Telangana Honor Killing: ತೆಲಂಗಾಣ ಮರ್ಯಾದಾ ಹತ್ಯೆ ಪ್ರಕರಣಕ್ಕೆ ಹೊಸ ತಿರುವು; ಅಳಿಯನನ್ನು ಕೊಲ್ಲಿಸಿದ್ದ ಮಾವನ ನಿಗೂಢ ಸಾವು

2018ರಲ್ಲಿ ತೆಲಂಗಾಣದ 24 ವರ್ಷದ ಪ್ರಣಯ್​ನನ್ನು ಆತನ ಮಾವನೇ ಬರ್ಬರವಾಗಿ ಕೊಲೆ ಮಾಡಿಸಿದ್ದರು. ಈ ಮರ್ಯಾದಾ ಹತ್ಯೆಗೆ ದೇಶದೆಲ್ಲೆಡೆ ವಿರೋಧ ವ್ಯಕ್ತವಾಗಿತ್ತು.

ನ್ನ ಕಣ್ಣೆದುರೇ ಗಂಡನನ್ನು ಕೊಲೆ ಮಾಡಿಸಿದ ಅಪ್ಪನ ವಿರುದ್ಧ ಪ್ರಣಯ್​ನ ಹೆಂಡತಿ ಅಮೃತಾ ಪೊಲೀಸರಿಗೆ ದೂರು ನೀಡಿದ್ದಳು. ಈ ಪ್ರಕರಣಕ್ಕೀಗ ಹೊಸ ತಿರುವು ಸಿಕ್ಕಿದ್ದು, ಗರ್ಭಿಣಿಯಾಗಿದ್ದ ಮಗಳ ವೈವಾಹಿಕ ಜೀವನವನ್ನೇ ನಾಶ ಮಾಡಿದ ಅಪ್ಪ ಮಾರುತಿ ರಾವ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ತೆಲಂಗಾಣದ ನಲ್ಗೊಂಡ ಜಿಲ್ಲೆಯ ಮಿರ್ಯಾಲಗೂಡು ನಿವಾಸಿ ಮಾರುತಿ ರಾವ್ ರಿಯಲ್ ಎಸ್ಟೇಟ್ ವ್ಯವಹಾರ ನಡೆಸುತ್ತಿದ್ದರು. ಕೋಟ್ಯಾಧಿಪತಿಯಾಗಿದ್ದ ಮಾರುತಿ ರಾವ್ ಅವರ ಮಗಳು ಅಮೃತಾ ದಲಿತ ಯುವಕ ಪ್ರಣಯ್‌ನನ್ನು ಪ್ರೀತಿಸಿದ್ದರು.

ಇವರಿಬ್ಬರ ಪ್ರೀತಿಗೆ ಮೇಲ್ಜಾತಿಯವರಾದ ಮಾರುತಿ ರಾವ್ ವಿರೋಧ ವ್ಯಕ್ತಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಅಮೃತಾ ಮತ್ತು ಪ್ರಣಯ್ ಗುಟ್ಟಾಗಿ ಮದುವೆಯಾಗಿದ್ದರು. ನಂತರ ಅಪ್ಪ-ಅಮ್ಮನಿಂದ ದೂರವಾಗಿ ವಾಸಿಸುತ್ತಿದ್ದರು.

ಆದರೆ, ಕೊನೆಗೆ ಇವರಿಬ್ಬರ ಮದುವೆಗೆ ಒಪ್ಪಿದ್ದ ಮಾರುತಿ ರಾವ್ ಕುಟುಂಬದವರು ಅದ್ದೂರಿಯಾಗೇ ರಿಸೆಪ್ಷನ್ ನಡೆಸಿದ್ದರು.

ಸುಖ ದಾಂಪತ್ಯ ನಡೆಸುತ್ತಿದ್ದ ಪ್ರಣಯ್ ಮತ್ತು ಅಮೃತಾಳ ಬದುಕಿನಲ್ಲಿ ಖುಷಿ ಮನೆಮಾಡಿತ್ತು. 5 ತಿಂಗಳ ಗರ್ಭಿಣಿಯಾಗಿದ್ದ ಅಮೃತಾ 2018ರ ಸೆಪ್ಟೆಂಬರ್ 15ರಂದು ಪ್ರಣಯ್ ಜೊತೆ ಆಸ್ಪತ್ರೆಗೆ ಚೆಕಪ್​ಗೆಂದು ಹೋಗಿ ವಾಪಾಸ್ ಬರುವಾಗ ಪ್ರಣಯ್​ನನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿತ್ತು.

ಅಮೃತಾಳ ಕಣ್ಣೆದುರಲ್ಲೇ ಪ್ರಣಯ್ ಪ್ರಾಣ ಬಿಟ್ಟಿದ್ದರು. ಹತ್ಯೆಯಾಗಿತ್ತು. ತನ್ನ ಅಪ್ಪ ಮಾರುತಿ ರಾವ್ ಸುಪಾರಿ ಕೊಟ್ಟು ಈ ಕೊಲೆ ಮಾಡಿಸಿದ್ದಾರೆ ಎಂದು ಅಮೃತಾ ಆಕ್ರೋಶ ವ್ಯಕ್ತಪಡಿಸಿದ್ದರು. ಈ ಮರ್ಯಾದಾ ಹತ್ಯೆಗೆ ದೇಶದೆಲ್ಲೆಡೆ ವಿರೋಧ ವ್ಯಕ್ತವಾಗಿತ್ತು.

2019ರ ಫೆಬ್ರವರಿಯಲ್ಲಿ ಅಮೃತಾ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಪ್ರಣಯ್ ಅವರ ಅಮ್ಮನ ಜೊತೆಗಿದ್ದ ಅಮೃತಾ ತನ್ನ ತಂದೆಯ ಮನೆಗೆ ಹೋಗಿರಲಿಲ್ಲ.

ಪ್ರಣಯ್​ ನನಗೆ ನೀಡಿದ ಅತ್ಯಮೂಲ್ಯ ಉಡುಗೊರೆಯೆಂದರೆ ನನ್ನ ಮಗು ಎಂದಿದ್ದ ಅಮೃತಾ ತನ್ನ ಅತ್ತೆಯ ಜೊತೆಗೆ ಮಗುವನ್ನು ಪೋಷಿಸಿ, ಅಪ್ಪನ ವಿರುದ್ಧ ನಿಂತಿದ್ದರು.

ಅಪ್ಪನ ವಿರುದ್ಧ ಕೊಲೆಯ ಆರೋಪ ಮಾಡಿದ್ದ ಅಮೃತಾ ಪ್ರಣಯ್​ನ ಅಮ್ಮನೊಂದಿಗೆ ವಾಸವಾಗಿದ್ದರು.

ಪ್ರಣಯ್​ನ ಕೊಲೆಯಾಗಿ ಒಂದೂವರೆ ವರ್ಷಗಳೇ ಕಳೆದಿವೆ. ಈಗ ಮಾರುತಿ ರಾವ್ ಹೈದರಾಬಾದ್​ನ ಹೋಟೆಲೊಂದರಲ್ಲಿ ಸಾವನ್ನಪ್ಪಿದ್ದಾರೆ. ಇದು ಆತ್ಮಹತ್ಯೆ ಎಂದು ಪೊಲೀಸರು ಅನುಮಾನ ವ್ಯಕ್ತಪಡಿಸಿದ್ದಾರೆ. ಈ ಸಾವಿಗೆ ನಿಖರ ಕಾರಣವೇನೆಂದು ತಿಳಿದುಬಂದಿಲ್ಲ.

ಪ್ರಾಣ ಬಿಟ್ಟಿದ್ದರು. ಹತ್ಯೆಯಾಗಿತ್ತು. ತನ್ನ ಅಪ್ಪ ಮಾರುತಿ ರಾವ್ ಸುಪಾರಿ ಕೊಟ್ಟು ಈ ಕೊಲೆ ಮಾಡಿಸಿದ್ದಾರೆ ಎಂದು ಅಮೃತಾ ಆಕ್ರೋಶ ವ್ಯಕ್ತಪಡಿಸಿದ್ದರು. ಈ ಮರ್ಯಾದಾ ಹತ್ಯೆಗೆ ದೇಶದೆಲ್ಲೆಡೆ ವಿರೋಧ ವ್ಯಕ್ತವಾಗಿತ್ತು.

ತನ್ನ ತಂದೆ ಮಾರುತಿ ರಾವ್​ 1 ಕೋಟಿ ರೂ. ಸುಪಾರಿ ಕೊಟ್ಟು ಪ್ರಣಯ್​ನನ್ನು ಕೊಲ್ಲಿಸಿದ್ದಾರೆ ಎಂದು ಅಮೃತಾ ಆಪಾದನೆ ಮಾಡಿದ್ದರು.

ಆರ್ಯ ವೈಶ್ಯ ಸಮುದಾಯವರಾಗಿದ್ದ ಮಾರುತಿ ರಾವ್​ಗೆ ದಲಿತ ಯುವಕನನ್ನು ಅಳಿಯನನ್ನಾಗಿ ಮಾಡಿಕೊಳ್ಳುವುದು ಇಷ್ಟವಿರಲಿಲ್ಲ. ಇದರಿಂದ ತಮ್ಮ ಮರ್ಯಾದೆಗೆ ಕುತ್ತು ಬರುತ್ತದೆ ಎಂದು ಅವರು ಮದುವೆಗೆ ವಿರೋಧಿಸಿದ್ದರು.

ಆದರೆ, ತಮ್ಮ ಇಚ್ಛೆಗೆ ವಿರುದ್ಧವಾಗಿ ಅಮೃತಾ ಮತ್ತು ಪ್ರಣಯ್ ಮದುವೆಯಾಗಿದ್ದರಿಂದ ಕೋಪಗೊಂಡಿದ್ದ ಅವರು ಅಮೃತಾಳ ಬಳಿ ಗರ್ಭಪಾತ ಮಾಡಿಸಿಕೊಳ್ಳುವಂತೆ ಹೇಳಿದ್ದರು.

ಕೊನೆಗೆ ಅದಕ್ಕೂ ಒಪ್ಪದಿದ್ದಾಗ ಪ್ರಣಯ್​ನನ್ನು ಸಾಯಿಸಿದ್ದರು ಎಂಬ ಆರೋಪ ಕೇಳಿಬಂದಿತ್ತು.

ಪ್ರಣಯ್​ನನ್ನು ಕೊಲ್ಲುವ ಘಟನೆ ಸಿಸಿಟಿವಿಯಲ್ಲಿ ಕೂಡ ಸೆರೆಯಾಗಿತ್ತು.