ರಾಕ್ಷಸ China ತನ್ನ  ಮಕ್ಕಳನ್ನೇ ತಿನ್ನುತ್ತೆ:  ಇಂಟರ್ ಪೋಲ್ ಮಾಜಿ ಮುಖ್ಯಸ್ಥನ ಪತ್ನಿ

ಒಂದು ಕಾಲದಲ್ಲಿ ಪತಿ ಚೀನಾದ ಸಾರ್ವಜನಿಕ ಭದ್ರತೆ ಇಲಾಖೆಯಲ್ಲಿ ಸಚಿವರಾಗಿ ಸೇವೆ ಸಲ್ಲಿಸಿದ್ದರು. ಇಂದು ಅವರನ್ನು ಜೈಲಿನಲ್ಲಿರಿಸಲಾಗಿದೆ ಎಂದು ಹೇಳಲಾಗುತ್ತಿದೆ. ಸದ್ಯ ಗ್ರೇಸ್ ಮೆಂಗ್, ತಮ್ಮ ಅವಳಿ ಮಕ್ಕಳೊಂದಿಗೆ ಫ್ರಾನ್ಸ್ ನಲ್ಲಿ ಆಶ್ರಯ ಪಡೆದುಕೊಂಡಿದ್ದಾರೆ.

ವಿದೇಶದಲ್ಲಿ ರಾಜಕೀಯ ಆಶ್ರಯ ಪಡೆದುಕೊಂಡಿರುವ ಗ್ರೇಸ್ ಮೆಂಗ್ ಚೀನಾದಲ್ಲಿ ರಾಜಕೀಯ ಮುಖ್ಯಸ್ಥರ ಪತ್ನಿಯರ ಸೌಲಭ್ಯ ಪಡೆದುಕೊಳ್ಳುತ್ತಿದ್ದರು. ಆದ್ರೆ ಈಗ ಎಲ್ಲವೂ ಬದಲಾಗಿದೆ.  ಆಡಳಿತಾರೂಢ ಕಮ್ಯುನಿಸ್ಟ್ ಪಕ್ಷ ಪತಿಯನ್ನು ಇಂಟರ್ ಪೋಲ್ ಅಧಿಕಾರಿಯಾಗಿ ಫ್ರಾನ್ಸ್ ಗೆ ಕಳುಹಿಸಿತ್ತು. ನಂತರ ಚೀನಾ ಸರ್ಕಾರ ನನ್ನ ಪತಿಯ ಮೇಲೆ ಭ್ರಷ್ಟಾಚಾರದ ಆರೋಪ ಹೊರಿಸಿತು.

ಈ ಆರೋಪದಡಿ ಬಂಧನಾವದ ಪತಿಗೆ ಚೀನಾ 13 ವರ್ಷ ಆರು ತಿಂಗಳು ಜೈಲು ಶಿಕ್ಷೆ ವಿಧಿಸಿದೆ. ಪತಿ‘ ಸಮಾಜವಾದ ಮತ್ತು ಅದರ್ಶ ದೃಷ್ಟಿಕೋನ ಹೊಂದಿರುವ ಕಾರಣ ಅವರ ವಿರುದ್ಧ ಚೀನಾ ಸರ್ಕಾರ ಸುಳ್ಳು ದೋಷಾರೋಪ ಪಟ್ಟಿ ಸಲ್ಲಿಸಿದೆ ಎಂದು ಗ್ರೆಸ್ ಆರೋಪಿಸುತ್ತಾರೆ. 2018ರಿಂದ ಮೆಂಗ್ ಹಾಗ್ವೀ ಚೀನಾದ ಜೈಲಿನಲ್ಲಿದ್ದಾರೆ.ಫ್ರಾನ್ಸ್ ಪೊಲೀಸರ ರಕ್ಷಣೆಯಲ್ಲಿರುವ ಗ್ರೆಸ್ ಚೀನಾ ಆಡಳಿತ ವಿರುದ್ಧ ಧ್ವನಿ ಎತ್ತುತ್ತಿದ್ದಾರೆ.

2018 ಸೆಪ್ಟೆಂಬರ್ 25ರಂದು ಕೊನೆಯ ಬಾರಿ ಪತಿಯನ್ನು ಸಂಪರ್ಕಿಸಿದ್ದೆ. ನಂತರ ಅವರನ್ನುಸಂಪರ್ಕಿಸಲು ಆಗುತ್ತಿಲ್ಲ. ಜನರು ಸಾಂಕ್ರಾಮಿಕ ಕೊರೊನಾದ ಜೊತೆ ಬದುಕೋದನ್ನು ಹೇಗೆ ಕಲಿತಿದ್ದಾರೆ, ಹಾಗೆಯೇ ನಾನು ಜೀವನ ನಡೆಸುತ್ತಿದ್ದೇನೆ ಎಂದು ಗ್ರೆಸ್ ಹೇಳಿಕೊಂಡಿದ್ದಾರೆ.

ನನ್ನ ಮಕ್ಕಳಿಗೆ ತಂದೆ ಇಲ್ಲ ಎಂದು ನಾನು ಬಾವಿಸಲ್ಲ. ಪ್ರತಿಬಾರಿಯೂ ಬಾಗಿಲು ಬಡಿದಾಗ ತಂದೆ ಬಂದಿರಬೇಕೆಂದು ಮಕ್ಕಳು ಓಡಿ ಹೋಗುತ್ತಾರೆ, ಆದ್ರೆ ಅದು ಬೇರೆ ಯಾರೋ ಅಂತ ನನಗೆ ಗೊತ್ತು ಎಂದು ಸಂದರ್ಶನದಲ್ಲಿ ಗ್ರೆಸ್ ಹೇಳಿಕೊಂಡಿದ್ದಾರೆ.