Sunny Leone: ಭೂಕಂಪ ಸಂತ್ರಸ್ತರ ನೆರವಿಗೆ ನಿಂತ ಸನ್ನಿ ಲಿಯೋನ್; ಟರ್ಕಿ, ಸಿರಿಯಾಗೆ ಶೇಷಮ್ಮನಿಂದ ದೇಣಿಗೆ

ಟರ್ಕಿ ಮತ್ತು ಸಿರಿಯಾದ ಭೂಕಂಪಗಳಿಂದ ಬದುಕುಳಿದವರಿಗೆ ನೆರವಾಗಲೂ ಇಡೀ ಜಗತ್ತು ಒಂದಾಗಿದೆ. ಭಾರತ ಸೇರಿದಂತೆ ಹಲವು ರಾಷ್ಟ್ರಗಳು ತಮ್ಮಿಂದಾಗುವ ಎಲ್ಲಾ ರೀತಿಯ ಸಹಾಯ ಮಾಡಿವೆ. ಇದೀಗ ಬಾಲಿವುಡ್ ದಂಪತಿ ಸನ್ನಿ ಲಿಯೋನ್ ಮತ್ತು ಡೇನಿಯಲ್ ವೆಬರ್ ಕೂಡ ಭೂಕಂಪ ಸಂತ್ರಸ್ತರಿಗೆ ನೆರವು ನೀಡಲು ಮುಂದಾಗಿದ್ದಾರೆ.

ಸಿರಿಯಾ ಮತ್ತು ಟರ್ಕಿಯಲ್ಲಿ ಭೂಕಂಪ ಪೀಡಿತ ಜನರಿಗೆ ಪರಿಹಾರ ಮತ್ತು ಚೇತರಿಕೆಗೆ ತಮ್ಮ ಕಾಸ್ಮೆಟಿಕ್ ಬ್ರಾಂಡ್‌ನ ಫೆಬ್ರವರಿ ಗಳಿಕೆಯ ಶೇಕಡಾ 10 ರಷ್ಟನ್ನು ದಾನ ಮಾಡಲು ದಂಪತಿಗಳು ನಿರ್ಧರಿಸಿದ್ದಾರೆ.

ಎರಡೂ ದೇಶಗಳ ಜನರು ತುಂಬಾ ಸಂಕಷ್ಟಕ್ಕೆ ಒಳಗಾಗಿದ್ದಾರೆ. ಪ್ರತಿಯೊಬ್ಬರೂ ಸಹಾಯ ಹಸ್ತ ನೀಡುವುದು ಅತ್ಯಗತ್ಯ. ಅದಕ್ಕೆ ಎಲ್ಲರೂ ತಮ್ಮ ಕೈಲಾದಷ್ಟು ನೆರವು ನೀಡಿ ಎಂದು ಸನ್ನಿ ಲಿಯೋನ್ ಮನವಿ ಮಾಡಿದ್ದಾರೆ.

ಭೂಕಂಪದಲ್ಲಿ ಬದುಕುಳಿದವರು ತಮ್ಮ ಜೀವನವನ್ನು ಪುನರ್​ ನಿರ್ಮಿಸಿಕೊಳ್ಳುವುದಕ್ಕೆ ಸಹಾಯ ಮಾಡಲು ಜನರು ತಮ್ಮ ಕೈಲಾದಷ್ಟು ಸಹಾಯ ಮಾಡುವಂತೆ ಬಾಲಿವುಡ್​ ನಟಿ ಒತ್ತಾಯಿಸಿದ್ದಾರೆ.

ಸನ್ನಿ ಲಿಯೋನ್​ ಸಂಕಷ್ಟದಲ್ಲಿರುವವರಿಗೆ ನೆರವಾಗುತ್ತಿರುವುದು ಇದೇ ಮೊದಲೇನಲ್ಲ, ಈ ಹಿಂದೆ ಪ್ರವಾಹ ಪೀಡಿತ ಕೇರಳಕ್ಕೆ 1200 ಕೆಜಿ ಆಹಾರ ಸಾಮಾಗ್ರಿಯನ್ನು ಕಳುಹಿಸಿಕೊಟ್ಟಿದ್ದರು. ಕೊರೊನಾ ವೇಳೆ ದೆಹಲಿಯಲ್ಲಿ ಸುಮಾರು 10 ಸಾವಿರ ನಿರಾಶ್ರಿತರಿಗೆ, ಕೂಲಿ ಕಾರ್ಮಿಕರಿಗೆ ಆಹಾರ ನೀಡಿ ಸುದ್ದಿಯಾಗಿದ್ದರು.

ಇದಕ್ಕೂ ಮುನ್ನ ಬಾಲಿವುಡ್​ ನಟಿ ಪ್ರಿಯಾಂಕಾ ಚೋಪ್ರಾ ಅವರು ಟರ್ಕಿ ಮತ್ತು ಸಿರಿಯಾದಲ್ಲಿ  ಭೂಕಂಪದ ನಂತರ  ಸಂಕಷ್ಟಕ್ಕೀಡಾಗಿರುವವರಿಗೆ ಸಹಾಯ ಹಸ್ತ ಚಾಚುವಂತೆ ಜನರಿಗೆ ಮನವಿ ಮಾಡಿಕೊಂಡಿದ್ದರು.

ಗ್ಲೋಬಲ್ ಯುನಿಸೆಫ್ ಗುಡ್​ವಿಲ್​ ರಾಯಭಾರಿಯಾಗಿರುವ ಪ್ರಿಯಾಂಕ ಚೋಪ್ರಾ, ವಿನಾಶಕಾರಿ ಭೂಕಂಪದ ನಂತರ ಟರ್ಕಿ ಮತ್ತು ಸಿರಿಯಾದ ಜನರಿಗೆ ನೋವು ಮತ್ತು ಸಂಕಟ ಮುಂದುವರಿದಿದೆ. ಶೋಧಾ ಕಾರ್ಯಾಚರಣೆಗಳು ನಿರಂತರವಾಗಿ ನಡೆಯುತ್ತಿದೆ . ಈ ವೇಳೆ 3 ತಿಂಗಳ ಮಗುವನ್ನು ಅವಶೇಷಗಳಿಂದ ರಕ್ಷಿಸಲಾಗಿದೆ. ಇನ್ನೂ ಅನೇಕರು ಅವಶೇಷಗಳಡಿಯಲ್ಲಿ ಸಿಲುಕಿದ್ದಾರೆ. ಇಂತಹ ಸಂದರ್ಭದಲ್ಲಿ ನಾವೆಲ್ಲಾ ಒಂದಾಗಿ ನೆರವಾಗೋಣ ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು.