Mother: ಐಸಿಯುನಲ್ಲಿದ್ದ ತಾಯಿ ಮುಂದೆಯೇ ಮಗಳ ಮದುವೆ; ತಾಳಿ ಕಟ್ಟಿದ್ದು ನೋಡಿ ಕಣ್ಮುಚ್ಚಿಕೊಂಡ ಅಮ್ಮ!

ಬಿಹಾರದ ಗಯಾವನ್ನು ಮೋಕ್ಷದ ನಗರವೆಂದು ಪರಿಗಣಿಸಲಾಗಿದೆ. ಇಲ್ಲಿ ಖಾಸಗಿ ಆಸ್ಪತ್ರೆಯ ಐಸಿಯು ವಾರ್ಡ್‌ನಲ್ಲಿ ತಾಯಿಯೊಬ್ಬರ ಕೊನೆಯ ಆಸೆಯಂತೆ ಮಗಳ ಮದುವೆ ನಡೆದಿದೆ.

ಮದುವೆ ಮುಗಿದ ಸ್ವಲ್ಪ ಸಮಯದ ನಂತರ ತಾಯಿ ಐಸಿಯು ವಾರ್ಡ್‌ನಲ್ಲಿ ಸಾವನ್ನಪ್ಪಿದರು. ಇಂಥದ್ದೊಂದು ಕಥೆ ಆಗಾಗ ಚಿತ್ರಗಳಲ್ಲಿ ಕಂಡು ಬರುತ್ತಿದೆ ಆದರೆ ಬಿಹಾರದ ಗಯಾದಲ್ಲಿ ನಡೆದ ಇಂತಹದ್ದೇ ಮದುವೆಯನ್ನು ನೋಡಿ ಜನರ ಕಣ್ಣಲ್ಲಿ ನೀರು ತುಂಬಿತ್ತು. ವಧು-ವರರ ಕಡೆಯವರೊಂದಿಗೆ ಆಸ್ಪತ್ರೆಯ ಸಿಬ್ಬಂದಿಯೆಲ್ಲರ ಕಣ್ಣುಗಳು ತೇವಗೊಂಡಿದ್ದವು.

ಪೂನಂ ಕುಮಾರಿ ವರ್ಮಾ ಎಂಬುವರೇ ಆಸ್ಪತ್ರೆಯಲ್ಲಿ ಮೃತಪಟ್ಟ ತಾಯಿ. ಅವರು ತಮ್ಮ ಮಗಳು ಚಾಂದಿನಿ ಕುಮಾರಿಗೆ ಇಂಜಿನಿಯರ್ ಆಗಿರುವ ಸುಮಿತ್ ಗೌರವ್ ಅವರೊಂದಿಗೆ ವಿವಾಹ ನಿಶ್ಚಯ ಮಾಡಿದ್ದರು. ಆದರೆ ಹುಡುಗಿಯ ತಾಯಿಯ ಆರೋಗ್ಯ ಹದಗೆಟ್ಟಾಗ, ನಿಶ್ಚಿತಾರ್ಥದ ನಿಗದಿತ ದಿನಾಂಕಕ್ಕಿಂತ ಒಂದು ದಿನ ಮುಂಚಿತವಾಗಿ ಇಬ್ಬರನ್ನೂ ಮದುವೆಯಾಗುವಂತೆ ಒತ್ತಾಯಿಸಿದಳು. ಇದಾದ ಬಳಿಕ ಐಸಿಯುನಲ್ಲಿ ಮದುವೆ ಮಾಡಲಾಗಿತ್ತು.

ಈ ಮದುವೆಗೆ ಖಾಸಗಿ ಆಸ್ಪತ್ರೆಯಿಂದ ಅನುಮತಿ ಪಡೆದ ನಂತರ ಅವರ ಸಂಬಂಧಿಕರು ವಧು-ವರರೊಂದಿಗೆ ಐಸಿಯು ತಲುಪಿದರು. ತಾಯಿ ಐಸಿಯು ಬೆಡ್‌ನಲ್ಲಿ ವೈದ್ಯಕೀಯ ಉಪಕರಣಗಳೊಂದಿಗೆ ಮಗಳು ಮತ್ತು ಅಳಿಯನನ್ನು ನೋಡುತ್ತಲೇ ಇದ್ದರು. ಈ ಸಂದರ್ಭದಲ್ಲಿ ಪಂಡಿತರು ಇಬ್ಬರಿಗೂ ವೈವಾಹಿಕ ಜೀವನದ ಪ್ರಮಾಣ ವಚನ ಬೋಧಿಸಿದರು ಮತ್ತು ಇಬ್ಬರೂ ಪರಸ್ಪರ ಹಾರ ಬದಲಾಯಿಸಿಕೊಂಡರು.

ಮದುವೆಯಾದ ಕೇವಲ ಎರಡೇ ಗಂಟೆಯಲ್ಲಿ ಹುಡುಗಿಯ ತಾಯಿ ಇಹಲೋಕ ತ್ಯಜಿಸಿದ್ದಾರೆ. ಮದುವೆಯಾದ ಕೇವಲ ಎರಡು ಗಂಟೆಗಳ ನಂತರ ತನ್ನ ತಾಯಿಯನ್ನು ಕಳೆದುಕೊಂಡ ಚಾಂದಿನಿ ಕುಮಾರಿ ಕಣ್ಣೀರು ಸುರಿಸಿದ್ದಾರೆ.

ತಾಯಿ ಕೂಡ ಹೃದ್ರೋಗದಿಂದ ಬಳಲುತ್ತಿದ್ದರು. ತಾಯಿಯ ಸ್ಥಿತಿ ಹದಗೆಡುತ್ತಲೇ ಇತ್ತು, ವೈದ್ಯರು ಜೀವ ಉಳಿಸುವುದು ಕಷ್ಟ ಎಂದು ಹೇಳಲಾರಂಭಿಸಿದಾಗ, ತಾಯಿಯ ಆಸೆಯನ್ನು ಪೂರೈಸಲು ಆಸ್ಪತ್ರೆಯಲ್ಲಿ ಮದುವೆಗೆ ವ್ಯವಸ್ಥೆ ಮಾಡಲಾಯಿತು.

ತೀವ್ರ ಅಸ್ವಸ್ಥಳಾಗಿರುವ ತಾಯಿಯೊಬ್ಬಳು ತನ್ನ ಮುಂದೆ ತನ್ನ ಮಗಳು ಮದುವೆಯಾಗುವುದನ್ನು ನೋಡಬೇಕೆಂಬ ಕೊನೆಯ ಆಸೆ ಅಕ್ಷರಶಃ ಈಡೇರಿದೆ.