Free Gas: ಈ ಊರಲ್ಲಿ ಎಲ್ಲರಿಗೂ ಅಡುಗೆ ಅನಿಲ ಸಂಪೂರ್ಣ ಉಚಿತ, ನಿಮಗೂ ಫ್ರೀ ಗ್ಯಾಸ್ ಬೇಕು ಅಂದ್ರೆ ಹೀಗೆ ಮಾಡಿ!

ಅಡುಗೆ ಅನಿಲದ ಬೆಲೆ 1000ದ ಗಡಿ ದಾಟಿದೆ, ಈ ಕಾರಣದಿಂದ ಇಲ್ಲೊಂದು ಗ್ರಾಮ ಗೋಬರ್​ ಗ್ಯಾಸ್​ ಉತ್ಪಾದಿಸಿ ಸಾವಿರಾರು ರೂಪಾಯಿ ಉಳಿಸುತ್ತಿದೆ. ಗುಜರಾತ್​ನ ಬನಸ್ಕಾಂತ ಜಿಲ್ಲೆಯ ದೇವದಾರ್ ತಾಲೂಕಿನ ನವ ಗ್ರಾಮದ ಜನರು ಕೇಂದ್ರ ಸರ್ಕಾರದ ಗೋಬರ್ ಧನ್ ಯೋಜನೆ ಬಳಸಿ ತನ್ನದೇ ಅಡುಗೆ ಅನಿಲ ತಯಾರಿಸುತ್ತಿದೆ. ಈ ಗ್ರಾಮದಲ್ಲಿ 1200 ಜನರು ಜನಸಂಖ್ಯೆ ಇದ್ದು, ಸುಮಾರು 200 ಕುಟುಂಬಗಳು ಈ ಜೈವಿಕ ಅನಿಲದ ಸ್ಥಾವರಗಳನ್ನು ಹೊಂದಿವೆ.

ಗೋಬರ್ ಧನ್ ಯೋಜನೆಯನ್ನು ಕೇಂದ್ರ ಸರ್ಕಾರವು 2021 ರಲ್ಲಿ ಪ್ರಾರಂಭಿಸಿದೆ. ಈ ಯೋಜನೆಯಡಿ ಗೃಹ ಬಳಕೆಗಾಗಿ ಬಯೋ ಗ್ಯಾಸ್​ ಘಟಕಗಳನ್ನು ನಿರ್ಮಿಸಲಾಗಿದೆ. ಬನಾಸ್ ಡೈರಿ ಮತ್ತು ಜಿಲ್ಲಾ ಗ್ರಾಮಾಭಿವೃದ್ಧಿ ನಿಗಮದ ಜಂಟಿ ಉಪಕ್ರಮವಾಗಿ ನವ ಗ್ರಾಮದಲ್ಲಿ ಇದನ್ನು ಮೊದಲ ಬಾರಿಗೆ ಜಾರಿಗೆ ತರಲಾಯಿತು. ಇದರಿಂದ ಗ್ರಾಮದ ರೈತರಿಗೆ ಅನುಕೂಲವಾಗುತ್ತಿದೆ.

ನವ ಗ್ರಾಮದಲ್ಲಿ ಸುಮಾರು 200 ಮನೆಗಳಿಗೆ 200 ಜೈವಿಕ ಅನಿಲ ಘಟಕ ಸ್ಥಾಪಿಸಲಾಗಿದೆ. ಇವುಗಳಲ್ಲಿ ಕೆಲವು ಮನೆಗಳಲ್ಲಿ ಹಸುಗಳಿಲ್ಲ. ಆದರೆ ಅವರೂ ಕೂಡ ದೈನಂದಿನ ಅಗತ್ಯಕ್ಕೆ ತಕ್ಕಷ್ಟು ಅಡುಗೆ ಅನಿಲವನ್ನು ಉತ್ಪಾದಿಸಲು ಅವರು ಜೈವಿಕ ಅನಿಲ ಘಟಕವನ್ನು ನಿರ್ಮಿಸಿಕೊಂಡಿದ್ದಾರೆ.

ಎಮ್ಮೆಯ ಸಗಣಿಯಲ್ಲಿ ಮಾಡಿದ ಭರಣಿಗಳನ್ನು ಸುಟ್ಟು ಅಡುಗೆ ಮಾಡಿದರೆ ಹೊಗೆ ಬರುತ್ತದೆ. ಇದು ಪರಿಸರಕ್ಕೆ ಹಾನಿಕಾರಕವಾಗಿದೆ. ಅದೇ ಸಗಣಿಯಿಂದ ಬಯೋಗ್ಯಾಸ್ ತಯಾರಿಸಿದರೆ ಮಾಲಿನ್ಯ ಕಡಿಮೆಯಾಗುತ್ತದೆ. ಆದ್ದರಿಂದ ನೀವು ಮನೆಯಲ್ಲಿ ಈ ಗ್ಯಾಸ್​​ನಿಂದ ಅಡುಗೆ ಮಾಡಬಹುದು.

ಬಯೋ ಗ್ಯಾಸ್​ ಉತ್ಪಾದನೆಯಲ್ಲಿ ಸ್ಲರಿ ಎಂಬ ಮತ್ತೊಂದು ಪದಾರ್ಥ ಉತ್ಪತ್ತಿಯಾಗುತ್ತದೆ. ಇದನ್ನು ಹೊಲಗಳಲ್ಲಿ ಗೊಬ್ಬರವಾಗಿ ಬಳಸಲಾಗುತ್ತದೆ. ಈ ಗೋಬರ್​ ಗ್ಯಾಸ್​ ಘಟಕ ಇತ್ತ ಅನಿಲ ಮತ್ತು ಅತ್ತ ಗೊಬ್ಬರವವನ್ನು ತಯಾರಿಸುತ್ತಿದೆ. ಸಾವಯವ ರೈತರು ಈ ಸ್ಲರಿಯನ್ನು ಗೊಬ್ಬರಕ್ಕಾಗಿ ಖರೀದಿಸುತ್ತಾರೆ.

ನವ ಗ್ರಾಮದ ರೈತರೊಬ್ಬರು ತಮ್ಮ ಜಮೀನಿನಲ್ಲಿ ಜೈವಿಕ ಅನಿಲ ಘಟಕ ಸ್ಥಾಪಿಸಿದ್ದಾರೆ. ಆ ಮೂಲಕ ಗ್ಯಾಸ್​ ಬಳಸಿಕೊಳ್ಳುವ ಜೊತೆಗೆ ಸ್ಲರಿಯಿಂದಲೇ ವರ್ಷಕ್ಕೆ 8 ರಿಂದ 9 ಸಾವಿರ ರೂಪಾಯಿ ಆದಾಯ ಪಡೆಯುತ್ತಿದ್ದಾರೆ

ಈಗ ನವ ಗ್ರಾಮದಲ್ಲಿ ಜನರು ಪ್ರತಿನಿತ್ಯ ಸಗಣಿ ಸಂಗ್ರಹಿಸುತ್ತಿದ್ದಾರೆ. ಇಲ್ಲಿ ಗೊಬ್ಬರಕ್ಕೆ ಉತ್ತಮ ಬೇಡಿಕೆ ಇದೆ. ಅದೇ ಸಮಯದಲ್ಲಿ ಗ್ರಾಮವು ತುಂಬಾ ಸುಂದರವಾಗಿದೆ ಮತ್ತು ರಸ್ತೆಗಳು ಸಗಣಿಯಿಂದ ಮುಕ್ತವಾಗಿದೆ.

ಇತ್ತೀಚಿನ ದಿನಗಳಲ್ಲಿ ಅಡುಗೆ ಅನಿಲ ಬೆಲೆ ಪ್ರತಿ ತಿಂಗಳು ಹೆಚ್ಚಾಗುತ್ತಿದೆ. ಈ ಗ್ರಾಮದಲ್ಲಿ ಅಡುಗೆ ಅನಿಲ ಉಚಿತವಾಗಿ ದೊರೆಯುತ್ತದೆ. ಕುಟುಂಬದಲ್ಲಿ ಸುಮಾರು 9 ಮಂದಿ ಇದ್ದರೂ ಎಲ್ಲರಿಗೂ ಬೇಕಾದಷ್ಟು ಗ್ಯಾಸ್ ಸಿಗುತ್ತಿದೆ.

ಜೈವಿಕ ಅನಿಲ ಘಟಕ ನಿರ್ಮಿಸಲು 6 ಅಡಿ ಅಗಲ ಹಾಗೂ 5 ಅಡಿ ಆಳದ ಹೊಂಡ ತೋಡಲಾಗಿದೆ. ಈ ಹೊಂಡವನ್ನು ಸಿದ್ಧಪಡಿಸಿದ ನಂತರ, ಸರ್ಕಾರಿ ಸಂಸ್ಥೆಯಿಂದ ಪ್ಲಾಸ್ಟಿಕ್ ಬಲೂನ್ ಮತ್ತು ಇತರ ಅಗತ್ಯ ಉಪಕರಣಗಳನ್ನು ಅಳವಡಿಸಲಾಗುತ್ತದೆ. ಈ ಪ್ಲಾಸ್ಟಿಕ್ ಬಲೂನ್ ಶೀತ, ಶಾಖ ಮತ್ತು ಮಳೆಯನ್ನು ತಡೆದುಕೊಳ್ಳುವಷ್ಟು ಬಲಿಷ್ಠವಾಗಿದೆ.