Blue Burqa: ಮನೆಯ ಹೊರಗೆ ಮುಖ ಮುಚ್ಚಲೇಬೇಕು: ನೀಲಿ ಬುರ್ಕಾನೇ ಧರಿಸಿ ಎಂದಿದ್ದೇಕೆ ತಾಲಿಬಾನ್ ಸರ್ಕಾರ?

ತಾಲಿಬಾನ್ ಗುಂಪಿನ ಸರ್ವೋಚ್ಚ ನಾಯಕರಿಂದ ಸಾರ್ವಜನಿಕವಾಗಿ ಮಹಿಳೆಯರ ಮೇಲೆ ಹೆಚ್ಚುತ್ತಿರುವ ನಿರ್ಬಂಧಗಳನ್ನು ಜಾಗತಿಕ ಮಟ್ಟದಲ್ಲಿ ಖಂಡಿಸಲಾಗುತ್ತಿದೆ. ಆದರೆ ತಾಲಿಬಾನಿಗಳ ತಮ್ಮ ಕಟ್ಟರ್ ನಿಲುವುಗಳನ್ನು ಮುಂದುವರೆಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಸಚಿವಾಲಯದ ವಕ್ತಾರರು ಕಾಬೂಲ್ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಗುಂಪಿನ ಸರ್ವೋಚ್ಚ ನಾಯಕ ಹಿಬತುಲ್ಲಾ ಅಖುಂಡ್ಜಾದಾ ಅವರ ಆದೇಶವನ್ನು ಓದಿದರು. ಮಹಿಳೆ ಹೊರಗಟೆ ಮುಖ ಮುಚ್ಚಿಕೊಳ್ಳದಿದ್ದರೆ ಆಕೆ ತಂದೆ, ಇಲ್ಲವೇ ಸಂಬಂಧ ಸರ್ಕಾರಿ ಕೆಲಸದಲ್ಲಿದ್ದರೆ, ನೌಕರಿ ಕಳೆದುಕೊಳ್ಳುತ್ತಾರೆ ಎಂದು ನಿಯಮ ರೂಪಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ನೀಲಿ ಬರ್ಕಾವನ್ನು ಧರಿಸುವುದೇ ಒಳಿತು, ಇದರಿಂದ ಮಹಿಳೆಯ ಮುಖ ಸಂಪೂರ್ಣವಾಗಿ ಮುಚ್ಚಲ್ಪಡುತ್ತದೆ ಎಂದು ಸರ್ಕಾರ ತನ್ನ ಆದೇಶದಲ್ಲಿ ತಿಳಿಸಿದೆ. (ಸಾಂದರ್ಭಿಕ ಚಿತ್ರ)

ಅಫ್ಘಾನಿಸ್ತಾನದಲ್ಲಿ ಹೆಚ್ಚಿನ ಮಹಿಳೆಯರು ಧಾರ್ಮಿಕ ಕಾರಣಗಳಿಗಾಗಿ ಶಿರಸ್ತ್ರಾಣವನ್ನು ಧರಿಸುತ್ತಾರೆ, ಆದರೆ ಕಾಬೂಲ್ ನಂತಹ ನಗರ ಪ್ರದೇಶಗಳಲ್ಲಿ ಅನೇಕರು ತಮ್ಮ ಮುಖಗಳನ್ನು ಮುಚ್ಚುವುದಿಲ್ಲ. (ಸಾಂದರ್ಭಿಕ ಚಿತ್ರ)

ಮಾರ್ಚ್ನಲ್ಲಿ ಬಾಲಕಿಯ ಹೈಸ್ಕೂಲನ್ನು ಪುನಾರಂಭಿಸಿದ ಕೆಲವೇ ಘಂಟೆಗಳಲ್ಲಿ ಮುಚ್ಚಿಸಲಾಯಿತು. ಶಾಲೆಗೆ ಬಂದಿದ್ದ ವಿದ್ಯಾರ್ಥಿನಿಯರು ಕಣ್ಣೀರಿನೊಂದಿಗೆ ಮನೆಗಳತ್ತ ಹೆಜ್ಜೆ ಹಾಕಿದ ಮನಕಲಕುವ ದೃಶ್ಯ ಕಂಡು ಬಂತು.

ತಾಲಿಬಾನ್ ಸರ್ಕಾರ ಅಧಿಕಾರದ ಚುಕ್ಕಾಣಿ ಹಿಡಿದ ಬಳಿಕ ಯುಎಸ್ ಸೇರಿದಂತೆ ಇತರ ರಾಷ್ಟ್ರಗಳು ಅಭಿವೃದ್ಧಿ ನೆರವನ್ನು ಕಡಿತಗೊಳಿಸಿವೆ. ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಕಟ್ಟುನಿಟ್ಟಾದ ನಿರ್ಬಂಧಗಳನ್ನು ಜಾರಿಗೊಳಿಸಿವೆ.

ಆಗಸ್ಟ್ನಲ್ಲಿ ತಾಲಿಬಾನ್ ಅಧಿಕಾರ ವಹಿಸಿಕೊಂಡ ನಂತರ ದೇಶವನ್ನು ಆರ್ಥಿಕ ವಿನಾಶದತ್ತ ಸಾಗಿದೆ. ತಾಲಿಬಾನ್ ಹೆಣ್ಣುಮಕ್ಕಳ ಶಿಕ್ಷಣವನ್ನು ನಿಷೇಧಿಸಿದೆ. ಜೊತೆಗೆ ಪುರುಷ ಸಂಬಂಧಿಯಿಲ್ಲದೆ ಮಹಿಳೆಯರು ಮನೆಯಿಂದ ಹೊರಹೋಗುವುದನ್ನು ನಿಷೇಧಿಸಿದೆ. ಈಗ ಮಹಿಳೆಯರು ಮುಖ ಮುಚ್ಚಬೇಕು ಎಂದು ಕಟ್ಟುನಿಟ್ಟಿನ ನಿಯಮ ಜಾರಿಗೆ ತಂದಿದೆ.