Nusrat jahan: ಬಂಗಾಳಿ ನಟಿ ಗರ್ಭಿಣಿ; ನಟ ಯಶ್ ಮತ್ತು ಆಕೆಯ ನಡುವಿನ ಸಂಬಂಧದ ಬಗ್ಗೆ ಭಾರೀ ಚರ್ಚೆ !

ಟಿಎಂಸಿ ಎಂಪಿ ನುಸ್ರತ್​ ಜಹಾನ್​ ರೂಹಿ ಅವರ ಹೆಸರು ಬಂಗಾಳಿ ನಟ ಯಶ್​ ದಾಸ್​ ಗುಪ್ತಾ ಅವರೊಂದಿಗೆ ಕಳೆದ ಕೆಲವು ದಿನಗಳಿಂದ ತಳುಕು ಹಾಕಿಕೊಂಡಿದೆ.

ಬೆಂಗಾಲಿ ನಟಿ ನುಸ್ರತ್​ ಜಹಾನ್​ ಟಿಎಂಸಿ ಸಂಸದೆಯಾಗಿ ಆಯ್ಕೆಯಾದ ಒಂದೇ ತಿಂಗಳಿನಲ್ಲಿ ವಿವಾಹ ಬಂಧನಕ್ಕೆ ಒಳಗಾಗಿದ್ದರು.

ದೂರದ ವಿದೇಶದಲ್ಲಿ ಉದ್ಯಮಿ ನಿಖಿಲ್​ ಅವರನ್ನು ವರಿಸಿದ್ದ ಈ ಸ್ಟಾರ್ ಸಂಸದೆಯ ಆರತಕ್ಷತೆ ಕೋಲ್ಕತ್ತಾದಲ್ಲಿ ನಡೆದಿತ್ತು. ಅದರಲ್ಲಿ ಮಮತಾ ಬ್ಯಾನರ್ಜಿ ಕೂಡ ಭಾಗಿಯಾಗಿದ್ದರು.

ಆದರೆ ವಿವಾಹಿತರಾಗಿರುವ ಈ ಸಂಸದೆಯ ಹೆಸರು ಈಗ ಖ್ಯಾತ ಬಂಗಾಳಿ ನಟ ಯಶ್​ ದಾಸ್​ ಗುಪ್ತಾ ಅವರ ಹೆಸರಿನ ಜತೆ ತಳುಕು ಹಾಕಿಕೊಂಡಿದೆ.

ನುಸ್ರತ್​ ಹಾಗೂ ಯಶ್​ ದಾಸ್​ ನಡುವೆ ಸಂಬಂಧ ಇದೆ. ಅವರಿಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆ ಅನ್ನೋ ಸುದ್ದಿ ಎಲ್ಲೆಡೆ ಗುಲ್ಲಾಗಿದೆ.

ಬಿಜೆಪಿ ಸೇರುವ ಮೊದಲು ನುಸ್ರತ್​ ಜಹಾನ್ ಅವರ ಆಹ್ವಾನದ ಮೇರೆಗೆ ಕೆಲ ಟಿಎಂಸಿ ರ‍್ಯಾಲಿಗಳಲ್ಲಿ ಯಶ್​ ದಾಸ್​ ಗುಪ್ತಾ ಭಾಗಿಯಾಗಿದ್ದರು.

ಇನ್ನು ನುಸ್ರತ್​ ಹಾಗೂ ಪತಿ ನಿಖಿಲ್​ ದಾಂಪತ್ಯದಲ್ಲಿ ಈಗಾಗಲೇ ಬಿರುಕುಂಟಾಗಿದೆ ಅನ್ನೋ ಸುದ್ದಿ ಸಹ ಕೆಲ ತಿಂಗಳುಗಳಿಂದ ಹರಿದಾಡುತ್ತಿದೆ.

ಈ ಸುದ್ದಿಗಳ ನಡುವೆಯೇ ಈಗ ನುಸ್ರತ್​ ಕುರಿತಾಗಿ ಖ್ಯಾತ ಲೇಖಕಿ ತಸ್ಲೀಮಾ ನಸ್ರೀನ್​ ಮಾಡಿರುವ ಫೇಸ್​ಬುಕ್​ ಪೋಸ್ಟ್​ ಸಹ ವೈರಲ್ ಆಗುತ್ತಿದೆ.

ಗರ್ಭಿಣಿಯಾಗಿದ್ದಾರೆ ಎನ್ನಲಾಗುತ್ತಿರುವ ನುಸ್ರತ್​ ಜಹಾನ್​ ಅವರು ತಮ್ಮ ಮಗುವನ್ನು ತಮ್ಮ ಐಡೆಂಟಿಟಿಯಿಂದಲೇ ಬೆಳೆಸಬಹುದು. ಅದಕ್ಕೆ ಅಪ್ಪನ ಆಸರೆ ಬೇಕೆಂದಿಲ್ಲ. ಸ್ಥಿರತೆ ಇಲ್ಲದ ಸಂಬಂಧದಲ್ಲಿ ಉಳಿಯುವುದರಲ್ಲಿ ಯಾವುದೇ ಅರ್ಥ ಇಲ್ಲ ಎಂದು ನುಸ್ರತ್​ ಹಾಗೂ ನಿಖಿಲ್ ಅವರ ವೈವಾಹಿಕ ಜೀವನದ ಬಗ್ಗೆ ಬರೆದಿದ್ದಾರೆ.

ನುಸ್ರತ್  ಜಹಾನ್​ ಯಶ್​ ಅವರನ್ನು ಪ್ರೀತಿಸುತ್ತಿದ್ದರೆ ನಿಖಿಲ್​ ಅವರಿಂದ ವಿಚ್ಚೇದನ ಪಡೆಯುವುದು ಸೂಕ್ತ. ನಿಖಿಲ್​ ಹಾಗೂ ನುಸ್ರತ್ ಈ ದಾಂಪತ್ಯದಲ್ಲಿ ಇರಲು ಬಯಸದಿದ್ದರೆ, ದೂರವಾಗುವುದೇ ಒಳ್ಳೆಯದು ಎಂದಿದ್ದಾರೆ ತಸ್ಲೀಮಾ ನಸ್ರೀನ್​.

ಟಿಎಂಸಿ ಸಂಸದೆ ನುಸ್ರತ್ ಜಹಾನ್ ಈ ಯಾವ ವಿಷಯಗಳ ಕುರಿತಾಗಿ ಎಲ್ಲೂ ಅಧಿಕೃತವಾಗಿ ಹೇಳಿಕೆ ನೀಡಿಲ್ಲ.