Thief Birthday: ಮಧ್ಯರಾತ್ರಿ ಬೇಕರಿ ಶಟರ್ ಮುರಿದು ಭರ್ಜರಿ ಬರ್ತ್​ಡೇ ಆಚರಿಸಿದ ಕಳ್ಳರು! ಈಗ ಅವರ ಕಥೆ ಏನಾಗಿದೆ ನೋಡಿ!

ಕಳ್ಳತನ ಮಾಡಿ ಜೀವನ ನಡೆಸುವವರ ಸಂಖ್ಯೆ ಇನ್ನೂ ಸಮಾಜದಲ್ಲಿವೆ. ಇಂತಹವರನ್ನು ಮಟ್ಟ ಹಾಕಲು ಪೊಲೀಸರು ಎಷ್ಟೇ ಪ್ರಯತ್ನ ಪಟ್ಟರೂ ಸಂಪೂರ್ಣ ಕಳ್ಳತನ ನಿಯಂತ್ರಣಕ್ಕೆ ತರಲು ಸಾಧ್ಯವಾಗುತ್ತಿಲ್ಲ. ಅಸ್ಸಾಂನಲ್ಲಿ ಕಳ್ಳರ ಗ್ಯಾಂಗ್ ವೊಂದು  ಜೋರ್ಹತ್​ ನಗರದ ಮಧ್ಯಭಾಗದಲ್ಲಿರುವ ಬೇಕರಿಯಲ್ಲಿ ಬರ್ತ್​ಡೇ ಆಚರಿಸಿಕೊಂಡು ಈಗ ಜೈಲು ಪಾಲಾಗಿದ್ದಾರೆ.

ಕೇಕ್​ ಕತ್ತರಿಸಿ ಜನ್ಮದಿನಾಚರಣೆ ಮಾಡಿದರೆ ಆವರನ್ನೇಕೆ ಬಂಧಿಸಬೇಕು ಎಂಬುದು ಅಚ್ಚರಿಗೆ ಕಾರಣವಾಗಬಹುದು. ಆದರೆ ಆ ಕಳ್ಳರು ರಾತ್ರಿ ಸಮಯದಲ್ಲಿ ಬೇಕರಿ ಬೀಗ ಮುರಿದು ಒಳನುಗ್ಗಿ ಭರ್ತ್​ ಡೇ ಆಚರಿಸಿಕೊಂಡಿದ್ದಾರೆ. ದರೋಡೆ ಮಾಡಲು ಬೇಕರಿಗೆ ನುಗ್ಗಿದ ಅವರಿಬ್ಬರು ಹೊಸದಾಗಿ ಬೇಯಿಸಿದ ಕೇಕ್‌ಗಳೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಇದೆಲ್ಲಾ ದೃಶ್ಯಾವಳಿಗಳು ಸಿಸಿಟಿವಿಯಲ್ಲಿ ರೆಕಾರ್ಡ್ ಆಗಿದ್ದು, ವೈರಲ್ ಅಗುತ್ತಿದೆ.

ಕಳೆದ ಮಂಗಳವಾರ ಜೋರ್ಹತ್ ನಗರದ ರಾಯಲ್ ರೋಡ್‌ನ ಗಿಟ್ಲು ಗೊಗೊಯ್ ಮತ್ತು ಸಂಜಯ್ ಪಟ್ನಾಯಕ್ ಎಂಬ ಇಬ್ಬರು ಕಳ್ಳರು ಜೋರ್ಹತ್ ನಗರದ ಬರೂವಾ ಚರಿಯಾಲಿ ಬಳಿಯಿರುವ ಮನೀಶಾ ಬೇಕರಿಯಲ್ಲಿ ದರೋಡೆ ಮಾಡಿದ್ದಲ್ಲದೆ ಬೇಕರಿಯನ್ನು ಧ್ವಂಸಗೊಳಿಸಿದ್ದಾರೆ. ಅವರ ಎಲ್ಲಾ ಕೃತ್ಯಗಳು ಅಂಗಡಿಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಅವರಿಬ್ಬರ ಆಟಗಳು ಸಾಮಾಜಿಕವಾಗಿ ವೈರಲ್ ಆಗಿದೆ.

ಮಂಗಳವಾರ ರಾತ್ರಿ 12 ಗಂಟೆಯ ನಂತರ ದರೋಡೆಕೋರರು ಬೇಕರಿಯ ಶೆಟರ್‌ನ ಬೀಗವನ್ನು ಮುರಿದು ಅಂಗಡಿಗೆ ನುಗ್ಗಿದ್ದಾರೆ. ಬೆಳಗ್ಗೆ ಮಾಲೀಕರು ಅಂಗಡಿಗೆ ಬಂದು ಸಿಸಿಟಿವಿ ನೋಡಿದಾಗ ಘಟನೆ ಬೆಳಕಿಗೆ ಬಂದಿದೆ,

ಈ ವೈರಲ್ ವೀಡಿಯೊದಲ್ಲಿ ಇಬ್ಬರೂ ಕಳ್ಳರು ಕೈಯಲ್ಲಿ ಕೇಕ್ ಹಿಡಿದು ನೃತ್ಯ ಮಾಡುತ್ತಿರುವುದು, ಪರಸ್ಪರರ ಮೇಲೆ ಕೇಕ್ ಎಸೆಯುವುದು ಮತ್ತು ಬರ್ತ್​ಡೇ ಬಾಯ್​ನಂತೆ ಪೋಸ್ ನೀಡುವುದು ಕಂಡುಬಂದಿದೆ. ಮಧ್ಯರಾತ್ರಿಯಲ್ಲಿ ಕೇಕ್‌ಗಳೊಂದಿಗೆ ಭರ್ಜರಿಯಾಗಿ ಬರ್ತ್​ಡೇ ಸೆಲೆಬ್ರೇಷನ್ ಮಾಡಿಕೊಂಡಿದ್ದಾರೆ.

ಸೆಲೆಬ್ರೇಷನ್ ಬಳಿಕ ಇಬ್ಬರು ಕ್ಯಾಶ್ ಕೌಂಟರ್ ನಲ್ಲಿದ್ದ 12 ಸಾವಿರ ನಗದು ದೋಚಿದ್ದಾರೆ ಪರಾರಿಯಾಗಿದ್ದಾರೆ. ಈ ಕಳ್ಳರು ಬೇಕರೆ ಅಲ್ಲದೆ ಪಕ್ಕದಲ್ಲಿದ್ದ ಮೆಡಿಕಲ್ ಸ್ಟೋರ್​ನ ಶೇಟ್ಲರ್​ ಮುರಿದು ದರೋಡೆ ಮಾಡಿದ್ದಾರೆ.

ಈ ವೈರಲ್ ದೃಶ್ಯಗಳನ್ನುಪಡೆದ ಜೋರ್ಹತ್ ಪೊಲೀಸರು ಗುರುವಾರ ಇಬ್ಬರೂ ಕಳ್ಳರನ್ನು ಬಂಧಿಸುವಲ್ಲಿ ಸಫಲರಾಗಿದ್ದಾರೆ. ಅವರೂ ಕೂಡ ತಮಾಷೆಯ ಹ್ಯಾಪಿ ಬರ್ತ್​ಡೇ ಬಾಯ್ಸ್​ ಎಂದು ತಮ್ಮ ಫೇಸ್​ಬುಕ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.