Tirumala Free Darshan: ಇಂದಿನಿಂದ ತಿರುಪತಿ ತಿಮ್ಮಪ್ಪನ ಉಚಿತ ದರ್ಶನ; ಭಕ್ತರಲ್ಲಿ ಸಂತಸ

ಕೋವಿಡ್​ ಎರಡನೇ ಅಲೆ ಬಳಿಕ ಭಕ್ತರಿಗೆ ಉಚಿತ ದರ್ಶನ ವ್ಯವಸ್ಥೆ ನಿರ್ಬಂಧಗೊಳಿಸಲಾಗಿತ್ತು. ಅಲ್ಲದೇ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ವಿಶೇಷ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿತ್ತು

ಉಚಿತ ದರ್ಶನ ರದ್ದಾದ ಹಿನ್ನಲೆ ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಜನಸಾಮಾನ್ಯರ ಸಂಖ್ಯೆ ಕೂಡ ಕುಸಿದಿತು. ಸಾವಿರ ಗಟ್ಟಲೇ ಟಿಕೆಟ್​ ಜೊತೆಗೆ ಇಂತಿಷ್ಟೇ ಟಿಕೆಟ್​ ಅನ್ನು ಮಾತ್ರ ಹಂಚಲಾಗಿತ್ತು

ಆದರೆ, ಈಗ ಎಲ್ಲಾ ಭಕ್ತರಿಗೂ ಉಚಿತ ಪ್ರವೇಶಕ್ಕೆ ಅವಕಾಶ ಕಲ್ಪಿಸಲಾಗಿದೆ. ಮೊದಲಿಗೆ ಆಂಧ್ರ ಪ್ರದೇಶದ ಚಿತ್ತೂರು ಜಿಲ್ಲೆಯ ಜನರಿಗೆ ಮಾತ್ರ ಈ ಪ್ರವೇಶ ಉಚಿತವಾಗಿರಲಿದೆ. ತಿರುಮಲ ತಿರುಪತಿ ಇದೇ ಚಿತ್ತೂರು ಜಿಲ್ಲೆಯಲ್ಲಿದ್ದು, ಈ ಜಿಲ್ಲೆಯ ಜನರು ತಿಮ್ಮಪ್ಪನ ದರ್ಶನ ಪಡೆಯಬಹುದಾಗಿದೆ

ಕೋವಿಡ್​ ನಿಯಮಾವಳಿಗಳೊಂದಿಗೆ ದಿನಕ್ಕೆ 2000 ಟೋಕನ್​ ವಿತರಿಸುವ ಮೂಲಕ ಉಚಿತ ದರ್ಶನಕ್ಕೆ ಅವಕಾಶ ನೀಡಲಾಗಿದ್ದು, ಮುಂದಿನ ದಿನಗಳಲ್ಲಿ ಈ ಸಂಖ್ಯೆಯನ್ನು ಹೆಚ್ಚಿಸುವುದಾಗಿ ಟಿಟಿಡಿ ತಿಳಿಸಿದೆ. ಈ ಮೂಲಕ ಶೀಘ್ರದಲ್ಲಿಯೇ ಎಲ್ಲಾ ಭಕ್ತರಿಗೂ ತಿಮ್ಮಪ್ಪನ ಉಚಿತ ದರ್ಶನ ಸಿಗಲಿದೆ

ಕಳೆದ ಒಂದೂವರೆ ವರ್ಷದಿಂದ ತಿರುಪತಿಯಲ್ಲಿ ದರ್ಶನ ವ್ಯವಸ್ಥೆಗೆ ಹಲವು ನಿರ್ಬಂಧಗಳಿರುವ ಹಿನ್ನಲೆ ಅನೇಕ ಜನಸಾಮಾನ್ಯರು ತಿಮ್ಮಪ್ಪನ ದರ್ಶನ ಪಡೆಯಲು ಸಾಧ್ಯವಾಗಿಲ್ಲ.

ಇನ್ನು ಇದೇ ವೇಳೆ ವಿಶೇಷ ದರ್ಶನಕ್ಕೂ ಅವಕಾಶ ಕಲ್ಪಿಸಲಾಗಿದ್ದು, ಪ್ರತಿ ಟಿಕೆಟ್​ಗೆ 300 ರೂ ವಿಧಿಸಲಾಗಿದೆ. ಈ ಮೂಲಕ ಭಕ್ತರಿಗೆ ಅನುಕೂಲ ಮಾಡಿಕೊಡಲಾಗಿದೆ.