Pregnancy | ಮಕ್ಕಳು ಮಾಡಿಕೊಳ್ಳುವ ಪ್ಲಾನ್ ಇದ್ರೆ 1 ವರ್ಷ ಮುಂದಕ್ಕೆ ಹಾಕಿ; ಯಾಕಂದ್ರೆ ಇದು ಸರ್ಕಾರ ಹೊರಡಿಸಿರುವ ಆದೇಶ

ಕೊರೋನಾ ವಿಶ್ವದಾದ್ಯಂತ ಜನರನ್ನು ಸಂಕಷ್ಟಕ್ಕೆ ದೂಡಿದ ಮಹಾಮಾರಿ. ಈ ಮಾರಕ ಕಾಯಿಲೆಯಿಂದ ಅನೇಕರು ಸಾವನ್ನಪ್ಪಿದ್ದಾರೆ. ಹಿರಿಯರು, ಮಕ್ಕಳೆಂದು ನೋಡದೆ ಅವರನ್ನು ಸಾವಿನ ಕೂಪಕ್ಕೆ ಕೊಂಡೊಯ್ದಿದೆ. ಬಡಜನರನ್ನು ಸಂಕಷ್ಟಕ್ಕೀಡು ಮಾಡಿದೆ ಈ ಕೊರೋನಾ.

ಮೊದಲೇ ಹೇಳಿದಂತೆ ಕೋವಿಡ್-19ನಿಂದ  ಪುಟಾಣಿ ಮಕ್ಕಳು ಸಾವನ್ನಪ್ಪುತ್ತಿರುವು ಒಂದೆಡೆಯಾದರೆ ಗರ್ಭಿಣಿಯರನ್ನು ಕೂಡ ಕೊರೋನಾ ಬಿಟ್ಟಿಲ್ಲ. ಶ್ರೀಲಂಕಾದಲ್ಲಂತೂ ನಾಲ್ಕು ತಿಂಗಳಲ್ಲಿ 40ಕ್ಕೂ ಹೆಚ್ಚು ತಾಯಂದಿರು ಕೋವಿಡ್ 19ಗೆ ಸಾವನ್ನಪ್ಪಿದ್ದಾರೆ.

ಈ ವಿಚಾರವನ್ನು ಕಂಡುಕೊಂಡ ಅಲ್ಲಿನ ಆರೋಗ್ಯ ಸಚಿವಾಲಯ ಗುರುವಾರದಂದು ನಿರ್ಧಾರವೊಂದಕ್ಕೆ ಬಂದಿದೆ. ಕೊರೋನಾ ಸಾಂಕ್ರಾಮಿಕ ರೋಗದ ಹಿನ್ನಲೆಯಲ್ಲಿ ತಾಯಿಯಾಗಲು ಅಥವಾ ಗರ್ಭಿಣಿಯಾಗುದನ್ನು ವಿಳಂಬ ಮಾಡುವಂತೆ ಒತ್ತಾಯಿಸಿದೆ.

ಮೇ ತಿಂಗಳಿನಲ್ಲಿ ಕೊರೋನಾದಿಂದಾಗಿ ಅನೇಕ ತಾಯಂದಿರು ಸಾವನ್ನಪ್ಪಿದ್ದಾರೆ. ಏಪ್ರಿಲ್ ಮಧ್ಯದಲ್ಲಿ ಪ್ರಯಾಣ ನಿರ್ಬಂಧಗಳನ್ನು ಸಡಿಲಗೊಳಿಸಿದ ನಂತರ ಡೆಲ್ಟಾ ಸೋಂಕಿನ ವಿರುದ್ಧ ಹೋರಾಡುತ್ತಾ ಬಂದಿದೆ.

ಆರೋಗ್ಯ ಪ್ರಚಾರ ಬ್ಯೂರೋದ ನಿರ್ದೇಶಕಿ ಚಿತ್ರಮಾಲಿ ಡಿ ಸಿಲ್ವಾ ಈ ಬಗ್ಗೆ ಮಾತನಾಡಿ, ಸಾಮಾನ್ಯವಾಗಿ, ವರ್ಷಕ್ಕೆ 90 ರಿಂದ 100 ತಾಯಂದಿರು ಸಾವನಪ್ಪುತ್ತಿದ್ದಾರೆ, ಆದರೆ ಮೂರನೇ ತರಂಗ ಆರಂಭವಾದಾಗಿನಿಂದ ನಾವು ಕೋವಿಡ್​ನಿಂದ 41 ಗರ್ಭಿಣಿಯರ ಸಾವುಗಳನ್ನು ಕಂಡಿದ್ದೇವೆ "ಎಂದು ಹೇಳಿದ್ದಾರೆ.

ಸರ್ಕಾರಿ ಪ್ರಸೂತಿ ಮತ್ತು ಸ್ತ್ರೀರೋಗತಜ್ಞ ಹರ್ಷ ಅಟಪಟ್ಟು ಅವರು "ನವವಿವಾಹಿತರು ಹಾಗೂ ಮಗುವನ್ನು ಪಡೆಯಲು ಪ್ರಯತ್ನಿಸುತ್ತಿರುವವರು ಕೋವಿಡ್ -19 ರ ಅಪಾಯದಿಂದಾಗಿ ಕನಿಷ್ಠ ಒಂದು ವರ್ಷ ವಿಳಂಬ ಮಾಡಲು ಪ್ರಯತ್ನಿಸಿ" ಎಂದು ಹೇಳಿದ್ದಾರೆ.

ಸುಮಾರು 5,500 ತಾಯಂದಿರು ಸೋಂಕಿಗೆ ಒಳಗಾಗಿದ್ದಾರೆ. 70 ರಷ್ಟು ಜನರು ಸಂಪೂರ್ಣವಾಗಿ ಲಸಿಕೆ ಹಾಕಿದ್ದಾರೆ ಎಂದು ಡಿ ಸಿಲ್ವಾ ಹೇಳಿದರು.

ಶ್ರೀಲಂಕಾದಲ್ಲಿ ಮೂರನೇ ತರಂಗ ಆರಂಭವಾದಾಗಿನಿಂದ ಕೋವಿಡ್​ಗೆ 41 ಗರ್ಭಿಣಿಯರು ಸಾವುನ್ನಪ್ಪುತ್ತಿದ್ದಾರೆ. ಹೀಗಾಗಿ ಎತ್ತರಿಕೆ ನಿರ್ಧಾರ ಜೊತೆಗೆ ಜಾಗರೂಕತೆ ವಹಿಸುವ ಆದೇಶ ಹೊರಡಿಸಿದೆ.