Crime: ಸ್ವಂತ ಅಕ್ಕಂದಿರೊಂದಿಗೆ ಅಕ್ರಮ ಸಂಬಂಧ; ಮೂರನೇ ಅವಳ ಸಂಬಂಧ ಅರಸಿ ಹೋಗಿ ಕೊಲೆಯಾದ

ಚತ್ತೀಸ್​ಗಢದ ರಾಜ್ಪುರದ ಬಲರಾಮ್​ಪುರ ಜಿಲ್ಲೆಯ ಬಗಾಡಿ ಗ್ರಾಮದ ಮುಖೇಶ್​ ಮರವಿ ಕೊಲೆಯಾದ ವ್ಯಕ್ತಿ. ಈತನನ್ನು ಕೊಂದು ಹಾಕಿದ ಇಬ್ಬರು ಅಕ್ಕಂದಿರು ಯಾರಿಗೂ ತಿಳಿಯದಂತೆ ಆತನ ದೇಹವನ್ನು ಮನೆಯ ಸಮೀಪದ ಬಾವಿಯಲ್ಲಿ ತಂದು ಬಿಸಾಕಿದ್ದರು. ಇದಾದ ಬಳಿಕ ಮುಖೇಶ್​​ ಮರವಿ ನಾಪತ್ತೆಯಾಗಿದ್ದಾನೆ ಎಂದು ನಾಟಕ ಆಡಿದ್ದಾರೆ.

ಈ ಪ್ರಕರಣವನ್ನು ದಾಖಲಿಸಿಕೊಂಡ ಪೊಲೀಸರು ತನಿಖೆಗೆ ಮುಂದಾಗಿದ್ದರು. ಕಳೆದೆರಡು ದಿನಗಳ ಹಿಂದೆ ಮೃತ ಮುಖೇಶ್ ಮರವಿ ದೇಹ ಹಾಳು ಬಾವಿಯಲ್ಲಿ ಪತ್ತೆಯಾಗಿದೆ. ಇದಾದ ಬಳಿಕ ಆತನ ಅಕ್ರಮ ಸಂಬಂಧದ ಭಯಾನಕ ಕಥೆಗಳು ಹೊರ ಬಿದ್ದಿದೆ.

ಇನ್ನು ಮುಖೇಶನ ತನ್ನ ಇಬ್ಬರು ಅಕ್ಕಂದಿರ ಜೊತೆ ವಾಸವಾಗಿದ್ದ. ಇದರಲ್ಲಿ ಒಬ್ಬಳು ಗಂಡನನ್ನು ತೊರೆದು ಬಂದು ಆತನ ಜೊತೆ ವಾಸವಾಗಿದ್ದಳು. ಈ ವೇಳೆ ಮುಖೇಶನೊಂದಿಗೆ ಆಪ್ತತೆ ಬೆಳೆದು ಸಂಬಂಧ ಅಕ್ರಮಕ್ಕೆ ತಿರುಗಿದೆ.

ಇಬ್ಬರು ಅಕ್ಕಂದಿರು ತಮ್ಮನೊಂದಿಗೆ ಅಕ್ರಮ ಸಂಬಂಧದಲ್ಲಿ ಜೀವನ ನಡೆಸುತ್ತಿದ್ದರು. ಈ ವೇಳೆ ಮುಖೇಶ ಮೂರನೇ ಸಂಬಂಧ ಹೊಂದಿರುವ ವಿಚಾರ ಇವರಿಗೆ ತಿಳಿಯಿತು. ಇದರಿಂದ ಸಿಟ್ಟಿಗೆದ್ದ ಇಬ್ಬರು ಆತನನ್ನು ಕೊಲೆ ಮಾಡುವ ಸಂಚು ರೂಪಿಸಿದ್ದಾರೆ.

ಅವರ ಯೋಜನೆಯಂತೆ ಅಕ್ಕ ಯಾವುದೋ ನೆಪದಲ್ಲಿ ಮುಖೇಶ್‌ನನ್ನು ಮನೆಗೆ ಕರೆಸಿ ಕಂಠಪೂರ್ತಿ ಕುಡಿಸಿದ್ದಾರೆ. ಇದಾದ ನಂತರ ಎಲ್ಲರೂ ಸೇರಿ ರಾಜಪುರದ ವಾರದ ಮಾರುಕಟ್ಟೆಗೆ ಭೇಟಿ ನೀಡಲು ಹೋಗಿದ್ದಾರೆ. ವಾಪಸು ಬರುವಾಗ ಸಹೋದರಿಯರಿಬ್ಬರೂ ಮುಖೇಶ್ ಮೇಲೆ ದೊಣ್ಣೆ, ರಾಡ್​​​ಗಳಿಂದ ಹಲ್ಲೆ ನಡೆಸಿದ್ದಾರೆ. ಆತನನನು ಹೊಡೆದು ಸಾಯಿಸಿ ಶವವನ್ನು ಬಾವಿಗೆ ಎಸೆದು ಪರಾರಿಯಾಗಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ