Library: ಗರ್ಭಿಣಿಯರಿಗಾಗಿ ಪ್ರತ್ಯೇಕ ಗ್ರಂಥಾಲಯ ನಿರ್ಮಾಣ! ತಮಿಳುನಾಡು ಸರ್ಕಾರದಿಂದ ಮಹತ್ವದ ಕಾರ್ಯ! ಇದರ ಉದ್ದೇಶವೇನು?

ತಮಿಳುನಾಡಿನ ತಂಜಾವೂರು ಜಿಲ್ಲೆಯಲ್ಲಿ ಒಂದು ಪ್ರಾಥಮಿಕ ಆರೋಗ್ಯ ಕೇಂದ್ರ ಗರ್ಭಿಣಿಯರಿಗಾಗಿ ವಿಶೇಷ ಗ್ರಂಥಾಲಯವನ್ನು ತೆರೆದಿದೆ. ಇದು ತಮಿಳುನಾಡು ಸರ್ಕಾರದ ಆರೋಗ್ಯ ಇಲಾಖೆಯ ಯೋಜನೆಯಾಗಿದೆ.

ಗರ್ಭಿಣಿಯರು ತಮ್ಮ ಗರ್ಭಧಾರಣೆ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಆರೋಗ್ಯ ಸಮಸ್ಯೆಗಳು ಬರುತ್ತಲೇ ಇರುತ್ತವೆ. ಹೊಟ್ಟೆಯಲ್ಲಿರುವ ಮಗುವಿನ ಬಗ್ಗೆ ಹಲವು ಆಲೋಚನೆ ಉಂಟಾಗುತ್ತವಎ. ಈ ಎಲ್ಲಾ ಅಂಶಗಳು ಅವರಲ್ಲಿ ಒತ್ತಡವನ್ನು ಹೆಚ್ಚಿಸುತ್ತವೆ. ಆ ಒತ್ತಡದಿಂದ ಅವರನ್ನು ಮುಕ್ತಗೊಳಿಸಲು ಈ ಗ್ರಂಥಾಲಯವನ್ನು ಸ್ಥಾಪಿಸಲಾಗಿದೆ.

ತಜ್ಞರ ಪ್ರಕಾರ ಗರ್ಭಿಣಿಯರು ಪುಸ್ತಕಗಳನ್ನು ಓದಿದರೆ ಅವರ ಒತ್ತಡ ಕಡಿಮೆಯಾಗುತ್ತದೆ. ಮೇಲಾಗಿ.. ಹೊಟ್ಟೆಯಲ್ಲಿರುವ ಮಗು ಕೂಡ ಆರೋಗ್ಯವಾಗಿದೆ. ಮಗು ತಾಯಿಯ ಕಾರ್ಯಗಳನ್ನು ಗಮನಿಸುತ್ತದೆ.

ಗರ್ಭಿಣಿಯರ ಆರೋಗ್ಯ ಕಾಪಾಡುವ ಉದ್ದೇಶದಿಂದ ತಂಜಾವೂರು ಕಾರ್ಪೊರೇಷನ್ ಆರೋಗ್ಯ ಇಲಾಖೆಯ ಸಹಯೋಗದಲ್ಲಿ ಮಹಿಳೆಯರಿಗಾಗಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಈ ಗ್ರಂಥಾಲಯವನ್ನು ತೆರೆದಿದೆ.

ಈ ಗ್ರಂಥಾಲಯದಲ್ಲಿ 300ಕ್ಕೂ ಹೆಚ್ಚು ಪುಸ್ತಕಗಳಿವೆ. ಇವುಗಳಲ್ಲಿ ಕಾದಂಬರಿ, ಸಾಹಿತ್ಯ, ಇತಿಹಾಸ, ಮಹಿಳಾ ಅಭಿವೃದ್ಧಿ, ಯಶಸ್ವಿ ಮಹಿಳೆಯರ ಜೀವನಚರಿತ್ರೆ, ಸಮಾಜ ಸುಧಾರಣೆಗಳು, ಸ್ವಾವಲಂಬನೆಯ ಪುಸ್ತಕಗಳು ಸೇರಿವೆ.

ಈ ಲೈಬ್ರರಿ ಐಡಿಯಾ ತುಂಬಾ ಚೆನ್ನಾಗಿದೆ. ನಾನು ಪುಸ್ತಕಗಳನ್ನು ಓದುತ್ತಿದ್ದೇನೆ ಮತ್ತು ಆ ಪಾತ್ರಗಳಲ್ಲಿ ಮುಳುಗುತ್ತಿದ್ದೇನೆ. ಆದ್ದರಿಂದ ನಾನು ನನ್ನ ಎಲ್ಲಾ ಸಮಸ್ಯೆಗಳನ್ನು ಮರೆತುಬಿಡುತ್ತೇನೆ. ಈ ಮೂಲಕ ನಾನು ಪ್ರೇರಣೆ ಪಡೆದು ಮತ್ತು ಮಾನಸಿಕವಾಗಿ ಸದೃಢವಾಗಿದ್ದೇನೆ ಎಂದು ಗರ್ಭಿಣಿಯೊಬ್ಬರು ಹೇಳಿದ್ದಾರೆ.

ನನ್ನ ಮಗುವಿನ ಜನನದ ಬಗ್ಗೆ ನನಗೆ ಚಿಂತೆ ಇಲ್ಲ. ನಾನು ಪಾಸಿಟಿವ್​ ಆಗಿದ್ದೇನೆ. ಅಭಿಮನ್ಯು ತನ್ನ ತಾಯಿಯ ಹೊಟ್ಟೆಯಲ್ಲಿದ್ದಾಗ ವಿಷಯಗಳನ್ನು ಕಲಿತಂತೆ.. ನನ್ನ ಹೊಟ್ಟೆಯಲ್ಲಿ ಮಗು ನೀತಿ ಮತ್ತು ಮೌಲ್ಯಗಳನ್ನು ಕಲಿಯುತ್ತಿದೆ. ಪ್ರೇರಕ ಕಥೆಗಳನ್ನು ಓದುತ್ತಿರುವುದಾಗಿ ಮತ್ತೊಬ್ಬ ಗರ್ಭಿಣಿ ಹೇಳಿದ್ದಾರೆ.

ಗರ್ಭಿಣಿಯರಿಗೆ ಪುಸ್ತಕ ಓದುವುದು ತುಂಬಾ ಒಳ್ಳೆಯದು. ಅನೇಕ ಜನರು ಉತ್ತಮ ಪುಸ್ತಕಗಳನ್ನು ತಾವಾಗಿಯೇ ನೀಡುತ್ತಿದ್ದಾರೆ. ತಂಜಾವೂರು ಪಾಲಿಕೆ ಅಧಿಕಾರಿ ಡಾ.ಪ್ರಕಾಶ್ ಮಾತನಾಡಿ, ತಂಜಾವೂರಿನ ಎಲ್ಲಾ ಪ್ರಾಥಮಿಕ ಕೇಂದ್ರಗಳಲ್ಲಿ ಗ್ರಂಥಾಲಯ ತೆರೆಯುವ ಯೋಜನೆ ಇದೆ ಎಂದು ತಿಳಿಸಿದರು.