UPSC Success Story: ಈ ಹಳ್ಳಿ ಐಎಎಸ್​ ​-ಐಪಿಎಸ್​ ಅಧಿಕಾರಿಗಳ ಫ್ಯಾಕ್ಟರಿ! ಇಲ್ಲಿ ಬೀದಿ ಬೀದಿಗಳಲ್ಲಿ UPSC ಪಾಸ್​ ಆದವರು ಸಿಕ್ತಾರೆ!

ದೇಶದ ಯಾವುದೇ ಮೂಲೆಗೆ ಹೋದರೂ ಅಲ್ಲಿ ರಿಕ್ಷಾ ಚಾಲಕರಿಂದ ಹಿಡಿದು ಆಡಳಿತ ಅಧಿಕಾರಿಗಳವರೆಗೆ ಸಾಗುತ್ತಾರೆ. ಇತ್ತೀಚೆಗೆ ಯುಪಿಎಸ್​ಸಿ ಫಲಿತಾಂಶ ಹೊರಬಿದ್ದಿದ್ದು 933 ಮಂದಿ ಉತ್ತೀರ್ಣರಾಗಿದ್ದಾರೆ. ವಿಶೇಷವೆಂದರೆ ಬಿಹಾರದಿಂದ ಪ್ರತಿ ವರ್ಷ ಗರಿಷ್ಠ ಸಂಖ್ಯೆಯ ಅಭ್ಯರ್ಥಿಗಳು ಯುಪಿಎಸ್‌ಸಿಯಲ್ಲಿ ಉತ್ತೀರ್ಣರಾಗುತ್ತಾರೆ . ಬಿಹಾರದ ಸಹರ್ಸಾ ಜಿಲ್ಲೆಯ ಬಂಗಾನ್ ಕೂಡ ಅಂತಹ ಗ್ರಾಮವಾಗಿದ್ದು, ಇದನ್ನು ಐಎಎಸ್-ಐಪಿಎಸ್ ಗ್ರಾಮ ಎಂದು ಕರೆಯಲಾಗುತ್ತದೆ.

ಈ ಗ್ರಾಮದಲ್ಲಿ ಒಂದೇ ಕುಟುಂಬದಲ್ಲಿ ಮೂರು-ನಾಲ್ಕು ಜನರು ಆಡಳಿತ ಸೇವೆಗೆ (IAS)ಆಯ್ಕೆಯಾಗಿದ್ದಾರೆ. ಅಂತಹ ಹಲವು ಕುಟುಂಬಗಳು ಈ ಗ್ರಾಮದಲ್ಲಿವೆ. ಈ ಗ್ರಾಮವು ಸಹರ್ಸದಲ್ಲಿ ಮಾತ್ರವಲ್ಲದೆ ಇಡೀ ಕೋಸಿ ಪ್ರದೇಶದಲ್ಲಿ ಚರ್ಚೆಗೆ ಕಾರಣವಾಗಿದೆ. ವಿಶ್ವಬ್ಯಾಂಕ್‌ನಲ್ಲಿ ವಾಟರ್ ಗ್ಲೋಬಲ್ ಪ್ರಾಕ್ಟೀಸ್‌ನ ನಿರ್ದೇಶಕರಾದ ಸರೋಜ್ ಕುಮಾರ್ ಕೂಡ ಬಂಗಾನ್​ ಗ್ರಾಮದವರು ಎನ್ನುವುದು ಮತ್ತೊಂದು ವಿಶೇಷ.

ಸಂತ ಲಕ್ಷ್ಮೀನಾಥ ಗೋಸಾಯಿ ಕಾರ್ಯಕ್ಷೇತ್ರವಾದ ಬಂಗಾಂವ್‌ನಿಂದ ಐದು ಡಜನ್‌ಗೂ ಹೆಚ್ಚು ಜನರು ಯುಪಿಎಸ್‌ಸಿ ಪಾಸಾಗಿದ್ದಾರೆ ಎಂದು ಗ್ರಾಮದ ಜನರು ಹೇಳುತ್ತಾರೆ. ಇಲ್ಲಿ ಸಾಕಷ್ಟು ವೈದ್ಯರು, ಎಂಜಿನಿಯರ್‌ಗಳು, ಬಿಡಿಒ-ಸಿಒಗಳಿದ್ದಾರೆ.

ಇದೇ ಕಾರಣಕ್ಕೆ ಬಂಗಾನ್ ಜೊತೆಗೆ ಚೈನ್‌ಪುರ್, ಪರ್ರಿ, ಮಹಿಷಿ, ಮೋಹನ್‌ಪುರ, ಮುರಜ್‌ಪುರ ಮೊದಲಾದ ಗ್ರಾಮಗಳಿಂದ ಯುಪಿಎಸ್‌ಸಿ ಪಾಸಾದ ಸುದ್ದಿ ಬರುತ್ತಲೇ ಇರುತ್ತದೆ.

ಈಗ UPSC ಫಲಿತಾಂಶ ಬಂದಾಗಲೆಲ್ಲಾ ಜನರು ಈ ಬಾರಿ ಬಂಗಾನ್​ನಿಂದ ಯಾರಾದರೂ ಪಾಸಾಗಿದ್ದಾರೆಯೇ ಅಥವಾ ಇಲ್ಲವೇ ಎಂದು ಕೇಳಲು ಪ್ರಾರಂಭಿಸುತ್ತಾರೆ.

ಈ ಗ್ರಾಮವನ್ನ ಜ್ಞಾನದ ಭಂಡಾರ ಎನ್ನುತ್ತಾರೆ ಸ್ಥಳೀಯ ಮಣಿಕಾಂತ್ ಝಾ. ತಾಯಿ ಸರಸ್ವತಿಯ ಆಶೀರ್ವಾದ ಮತ್ತು ಲಕ್ಷ್ಮೀನಾಥ ಗೋಸಾಯಿ ಅವರ ಆಶೀರ್ವಾದ ಈ ಗ್ರಾಮದ ಪ್ರತಿಯೊಬ್ಬ ವ್ಯಕ್ತಿಯ ಮೇಲಿದೆ. ಆ ಕಾರಣದಿಂದಲೇ ಪ್ರತಿ ವಾರ್ಡ್‌ನಿಂದ ಪ್ರತಿ ಬೀದಿಗೆ ಒಂದರಿಂದ ಇಬ್ಬರು ಐಎಎಸ್ ಅಧಿಕಾರಿಗಳನ್ನು ಕಾಣಬಹುದು.

ಇದು ದೊಡ್ಡ ಅಧಿಕಾರಿಗಳು, ಇಂಜಿನಿಯರ್‌ಗಳು ಹಾಗೂ ದೊಡ್ಡ ಪೊಲೀಸ್ ಅಧಿಕಾರಿಗಳ ಗ್ರಾಮವಾಗಿದೆ. ಇಲ್ಲಿ ಸಾಗರ್ ಝಾ, ರಂಜನ್ ಖಾ, ಉದಯ್ ಶಂಕರ್ ಝಾ ಅಲಿಯಾಸ್ ನಾರಾಯಣ್ ಝಾ, ಅರುಣ್ ಠಾಕೂರ್ ಸೇರಿದಂತೆ ಪೊಲೀಸ್ ಮತ್ತು ಆಡಳಿತ ಸೇವೆಯಲ್ಲಿರುವ ಅನೇಕ ಜನರಿದ್ದಾರೆ.