Ghost House: ಈ ಭೂತ ಬಂಗ್ಲೆಗೆ ಹೋದ್ರೆ ಸಾವು ಗ್ಯಾರಂಟಿ! ಎದೆ ಝಲ್ ಅನ್ನಿಸೋ ರಿಯಲ್ ಸ್ಟೋರಿ ಇಲ್ಲಿದೆ

ಕೇರಳದ ಭೂತ ಬಂಗಲೆ ಎಂದೂ ಕರೆಯಲ್ಪಡುವ ಬೊನಾಕಾಡ್ ಬಂಗಲೆಯನ್ನು 1951 ರಲ್ಲಿ ಬ್ರಿಟಿಷರು ನಿರ್ಮಿಸಿದ್ದರು. ಇದು ಅಗಸ್ತ್ಯ ಪರ್ವತ ಶ್ರೇಣಿಯ ಹಚ್ಚ ಹಸಿರಿನ ಕಾಡುಗಳ ನಡುವೆ ಇದೆ. ಇದನ್ನು 25 ಜಿಬಿ ಬಂಗಲೆ ಎಂದು ಕರೆಯಲಾಗುತ್ತದೆ.

ಈ ಬಂಗಲೆಯನ್ನು ನಿರ್ಮಿಸಿದ ಇಂಗ್ಲೀಷ್​ನವನು ಚಹಾ ತೋಟದ ವ್ಯವಸ್ಥಾಪಕನಾಗಿದ್ದ. ಆತ ತಮ್ಮ ಕುಟುಂಬದೊಂದಿಗೆ ಈ ಮನೆಯಲ್ಲಿ ವಾಸಿಸುತ್ತಿದ್ದರು. ಆದರೆ ಒಂದು ದಿನ ಅವರ ಮಗು ಅನುಮಾನಾಸ್ಪದವಾಗಿ ಶವವಾಗಿ ಪತ್ತೆಯಾಗಿತ್ತು. ಆ ಬಳಿಕ ಪತ್ನಿಯೊಂದಿಗೆ ಆತ ಲಂಡನ್‌ಗೆ ತೆರಳಿದ್ದರು. ಅಲ್ಲಿಂದ ಈ ಬಂಗಲೆಯಲ್ಲಿ ಬೇತಾಳ ಕಥೆಗಳು ಹುಟ್ಟಿಕೊಂಡಿವೆ. (Photo: Twitter/itz_ravanan)

ಬಾಲಕಿಯ ಸಾವಿನ ನಂತರ ಈ ಪ್ರದೇಶದಲ್ಲಿ ಹಲವು ನಿಗೂಢ ಸುದ್ದಿಗಳು ವರದಿಗಳು ಬಂದಿದ್ದವು. ಕಿಟಿಕಿಯ ಬಳಿ ಹುಡುಗಿ ಕಂಡದ್ದು, ಗಾಜು ಒಡೆದ ಸದ್ದು ಕೇಳಿದ್ದು, ಹುಡುಗಿ ಕಿರುಚುವ ಸದ್ದು, ಬಂಗಲೆಯಲ್ಲಿ ದೆವ್ವ ಕಾಣಿಸಿತ್ತೆಂದು ಹೀಗೆ ಹಲವು ಕಥೆಗಳಿವೆ. (Photo: Twitter/Anandans76)

ಒಂದು ಕಥೆಯ ಪ್ರಕಾರ, ಆ ಬಂಗಲೆಗೆ ಸೌದೆ ಸಂಗ್ರಹಿಸಲು ಹೋದ ಸ್ಥಳೀಯ ಯುವತಿಯೊಬ್ಬಳು, ಅಲ್ಲಿಂದ ಹಿಂದಿರುಗಿದ ನಂತರ ವಿಚಿತ್ರವಾಗಿ ವರ್ತಿಸತೊಡಗಿದಳು. ಈ ಅವಿದ್ಯಾವಂತ ಹುಡುಗಿ ಇಂಗ್ಲೀಷ್​ನಲ್ಲಿ ಸರಾಗವಾಗಿ ಮಾತನಾಡಿದ್ದಲ್ಲದೆ, ಇಂಗ್ಲೀಷ್​ನಲ್ಲಿ ಓದುವುದು ಬರೆಯುವುದು ಶುರು ಮಾಡಿದ್ದಾಳೆ. ಹಾಗಾಗಿ ಬಾಲಕಿಗೆ ಸತ್ತ ಬಾಲಕಿಯ ದೆವ್ವ ಹಿಡಿದಿದೆ ಎಂದು ಹಲವರು ನಂಬಿದ್ದಾರೆ. (Photo:Twitter/Anandans76)

ಬೋನಕಾಡ್, ರಾಜಧಾನಿ ತಿರುವನಂತಪುರಂ ನಗರದಿಂದ 50 ಕಿ.ಮೀ ದೂರದಲ್ಲಿದೆ. ಸರ್ಕಾರದ ಕಟ್ಟುನಿಟ್ಟಿನ ನಿರ್ಬಂಧಗಳಿಂದಾಗಿ ಈ ಪ್ರದೇಶದಲ್ಲಿ ಯಾವುದೇ ಹೋಟೆಲ್‌ಗಳು ಅಥವಾ ರೆಸಾರ್ಟ್‌ಗಳಿಲ್ಲ.

ಈ ಬಂಗಲೆಯ ಬಾಗಿಲು ಮತ್ತು ಕಿಟಕಿಗಳನ್ನು ಮುರಿದಿದ್ದು, ಕೆಲವು ಮರದ ಹಲಗೆಗಳಿಂದ ಬಾಗಿಲುಗಳನ್ನು ಮುಚ್ಚಲಾಗಿದೆ ಎಂದು ತೋರುತ್ತದೆ. ಹಗಲಿನಲ್ಲಿ ಮನೆಯಲ್ಲಿ ಯಾವುದೇ ಶಬ್ಧ ಇರುವುದಿಲ್ಲ, ಆದರೆ ಪ್ರತಿ ರಾತ್ರಿ ಇಲ್ಲಿ ಕಾಣಿಸಿಕೊಳ್ಳುತ್ತದೆ ಎನ್ನುತ್ತಾರೆ ಸ್ಥಳೀಯರು. ಈ ಕಥೆಯು ಭಯಾನಕ ಚಲನಚಿತ್ರವನ್ನು ನಿರ್ಮಿಸುವಷ್ಟು ವಿಷಯವನ್ನು ಹೊಂದಿದೆ ಎನ್ನುತ್ತಾರೆ ಸ್ಥಳೀಯರು.

ಈ ಕಥೆಗೂ ಒಂದು ಪ್ರೀಕ್ವೆಲ್ ಇದೆ. ಬಂಗಲೆಯನ್ನು ಕಟ್ಟಿದ ಆಂಗ್ಲರು ಮೊದಲು ಈ ಸ್ಥಳವನ್ನು ಹುಡುಕಲು ಕರಿಂತಂಡನ್ ಎಂಬ ಬುಡಕಟ್ಟು ಯುವಕನ ಸಹಾಯ ಪಡೆದರು ಎಂಬ ಕಥೆ ಇದೆ. ಅದಾದ ನಂತರ ಬ್ರಿಟಿಷ್ ಇಂಜಿನಿಯರ್ ಆ ಆದಿವಾಸಿ ಯುವಕನನ್ನು ಕೊಂದಿದ್ದಾನೆ. ಆ ಯುವಕ ಕರಿಂತಂಡನ್ ಆತ್ಮ ಈಗಲೂ ಅಲ್ಲಿ ಓಡಾಡುತ್ತಿದೆ ಎಂದು ಕೆಲವರು ಹೇಳುತ್ತಾರೆ.