Tirumala: ಏಪ್ರಿಲ್​​​ನಲ್ಲಿ ತಿರುಪತಿಗೆ ಹೋಗುತ್ತಿದ್ದೀರಾ? ಹಾಗಾದರೆ ನೀವು ಈ ಸುದ್ದಿಯನ್ನು ಓದಲೇಬೇಕು!

ತಿರುಮಲ ತಿರುಪತಿ ವೆಂಕಟೇಶ್ವರ ಸ್ವಾಮಿ ಭಕ್ತರಿಗೆ ಟಿಟಿಡಿ ಶುಭ ಸುದ್ದಿಯನ್ನು ನೀಡಿದೆ. ಏಪ್ರಿಲ್​ ತಿಂಗಳಿಗೆ ಸಂಬಂಧಿಸಿದ 300 ರೂಪಾಯಿ ಪ್ರತ್ಯೇಕ ಪ್ರವೇಶ ದರ್ಶನದ ಟಿಕೆಟ್​​​ಗಳನ್ನು ಬಿಡುಗಡೆ ಮಾಡುವ ಕುರಿತಂತೆ ತಿರುಮಲ ತಿರುಪತಿ ದೇವಸ್ಥಾನ ಸಮಿತಿ ಅಪ್​​ಡೇಟ್​​ ನೀಡಿದೆ. (ಸಾಂದರ್ಭಿಕ ಚಿತ್ರ)​​

ಏಪ್ರಿಲ್​​ ತಿಂಗಳ 300 ರೂಪಾಯಿ ಮೊತ್ತದ ಪ್ರತ್ಯೇಕ ಪ್ರವೇಶ ದರ್ಶನದ ಟಿಕೆಟ್​​ಗಳನ್ನು ಇದೇ ತಿಂಗಳ 27ರ ಬೆಳಗ್ಗೆ 11 ಗಂಟೆಗೆ ಆನ್​​ಲೈನ್​​ನಲ್ಲಿ ಬಿಡುಗಡೆ ಮಾಡಲಾಗುತ್ತದೆ ಎಂದು ಟಿಟಿಡಿ ಪ್ರಕಟಣೆಯಲ್ಲಿ ತಿಳಿಸಿದೆ. ಏಪ್ರಿಲ್​​ ತಿಂಗಳಿನಲ್ಲಿ ತಿರುಮಲಕ್ಕೆ ಆಗಮಿಸಬೇಕು ಎಂದುಕೊಂಡಿರುವ ಭಕ್ತರು ಟಿಟಿಡಿ ಅಧಿಕೃತ ವೆಬ್​​ಸೈಟ್​​ ಹಾಗೂ ಆ್ಯಪ್​​ ಮೂಲಕ ಟಿಕೆಟ್​ ಬುಕ್​ ಮಾಡಬಹುದು ಎಂದು ಟಿಟಿಡಿ ತಿಳಿಸಿದೆ. (ಸಾಂದರ್ಭಿಕ ಚಿತ್ರ)

ಇನ್ನು ಜೂನ್​​ ತಿಂಗಳಿಗೆ ಸಂಬಂಧಿಸಿದ ಅಂಗ ಪ್ರದಕ್ಷಿಣೆ ಟಿಕೆಟ್​ಗಳನ್ನು ಟಿಟಿಡಿ ಬಿಡುಗಡೆ ಮಾಡಿದೆ. ಶುಕ್ರವಾರದಿಂದಲೇ ಈ ಟಿಕೆಟ್​​ಗಳು ಆನ್​ಲೈನ್​​ನಲ್ಲಿ ಲಭ್ಯವಿದೆ. ಟಿಕೆಟ್​​ ಬುಕ್ಕಿಂಗ್​ ಆರಂಭವಾದ ಕೆಲ ನಿಮಿಷಗಳಲ್ಲೇ ಟಿಕೆಟ್​ಗಳು ಮಾರಾಟವಾಗಿದೆ. ಈ ಟಿಕೆಟ್​ ಹೊಂದಿರುವ ಭಕ್ತರಿಗೆ ಶ್ರೀವಾರಿ ದೇವಸ್ಥಾನದ ಸುತ್ತಲು ಅಂಗ ಪ್ರದಕ್ಷಿಣೆ ಮಾಡಲು ಅವಕಾಶ ಲಭ್ಯವಾಗಲಿದೆ. (ಸಾಂದರ್ಭಿಕ ಚಿತ್ರ)

ಇದೇ ವೇಳೆ ಟಿಟಿಡಿ ಏಪ್ರಿಲ್ ತಿಂಗಳಿನಲ್ಲಿ ವೃದ್ಧರು ಮತ್ತು ಅಂಗವಿಕಲರಿಗೆ ಉಚಿತ ವಿಶೇಷ ದರ್ಶನ ಟೋಕನ್​ಗಳನ್ನು ಬಿಡುಗಡೆ ಮಾಡಿತ್ತು. ಇವುಗಳ ಜೊತೆಗೆ ಜೂನ್ ತಿಂಗಳ ಕಲ್ಯಾಣಂ, ಊಂಜಾಲ್ ಸೇವೆ, ಆರ್ಜಿತ ಬ್ರಹ್ಮೋತ್ಸವ, ಸಹಸ್ರದೀಪಾಲಂಕರಣದ ಟಿಕೆಟ್ ಕೂಡ ಬಿಡುಗಡೆಯಾಗಿತ್ತು. (ಸಾಂದರ್ಭಿಕ ಚಿತ್ರ)

ಅಂಗ ಪ್ರದಕ್ಷಿಣೆಯೊಂದಿಗೆ 300 ರೂಪಾಯಿಯ ಪ್ರತ್ಯೇಕ ದರ್ಶನ ಟಿಕೆಟ್​​ಗಳಿಗೆ ಭಾರೀ ಬೇಡಿಕೆ ಇರುತ್ತದೆ. ಆನ್​​ಲೈನ್​​​ ಬುಕ್ಕಿಂಗ್​ ಶುರುವಾಗುವ ಕೆಲ ನಿಮಿಷಗಳಲ್ಲಿ ಟಿಕೆಟ್​​ಗಳು ಖಾಲಿಯಾಗುತ್ತದೆ. ಈ ಟಿಕೆಟ್​​ಗಳಿಗೆ ಭಾರೀ ಬೇಡಿಕೆ ಇದೆ. ಹಲವರು ಟಿಕೆಟ್​ ಬುಕ್​​ ಮಾಡಲು ಪ್ರಯತ್ನಿಸಿ ವಿಫಲರಾಗುತ್ತಾರೆ. (ಸಾಂದರ್ಭಿಕ ಚಿತ್ರ)

ತಿರುಮಲದಲ್ಲಿ ಶ್ರೀವಾರಿ ಸರ್ವ ದರ್ಶನಕ್ಕೆ 10 ಗಂಟೆಗಳ ಸಮಯ ( SSD ಟೋಕನ್ ಇಲ್ಲದವರಿಗೆ) ತೆಗೆದುಕೊಳ್ಳುತ್ತದೆ. ಟೈಮ್ ಸ್ಲಾಟ್ ದರ್ಶನಕ್ಕೆ 4 ರಿಂದ 6 ಗಂಟೆಗಳು, 300 ರೂಪಾಯಿ ವಿಶೇಷ ದರ್ಶನಗಳಿಗೆ 2 ರಿಂದ 4 ಗಂಟೆಗಳ ಸಮಯವಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಮಾರ್ಚ್​​ 24ರಂದು 63,507 ಮಂದಿ ಭಕ್ತರು ವೆಂಕಟೇಶ್ವರ ಸ್ವಾಮಿ ದರ್ಶನವನ್ನು ಪಡೆದುಕೊಂಡಿದ್ದಾರೆ. ಇವರಲ್ಲಿ 29,205 ಮಂದಿ ಮುಡಿ ಸಲ್ಲಿಸಿದ್ದಾರೆ. ಭಕ್ತರು ನೀಡಿರುವ ಕಾಣಿಕೆ ಹುಂಡಿಯಲ್ಲಿ 3.72 ಕೋಟಿ ರೂಪಾಯಿ ಆದಾಯ ಬಂದಿದೆ. (ಸಾಂದರ್ಭಿಕ ಚಿತ್ರ)