Tirupati: ಕಲುಷಿತ ಮುಕ್ತವಾಗಲಿದೆ ತಿರುಮಲ, ವೆಂಕಟೇಶ್ವರನ ಸನ್ನಿಧಾನದಲ್ಲಿ ಹೊಸ ವ್ಯವಸ್ಥೆ

ನಂಬಿದ ಭಕ್ತರನ್ನು ಎಂದಿಗೂ ಕೈಬಿಡದ ತಿರುಪತಿ ತಿಮ್ಮಪ್ಪನ ಸನ್ನಿಧಾನದಲ್ಲಿ ಹೊಸ ಸೇವೆಯೊಂದು ಆರಂಭವಾಗಲಿದೆ. ವೆಂಕಟೇಶ್ವರನ ದರ್ಶನಕ್ಕೆ ಇನ್ಮೇಲೆ ಹೊಸ ಸೌಕರ್ಯ ದೊರೆಯಲಿದೆ.

ಮೇಘಾ ಇಂಜಿನಿಯರಿಂಗ್ ಮತ್ತು ಇನ್ಫ್ರಾಸ್ಟ್ರಕ್ಚರ್ಸ್ ಲಿಮಿಟೆಡ್ (MEIL) ತಿರುಮಲಕ್ಕೆ ಭೇಟಿ ನೀಡುವ ಭಕ್ತರ ಅನುಕೂಲಕ್ಕಾಗಿ ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಎಲೆಕ್ಟ್ರಿಕ್ ಬಸ್​ಗಳನ್ನು ಒದಗಿಸಲು ತೀರ್ಮಾನಿಸಿದೆ.

ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಒಲೆಕ್ಟ್ರಾ ತಯಾರಿಸಿದ ಅತ್ಯಾಧುನಿಕ ಸೌಲಭ್ಯಗಳೊಂದಿಗೆ 10 ಎಲೆಕ್ಟ್ರಿಕ್ ಬಸ್​ಗಳನ್ನು ಒದಗಿಸಲು ಈ ಖಾಸಗಿ ಸಂಸ್ಥೆ ನಿರ್ಧರಿಸಿದೆ. ಈ ಮೂಲಕ ಭಕ್ತಾದಿಗಳಿಗೆ ಆಧುನಿಕ ಸೌಕರ್ಯ ದೊರೆಯುವ ಸುದ್ದಿ ಹೊರಬಿದ್ದಿದೆ.

ತಿರುಮಲಕ್ಕೆ ಭೇಟಿ ನೀಡುವ ಭಕ್ತರಿಗೆ ಮಾಲಿನ್ಯ ಮುಕ್ತ ಪ್ರಯಾಣವನ್ನು ಒದಗಿಸಲು ಟಿಟಿಡಿ ಈ ಬಸ್​ಗಳನ್ನು ಬಳಸಲಿದೆ. ಒಲೆಕ್ಟ್ರಾ ಸಂಸ್ಥೆಯ ಪ್ರತಿನಿಧಿಗಳು ಟಿಟಿಡಿ ಅಧಿಕಾರಿಗಳಿಗೆ ಬಸ್​ನ ಕಾರ್ಯಕ್ಷಮತೆಯನ್ನು ತಿಳಿಸಿದ್ದಾರೆ. ಪ್ರಯಾಣಿಕರಿಗೆ ಸಂಪೂರ್ಣ ಸುರಕ್ಷತೆ ಒದಗಿಸುವ ನಿಟ್ಟಿನಲ್ಲಿ ಬಸ್ ವ್ಯವಸ್ಥೆ ಮಾಡಲಾಗಿದೆ.

ಬಸ್ ಎಲ್ಲಿಗೆ ಹೋಗುತ್ತಿದೆ ಎಂಬ ವಿವರವನ್ನು ಬಸ್ ಗಳಲ್ಲಿರುವ ಎಲೆಕ್ಟ್ರಾನಿಕ್ ಡಿಸ್ ಪ್ಲೇ ಬೋರ್ಡ್​ನಲ್ಲಿ ಮಾಹಿತಿ ನೀಡಲಾಗುತ್ತದೆ. ಯಾವುದೇ ತೊಂದರೆಗಳಿಲ್ಲದೆ ತಿರುಮಲದಲ್ಲಿ ಭಕ್ತರು ದೇಗುಲ ತಲುಪಲು ತಲುಪಲು ಇದು ಸಹಾಯ ಮಾಡುತ್ತದೆ.

ಈ ಎಲೆಕ್ಟ್ರಿಕ್ ಬಸ್​ಗಳ ಮೇಲೆ ತಿರುಪತಿ ತಿಮ್ಮಪ್ಪನ ಕಥೆಗಳನ್ನು ಸಾರುವ ಚಿತ್ರಗಳನ್ನು, ಘೋಷಣೆಗಳನ್ನು ಬರೆಯಲಾಗಿದೆ. ಭಕ್ತಾದಿಗಳು ಪ್ರಯಾಣದ ಅವಧಿಯಲ್ಲಿ ಈ ಚಿತ್ರಗಳನ್ನು ಸವಿಯಬಹುದಾಗಿದೆ.

ಒಟ್ಟಾರೆ ತಿರುಮಲ ತಿಮ್ಮಪ್ಪನ ದರ್ಶನ ಮಾಡಬಯಸುವವರು ಅತ್ಯಾಧುನಿಕ ಎಲೆಕ್ಟ್ರಿಕ್ ಬಸ್​ಗಳ ಮೂಲಕ ದೇಗುಲ ತಲುಪಬಹುದಾಗಿದೆ.