Gold Kulfi: ರಸ್ತೆ ಬದಿಯಲ್ಲಿ 24 ಕ್ಯಾರೆಟ್​ ಚಿನ್ನದ ಕುಲ್ಫಿ ಮಾರಾಟ! ಟೇಸ್ಟ್ ಹೇಗಿದೆ? ದರ ಎಷ್ಟಿದೆ ಗೊತ್ತಾ?

ಬೇಸಿಗೆಯಲ್ಲಿ ಕುಲ್ಫಿ ಅತ್ಯಂತ ನೆಚ್ಚಿನ ತಿನಿಸಾಗಿರುತ್ತದೆ. ಇದರ ತಂಪಾದ ಮತ್ತು ಸಿಹಿಯಾದ ರುಚಿಯು ಸುಡುವ ಬಿಸಿಲಿನಲ್ಲಿ ಆರಾಮವನ್ನು ನೀಡುವುದಲ್ಲದೆ ಬಹಳಷ್ಟು ಮಜಾ ನೀಡುತ್ತದೆ.

ಮಾರುಕಟ್ಟೆಯಲ್ಲಿ ನಾವು ಬಗೆ ಬಗೆಯ ಕುಲ್ಫಿಗಳಿನ್ನ ನೋಡಿರುತ್ತೇವೆ. ಸಾದಾ ಕುಲ್ಫಿ, ಪಿಸ್ತಾ ಕುಲ್ಫಿಯಿಂದ ಹಿಡಿದು ಮಾವಿನಕಾಯಿ, ಬಾದಾಮ್ ಕುಲ್ಫಿಯವರೆಗೂ ಹಲವು ಕುಲ್ಫಿಗಳಿವೆ. ಇವುಗಳ ಉಲ್ಲೇಖವೇ ಬಾಯಲ್ಲಿ ನೀರೂರುವಂತೆ ಮಾಡುತ್ತದೆ. ಆದರೆ ನೀವು ಎಂದಾದರೂ ಚಿನ್ನದ ಕುಲ್ಫಿ ಬಗ್ಗೆ ಕೇಳಿದ್ದೀರಾ? ಇಂದೋರ್‌ನಲ್ಲಿ ಬೀದಿ ವ್ಯಾಪಾರಿಯೊಬ್ಬರು ಚಿನ್ನದ ಕುಲ್ಫಿ ಮಾರಾಟ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದ್ದು, ಇದು ಸಾಕಷ್ಟು ಚರ್ಚೆಯಾಗುತ್ತಿದೆ.

ಫುಡ್ ಬ್ಲಾಗರ್ ಕಲಾಶ್ ಸೋನಿ ಈ ವಿಡಿಯೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದರಲ್ಲಿ ಬೀದಿಬದಿ ವ್ಯಾಪಾರಿಯೊಬ್ಬ ಕುಲ್ಫಿ ಮಾರುವುದನ್ನು ನೋಡಬಹುದು. ಒಬ್ಬ ವ್ಯಕ್ತಿಯು ಮೈತುಂಬ ಚಿನ್ನದ ಆಭರಣಗಳನ್ನು ಧರಿಸಿರುವುದು ಕಂಡುಬರುತ್ತದೆ.

ಆ ವ್ಯಾಪಾರಿ ಫ್ರಿಡ್ಜ್‌ನಿಂದ ಕುಲ್ಫಿಯಯನ್ನು ತೆಗೆದುಕೊಂಡು ನಂತರ ಅದನ್ನು 24 ಕ್ಯಾರೆಟ್ ಎಡಿಬಲ್​ ಗೋಲ್ಡ್​ ಪೇಪರ್​ ಸುತ್ತಿ ಗ್ರಾಹಕರಿಗೆ ನೀಡುತ್ತಾನೆ.

ಸಾಮಾನ್ಯ ಕುಲ್ಫಿಯಾದರೆ 10, 20ರಿಂದ 40ರೂಪಾಯಿ ಇರಬಹುದು. ಆದರೆ ಈ ಚಿನ್ನದ ಕುಲ್ಫಿಯ ಬೆಲೆ 351 ರೂಪಾಯಿ ಎಂದು ಕುಲ್ಫಿ ಮಾರಾಟ ಮಾಡುವ ವ್ಯಕ್ತಿ ತಿಳಿಸಿದ್ದಾರೆ. ಈ ವಿಶೇಷ ಕುಲ್ಫಿಗೆ ಪ್ರಕಾಶ್ ಕುಲ್ಫಿ ಎಂದು ಕರೆಯಲಾಗುತ್ತಿದೆ.

ಗೋಲ್ಡ್‌ಮ್ಯಾನ್ ಎಂದೇ ಖ್ಯಾತರಾಗಿರುವ ಬಂಟಿ ಯಾದವ್ ಇಲ್ಲಿ ಲಕ್ಷಗಟ್ಟಲೆ ಆಭರಣಗಳನ್ನು ಧರಿಸಿ ಚಿನ್ನದ ಕುಲ್ಫಿ ಮಾರುತ್ತಾರೆ. ಅವನ ಕೊರಳಿನಲ್ಲಿ, ಕೈಗಳಲ್ಲಿ ಬಂಗಾರದ ಆಭರಣಗಳಿಂದ ತುಂಬಿವೆ. ಆಭರಣದ ಒಟ್ಟು ಮೊತ್ತದ ಬಗ್ಗೆ ಬಂಟಿ ಮಾಹಿತಿ ನೀಡಿಲ್ಲ.ಅದರ ಮೌಲ್ಯ ತಿಳಿದರೆ ಮೌಲ್ಯ ಕಡಿಮೆಯಾಗುತ್ತದೆ ಎನ್ನುತ್ತಾರೆ.

ಚಿನ್ನದ ಕುಲ್ಫಿ ಪೋಸ್ಟ್ ಏಪ್ರಿಲ್ 14 ರಂದು Instagram ನಲ್ಲಿ ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇದನ್ನು ಸುಮಾರು 8 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಇಂಟರ್ನೆಟ್ ಬಳಕೆದಾರರು ಈ ಕುಲ್ಫಿ ತಿನ್ನುವುದರಿಂದ ಹಣ ವ್ಯರ್ಥ ಆಗುತ್ತದೆ ಎಂದು ಕಮೆಂಟ್ ಮಾಡಿದ್ದಾರೆ. ಒಬ್ಬ ಬಳಕೆದಾರ ನಾನು ಆ ಶಾಪ್​ಗೆ ಹೋಗಿದ್ದೆ, ಆದರೆ ಅದು 351 ರೂಪಾಯಿಗೆ ಯೋಗ್ಯವಾಗಿಲ್ಲ. ಮತ್ತೊಬ್ಬ ಸಹೋದರ ಇದು ನಕಲಿ ಚಿನ್ನ, ಇದು ಅರ್ಧ ಕ್ಯಾರೆಟ್ ಕೂಡ ಅಲ್ಲ, ಇನ್ನೂ 24 ಕ್ಯಾರೆಟ್ ದೂರದ ಮಾತು ಎಂದು ಹೇಳಿದ್ದಾರೆ.