವಿಧಾನ ಮೈಟೋಕಾಂಡ್ರಿಯಾದ ಕಾಯಿಲೆಗಳೊಂದಿಗೆ ಮಕ್ಕಳು ಜನಿಸುವುದನ್ನು ತಡೆಯುವ ಪ್ರಯತ್ನವಾಗಿದೆ ಎಂದು ತಿಳಿದುಬಂದಿದೆ.

ಮೈಟೋಕಾಂಡ್ರಿಯಾ ರೋಗಗಳು ಅತ್ಯಂತ ಅಪಾಯಕಾರಿ. ಇವುಗಳೊಂದಿಗೆ ಜನಿಸಿದ ಶಿಶುಗಳು ಕೆಲವೇ ಗಂಟೆಗಳಲ್ಲಿ ಅಥವಾ ದಿನಗಳಲ್ಲಿ ಸಾಯುವ ಅಪಾಯವಿದೆ. ಅಪಾಯಕಾರಿ ಮೈಟೋಕಾಂಡ್ರಿಯಾದ ಕಾಯಿಲೆಗಳೊಂದಿಗೆ ಮಕ್ಕಳು ಜನಿಸುವುದನ್ನು ತಡೆಯುವ ಪ್ರಯತ್ನದ ಭಾಗವಾಗಿ ಬ್ರಿಟನ್​ ವಿಜ್ಞಾನಿಗಳ ತಂತ್ರಜ್ಞಾನವನ್ನು ಬಳಸಿದ್ದಾರೆ. ಮೂರನೇ ಡಿಎನ್‌ಎ ಇದ್ದರೂ, ಮಗುವಿನ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಯ ಮೇಲೆ ಹೆತ್ತವರ ಡಿಎನ್‌ಎ ಪರಿಣಾಮ ಬೀರಲಿದೆ ಎಂದು ಪ್ರಾಧಿಕಾರ ಹೇಳಿದೆ. ಇನ್ನು ಈ ವಿಧಾನಕ್ಕೆ ಮೈಟಿಕಾಂಡ್ರಿಯಲ್​ ಡೊನೇಶನ್​ ಟ್ರೀಟ್​ಮೆಂಟ್​(MDT) ಎಂದು ಹೆಸರಿಸಲಾಗಿದೆ.

ಮೈಟೋಕಾಂಡ್ರಿಯಾದ ದೇಣಿಗೆ ಚಿಕಿತ್ಸೆ (MDT) ಎಂದು ಕರೆಯಲ್ಪಡುವ ಈ ವಿಧಾನದಲ್ಲಿ ಐವಿಎಫ್​ ಭ್ರೂಣವನ್ನು ಆರೋಗ್ಯವಂತ ಮಹಿಳಾ ದಾನಿಯಿಂದ ಅಂಡಾಶಯದ ಅಂಗಾಂಶವನ್ನು ಬಳಸಿ ರಚಿಸಲಾಗುತ್ತದೆ. ಈ ಮೂಲಕ ತಾಯಂದಿರಿಂದ ಮಕ್ಕಳಿಗೆ ಮೈಟೊಕಾಂಡ್ರಿಯಾ ಹರಡುವ ಸಾಧ್ಯತೆ ಇರುವುದಿಲ್ಲ.

ಈ ವಿಧಾನದಲ್ಲಿ, ಫ‌ಲಿತ ಅಂಡಾಣುವಿನಲ್ಲಿರುವ ನ್ಯೂಕ್ಲಿಯರ್‌ ಡಿಎನ್‌ಎಯನ್ನು ಆರೋಗ್ಯಪೂರ್ಣ ಮೈಟೋಕಾಂಡ್ರಿಯಾವನ್ನು ಹೊಂದಿರುವ ದಾನಿಯ ಅಂಡಾಣುವಿಗೆ ಜೋಡಿಸಲಾಗುತ್ತದೆ. ತಾಯಿಯ ಅಂಡಾಣು, ತಂದೆಯ ವೀರ್ಯಾಣು ಮತ್ತು ದಾನಿಯ ಅಂಡಾಣುವನ್ನು ಸೇರಿಸಿ ಐವಿಎಫ್ ವಿಧಾನದ ಮೂಲಕ ಈ ಶಿಶುವಿಗೆ ಜನ್ಮ ನೀಡಲಾಗಿದೆ. ಹೀಗೆ ಜನಿಸಿದ ಮಗುವಿನ ವ್ಯಕ್ತಿತ್ವ ಮತ್ತು ಕಣ್ಣಿನ ಬಣ್ಣಗಳಂತಹ ಪ್ರಮುಖ ಗುಣಲಕ್ಷಣಗಳು ಪೋಷಕರಿಗೆ ಹೋಲುತ್ತದೆ ಎಂದು ವೈದ್ಯರು ತಿಳಿಸಿದ್ದಾರೆ.

ವಿಶೇಷ ಅಂದರೆ ಈ ವಿಧಾನದಿಂದ ಮಕ್ಕಳನ್ನು ಸೃಷ್ಟಿಸಿದ ಮೊದಲ ದೇಶ ಯುಕೆ ಅಲ್ಲ. ಈ ಪ್ರಯೋಗವನ್ನು 2016 ರಲ್ಲಿ ಅಮೆರಿಕದಲ್ಲಿ ಮಾಡಲಾಗಿದೆ. ಈ ವಿಧಾನದ ಮೂಲಕ ಜೋರ್ಡಾನ್ ದಂಪತಿಗಳು ಈ ತಂತ್ರಜ್ಞಾನವನ್ನು ಬಳಸಿಕೊಂಡು ಆರೋಗ್ಯವಂತ ಮೊದಲ ಮಗು ಜನಿಸಿತ್ತು.