Youtube ಮೂಲಕ ತಿಂಗಳಿಗೆ 4 ಲಕ್ಷ ದುಡಿಯುತ್ತಿದ್ದಾರೆ ಕೇಂದ್ರ ಸಚಿವ ನಿತಿನ್​ ಗಡ್ಕರಿ!

ವಿಡಿಯೋ ಸ್ಟ್ರೀಮಿಂಗ್ ಸೇವೆಯನ್ನು ಒದಗಿಸುವ ಯುಟ್ಯೂಬ್  ಮೂಲಕ ಹಣ ಗಳಿಸಬಹುದು ಎಂಬುದು ಬಹುತೇಕರಿಗೆ ಗೊತ್ತಿದೆ. ಗೂಗಲ್ ಜಿಮೇಲ್ ಖಾತೆ ಹೊಂದಿದ್ದ ಪ್ರತಿಯೊಬ್ಬ ವ್ಯಕ್ತಿಯು ಯುಟ್ಯೂಬ್ ಮೂಲಕ ವಿಡಿಯೋ ಹರಿಯಬಿಟ್ಟು ಹಣ ಗಳಿಸಬಹುದಾಗಿದೆ. ಅಷ್ಟೇ ಏಕೆ ಭಾರತದಾದ್ಯಂತ ಅನೇಕರು ವ್ಲಾಗ್ ಅಥವಾ ವೆಡ್ಡಿಂಗ್ ವಿಡಿಯೋ. ಆಲ್ಬಂ ಸಾಂಗ್ ಹೀಗೆ ನಾನಾ ವಿಧದ ವಿಡಿಯೋ ಹರಿಯ ಬಿಡುವ ಮೂಲಕ ಲಕ್ಷಾಂತರ ಹಣ ಗಳಿಸುವವರು ಇದ್ದಾರೆ. ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವರು ನಿತಿನ್ ಗಡ್ಕರಿ ಕೂಡ ಯುಟ್ಯೂಬ್ ನಿಂದ ಲಕ್ಷಾಂತರ ರೂಪಾಯಿ ಮೂಲಕ ದುಡಿಯುತ್ತಿದ್ದಾರೆ ಎಂಬುದು ಗೊತ್ತಿದ್ಯಾ?

ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವರು ನಿತಿನ್ ಗಡ್ಕರಿ ಅವರ ವಿಡಿಯೋ ನೋಡುವವರ ಸಂಖ್ಯೆ ಅಧಿಕವಾಗುತ್ತಿದೆ. ಅಂದರೆ ನಿತಿನ್ ಗಡ್ಕರಿ ಮಾಡಿರುವ ಉಪನ್ಯಾಸ ಕಾರ್ಯಕ್ರಮಗಳನ್ನು ಅನೇಕರು ವೀಕ್ಷಿಸುತ್ತಿದ್ದಾರೆ. ಹಾಗಾಗಿ ವೀಕ್ಷಕರ ಸಂಖ್ಯೆ ಅಧಿಕವಾಗುತ್ತಾ ಬಂದಿದ್ದು, ಪ್ರತಿ ತಿಂಗಳು ನಾಲ್ಕು ಲಕ್ಷ ರೂಪಾಯಿ ಗಳಿಸುತ್ತಿದ್ದಾರಂತೆ!.

ನಿತಿನ್ ಗಡ್ಕರಿ ಅವರು ನಾಗಪುರ ಅಥವಾ ದೆಹಲಿಯಲ್ಲಿರುವ ತಮ್ಮ ನಿವಾಸದಿಂದ ಪ್ರತಿದಿನ ಐದರಿಂದ ಏಳು ವೆಬಿನಾರ್​ಗಳನ್ನು ಮಾಡುತ್ತಾರೆ. ಸಾಂಕ್ರಾಮಿಕ ಕೊರೋನಾ ರೋಗದ ಸಮಯದಲ್ಲಿ ಇವರ ಮಾಡಿದ ಉಪನ್ಯಾಸ ಕಾರ್ಯಕ್ರಮವನ್ನು ಅನೇಕರು ವೀಕ್ಷಿಸಿದ್ದಾರೆ. ಮಾತ್ರವಲ್ಲದೆ ಇದರ ಮೂಲಕ ಹಣ ಗಳಿಸುತ್ತಿದ್ದಾರೆ.

ಸುಮಾರು 1500ಕ್ಕೂ ಹೆಚ್ಚಿನ ಇಂತಹ ವರ್ಚುವಲ್ ಕಾರ್ಯಕ್ರಮಗಳ ವಿಡಿಯೋ ತುಣುಕನ್ನು ಯುಟ್ಯೂಬ್ ಚಾನೆಲ್​ನಲ್ಲಿ ಹಂಚಿಕೊಂಡಿದ್ದಾರೆ. ಕೊರೋನಾ ಪ್ರಾರಂಭವಾಗಿ ಲಾಕ್ಡೌನ್ ಘೋಷಣೆಯಾದ ಸಮಯದಲ್ಲಿ ಗಡ್ಕರಿ ಈವೆಂಟ್ ಮತ್ತು ವಿವಿಧ ಕಾರ್ಯಕ್ರಮಗಳ ವಿಡಿಯೋ ಲಿಂಕ್​ಗಳನ್ನು ಹಂಚಿಕೊಳ್ಳಲು ಪ್ರಾರಂಭಿಸಿದರು.

ಏಪ್ರಿಲ್ 2ರಿಂದ ಆರಂಭಗೊಂಡು ಸುಮಾರು 1500ಕ್ಕೂ ಹೆಚ್ಚಿನ ಕಾರ್ಯಕ್ರಮದಲ್ಲಿ ಭಾಗವಹಿಸಿದಲ್ಲದೆ ಆ ವಿಡಿಯೋ ತುಣುಕನ್ನು ಯುಟ್ಯೂಬ್ ಮೂಲಕ ಹಂಚಿಕೊಂಡಿದ್ದಾರೆ. ಇದು ಭಾರತದ ಮಾತ್ರವಲ್ಲದೆ ವಿದೇಶಗಳಲ್ಲಿನ ಕೋಟಿಗಟ್ಟಲೆ ಜನರನ್ನು ತಲುಪಿದೆ.

ಇನ್ನು ಟ್ವಿಟ್ಟರ್ನಲ್ಲಿ 92 ಲಕ್ಷ ಅನುಯಾಯಿ, ಫೇಸ್ಬುಕ್ನಲ್ಲಿ 16 ಲಕ್ಷ ಅನುಯಾಯಿಗಳು, ಇನ್ಸ್ಟಾಗ್ರಾಮ್ನಲ್ಲಿ 13 ಲಕ್ಷ ಅನುಯಾಯಿಗಳು ಮತ್ತು ಯೂಟ್ಯೂಬ್​ನಲ್ಲಿ ಎರಡು ಲಕ್ಷ ಅನುಯಾಯಿಗಳನ್ನು ಗಡ್ಕರಿ ಹೊಂದಿದ್ದಾರೆ. 2015ರಲ್ಲಿ ಗಡ್ಕರಿ ಯ್ಯೂಟೂಬ್ ಖಾತೆ ತೆರೆದರು. ಅವರ ಎಲ್ಲಾ ಭಾಷಣಗಳು, ಪತ್ರಿಕಾಗೋಷ್ಠಿಗಳು ಮತ್ತು ಮಾಧ್ಯಮ ಬೈಟ್​ಗಳನ್ನು ಖಾತೆಯಲ್ಲಿ ಹಂಚಿಕೊಳ್ಳುತ್ತಾರೆ.

ಕೊರೋನಾ ಸಾಂಕ್ರಾಮಿಕ ಸಮಯದಲ್ಲಿ ವಾಸ್ತವಿಕವಾಗಿ ಭಾಷಣ ಮಾಡಲು ಗಡ್ಕರಿ ಅವರನ್ನು ಅಂತಾರಾಷ್ಟ್ರೀಯ ಸಂಸ್ಥೆಗಳು, ವಿಶ್ವವಿದ್ಯಾಲಯಗಳು ಆಹ್ವಾನಿಸಿವೆ ಮತ್ತು ಆ ಎಲ್ಲಾ ವಿಡಿಯೋಗಳನ್ನು ಅವರ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಆಗಿದೆ.

ನಾಗ್ಪುರ ಮೂಲದ ಇಬ್ಬರು ಪತ್ರಕರ್ತರು, ರಾಹುಲ್ ಪಾಂಡೆ ಮತ್ತು ಸರಿತಾ ಕೌಶಿಕ್ ಅವರು ಸುಮಾರು 500 ವೆಬ್ನಾರ್ಗಳು ಮಾಡಿದ ವಿಚಾರವಾಗಿ 'ಅನ್ ಮಾಸ್ಕಿಂಗ್ ಇಂಡಿಯಾ' ಎಂಬ ಪುಸ್ತಕವನ್ನು ಹೊರತರುತ್ತಿದ್ದಾರೆ. ಆತ್ಮನಿರ್ಭರ್ ಭಾರತ್ ಕುರಿತು ಗಡ್ಕರಿಯವರು ಹೇಳಿರುವ ಅದ್ಭುತ ಆಲೋಚನೆಗಳ ಸಂಕಲನ ಈ ಪುಸ್ತಕ ಎಂದು ಅವರು ಹೇಳಿದ್ದಾರೆ.