Snakes: 40ಕ್ಕೂ ಹೆಚ್ಚು ಬಾರಿ ಕಚ್ಚಿದರೂ ಹಾವಿನ ರಕ್ಷಣೆ ಬಿಡದ ಯುವಕ! ಬರೋಬ್ಬರಿ 3500 ಸರ್ಪಗಳಿಗೆ ಜೀವದಾನ

ಹಾವಿ ಎಂದರೆ ಒಂದು ಕ್ಷಣ ಎಲ್ಲರ ಮೈ ನಡುಗುತ್ತದೆ. ಅತ್ಯಂತ ಅಪಾಯಕಾರಿ ನಾಗರಹಾವಿನ ವಿಷಯಕ್ಕೆ ಬಂದರೆ, ಯಾರೂ ಕನಸಲ್ಲೂ ಅದರ ಬಗ್ಗೆ ಆಲೋಚನೆ ಮಾಡಲ್ಲ.

ಆದರೆ ಬಾರ್ಮರ್‌ನ ಯುವಕನೊಬ್ಬ ಕೆಲವೇ ಸೆಕೆಂಡುಗಳಲ್ಲಿ ಹಾವುಗಳನ್ನು ನಿಯಂತ್ರಿಸಬಲ್ಲ ಸಾಮರ್ಥ್ಯ ಹೊಂದಿದ್ದಾನೆ. ಕಳೆದ 4 ವರ್ಷಗಳಲ್ಲಿ ಅವರು ಮೂರು ಸಾವಿರಕ್ಕೂ ಹೆಚ್ಚು ಹಾವುಗಳನ್ನು ರಕ್ಷಿಸಿದ್ದಾರೆ.

ಬಾರ್ಮರ್ ಜಿಲ್ಲೆಯ ಬೆರಿಯೊ ನಿವಾಸಿ ಮುಖೇಶ್ ಮಾಲಿ ವಿಷಕಾರಿ ಹಾವುಗಳನ್ನು ರಕ್ಷಿಸಿ ಸುರಕ್ಷಿತ ಸ್ಥಳಕ್ಕೆ ಬಿಡುತ್ತಾರೆ. ಮಿಂಚಿನ ವೇಗಕ್ಕಿಂತ ವೇಗವಾಗಿ ಕಚ್ಚಬಲ್ಲ ವೈಪರ್ ಹಾವನ್ನು ಇತ್ತೀಚೆಗೆ ಮುಕೇಶ್ ರಕ್ಷಿಸಿದ್ದಾರೆ.

ಹಾವುಗಳು 40ಕ್ಕೂ ಹೆಚ್ಚು ಬಾರಿ ಕಚ್ಚಿವೆ. ಆದರೂ ಮುಕೇಶ್ ತಮ್ಮ ಕಾಯಕ ನಿಲ್ಲಿಸಿಲ್ಲ. ಅವರು ಆರಂಭದ ದಿನಗಳಲ್ಲಿ ವಿಷರಹಿತ ಹಾವುಗಳನ್ನು ಮಾತ್ರ ಹಿಡಿಯುತ್ತಿದ್ದರು. ನಂತರ ಹಾವುಗಳ ಜಾತಿಯ ಬಗ್ಗೆ ಮಾಹಿತಿ ಪಡೆದು, ವಿಷಕಾರಿ ಹಾವುಗಳನ್ನೂ ಉಳಿಸಲು ಆರಂಭಿಸಿದರು. ಅದರ ನಂತರ ಎಲ್ಲಾ ರೀತಿಯ ಅಪಾಯಕಾರಿ ಜಾತಿಯ ಹಾವುಗಳನ್ನು ಹಿಡಿಯಲು ಶುರು ಮಾಡಿದರು.

ಅವರು ಸಿಂಧ್ ಕರೈಟ್ ಎಂದೂ ಕರೆಯಲ್ಪಡುವ ಹಾವನ್ನು ಸೆರೆಹಿಡಿದಿದ್ದಾರೆ. ಇದು ಬಾರ್ಮರ್-ಜೈಸಲ್ಮೇರ್ ಗಡಿಯಲ್ಲಿ ಕಂಡು ಬರುವ ಭಯಾನಕ ಹಾವು.

ವಾಸ್ತವವಾಗಿ ಹಾವುಗಳಲ್ಲಿ ಹಲವು ವಿಧಗಳಿವೆ. ಅವುಗಳನ್ನು ಎರಡು ಮುಖ್ಯ ಜಾತಿಗಳಾಗಿ ವಿಂಗಡಿಸಬಹುದು. ವಿಷಪೂರಿತ ಹಾವುಗಳು ಮತ್ತು ವಿಷರಹಿತ ಹಾವುಗಳು. ವಾಸ್ತವವಾಗಿ, ವಿಷಕಾರಿ ಹಾವುಗಳಿಗಿಂತ ಹೆಚ್ಚು ವಿಷಕಾರಿಯಲ್ಲದ ಮತ್ತು ನಿರುಪದ್ರವ ಹಾವುಗಳಿವೆ.

ಚಳಿಗಾಲದಲ್ಲಿ ಹಾವುಗಳು ಹೊರಗೆ ಹೆಚ್ಚು ಸುತ್ತಾಡುತ್ತವೆ. ರಾತ್ರಿಯೂ ಆಹಾರಕ್ಕಾಗಿ ಸುತ್ತಾಡುತ್ತವೆ. ಅದರಲ್ಲೂ ಹೊಲದಲ್ಲಿ ಕೆಲಸ ಮಾಡುವ ರೈತರು ಮತ್ತು ಗ್ರಾಮೀಣ ಜನರು ಎಚ್ಚರಿಕೆ ವಹಿಸಬೇಕು. ಜಗತ್ತಿನ ಹಾವುಗಳಲ್ಲಿ ಶೇ.15ರಷ್ಟು ಮಾತ್ರ ವಿಷಪೂರಿತವಾಗಿವೆ. ದೇಶದಲ್ಲಿ 5 ಜಾತಿಯ ಹಾವುಗಳನ್ನು ವಿಷಕಾರಿ ಎಂದು ಗುರುತಿಸಲಾಗಿದೆ. ಅವುಗಳಿಂದ ಕಚ್ಚಿದರೆ ಮೂರು ಗಂಟೆಯೊಳಗೆ ಸಾಯುವ ಸಂಭವವಿದೆ. ಈ ಸಮಯದೊಳಗೆ ಸಂತ್ರಸ್ತರಿಗೆ ಚಿಕಿತ್ಸೆ ನೀಡಿ ಉಳಿಸಬೇಕು