Putin Girlfriend: ಗರ್ಲ್ ​ಫ್ರೆಂಡ್​ಗಾಗಿ 1000 ಕೋಟಿ ಮೌಲ್ಯದ ಮನೆ ಕಟ್ಟಿಸಿದ ಪುಟಿನ್, ಪ್ರೇಯಸಿ ಜೊತೆ ರಷ್ಯಾ ಅಧ್ಯಕ್ಷ ಜಾಲಿ ಲೈಫ್!

ರಷ್ಯಾ ಅಧ್ಯಕ್ಷ ಪುಟಿನ್ ಅವರ ಗೆಳತಿ ಅಲಿನಾ ಕಬಾಯೆವಾ (39) ಜಿಮ್ನಾಸ್ಟ್ , ಹಾಗೂ ಮಾಜಿ ಒಲಿಂಪಿಕ್ ಚಾಂಪಿಯನ್.  ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರೊಂದಿಗೆ ಹೊಸ ಮನೆಯಲ್ಲಿ ವಾಸಿಸುತ್ತಿದ್ದಾರೆ ಎಂಬ ಗುಸು ಗುಸು ಕೇಳಿ ಬರುತ್ತಿದ್ದು, ಜಾಗತಿಕ ಮಟ್ಟದಲ್ಲಿ ಸಂಚಲನ ಮೂಡಿಸುತ್ತಿದೆ. ಅಲಿನಾ ಕಬಾಯೆವಾ ಅವರನ್ನು 2014 ರಲ್ಲಿ  ಪುಟಿನ್ ಅವರು ರಷ್ಯಾದ ರಾಷ್ಟ್ರೀಯ ಮಾಧ್ಯಮ ಗುಂಪಿನ ಮುಖ್ಯಸ್ಥರಾಗಿ ನೇಮಿಸಿದ್ದು, ಅವರು ಈ ಹುದ್ದೆಯಿಂದ ಅಲೆನಾ ಸುಮಾರು 8.6 ಮಿಲಿಯನ್ ಪೌಂಡ್‌ಗಳ ವಾರ್ಷಿಕ ಆದಾಯವನ್ನು ಗಳಿಸುತ್ತಿದ್ದಾರೆ. (Image credit:Proekt/east2west news)

ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ತಮ್ಮ ಗೆಳತಿ ಜಿಮ್ನಾಸ್ಟ್ ಅಲಿನಾ ಕಬಾಯೆವಾ ಮತ್ತು ಅವರ ಮಕ್ಕಳೊಂದಿಗೆ ಅದ್ದೂರಿ ಅರಮನೆಯಲ್ಲಿ ವಾಸಿಸುತ್ತಿದ್ದಾರೆ ಎಂದು ರಷ್ಯಾದ ತನಿಖಾ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ. ಸುದ್ದಿ ಸಂಸ್ಥೆ ಪ್ರಾಜೆಕ್ಟ್‌ನ ವರದಿಯ ಪ್ರಕಾರ, ಈ ಜೋಡಿ ವಾಸಿಸುತ್ತಿರುವ ಮನೆ ಬಗ್ಗೆ ಮೊದಲ ಬಾರಿಗೆ ಬಹಿರಂಗಪಡಿಸಲಾಗಿದೆ. ರಷ್ಯಾ ಅಧ್ಯಕ್ಷ ಸುಮಾರು . 1000 ಕೋಟಿ ರೂ ಮೌಲ್ಯದ ಐಷಾರಾಮಿ ಮನೆಯನ್ನು ಖರೀದಿಸಿ ತಮ್ಮ ಗೆಳತಿ ಜೊತೆಗೆ ರಹಸ್ಯವಾಗಿ ವಾಸಿಸುತ್ತಿದ್ದಾರೆ ಎಂದು ವರದಿಯಾಗಿದೆ. (Image credit:Proekt/east2west news)

ವಿದೇಶಿ ಮಾಧ್ಯಮ ವರದಿಗಳ ಪ್ರಕಾರ, ರಷ್ಯಾದ ಅಧ್ಯಕ್ಷರು ಮಾಸ್ಕೋದ ವಾಯುವ್ಯದಲ್ಲಿರುವ ಬೃಹತ್ ರಾಜಭವನ ಗೃಹದಲ್ಲಿ ರಹಸ್ಯವಾಗಿ ವಾಸಿಸುತ್ತಿದ್ದಾರೆ. ರಷ್ಯಾದ ತನಿಖಾ ಸುದ್ದಿ ವೆಬ್​ಸೈಟ್​ 'ದಿ ಪ್ರಾಜೆಕ್ಟ್' ಪ್ರಕಟಿಸಿದ ವರದಿಯ ಪ್ರಕಾರ, ಪುಟಿನ್ ಅವರ ಸ್ಲಶ್ ನಿಧಿಯಿಂದ ಈ ಆಸ್ತಿಯನ್ನು ಖರೀದಿಸಲಾಗಿದೆ. 13,000 ಚದರ ಅಡಿ ಕಟ್ಟಡದ ನಿರ್ಮಾಣವು 2020 ರಲ್ಲಿ ಪ್ರಾರಂಭವಾಗಿದ್ದು, ಎರಡು ವರ್ಷಗಳಲ್ಲಿ ಪೂರ್ಣಗೊಂಡಿದೆ ಎಂದು ವರದಿ ತಿಳಿಸಿದೆ. ಇದನ್ನು ಸಂಪೂರ್ಣವಾಗಿ ರಷ್ಯಾದ ಡಾಚಾ ಶೈಲಿಯಲ್ಲಿ ನಿರ್ಮಿಸಲಾಗಿದೆ. (Image credit:Proekt/east2west news)

ವರದಿಯ ಪ್ರಕಾರ, ಪುಟಿನ್ ಅವರ ರಹಸ್ಯ ಸ್ಥಳವನ್ನು ತಲುಪಲು ಖಾಸಗಿ ಶಸ್ತ್ರಸಜ್ಜಿತ ರೈಲು ಕೂಡ ಇದೆ. ಈ ಕಾರಣಕ್ಕಾಗಿ, ಅವರ ನಿವಾಸದ ಬಳಿ ರಹಸ್ಯ, ಕಾವಲು ಠಾಣೆಯನ್ನು ನಿರ್ಮಿಸಲಾಗಿದೆ. ರೈಲು ನಿಲ್ದಾಣಗಳನ್ನು ತೋರಿಸುವ ಮನೆಯ ಉಪಗ್ರಹ ಚಿತ್ರಗಳನ್ನು ಪ್ರಾಜೆಕ್ಟ್​ ಸೆರೆಹಿಡಿದಿದೆ. ಮಾಸ್ಕೋನ ಸೋಚಿ ಮತ್ತು ನೊವೊ-ಒಗರಿಯೋವೊದಲ್ಲಿ ಪುಟಿನ್ ಅವರ ನಿವಾಸಗಳಿಗಾಗಿ ಖಾಸಗಿ ರೈಲು ನಿಲ್ದಾಣಗಳಿವೆ ಎನ್ನಲಾಗಿದೆ. (Image credit:Proekt/east2west news)

ಪುಟಿನ್ ಅವರ ಬೃಹತ್ ಮನೆಯೊಳಗೆ ಈಜುಕೊಳವೂ ಇದೆ. ರಷ್ಯಾದ ಅಧ್ಯಕ್ಷರು ತಮ್ಮ 39 ವರ್ಷದ ಗೆಳತಿ ಅಲಿನಾ ಮತ್ತು ಅವರ ಮಕ್ಕಳೊಂದಿಗೆ ಅಲ್ಲಿ ವಾಸಿಸುತ್ತಿದ್ದಾರೆಂದು ವರದಿಯಾಗಿದೆ. ಪುಟಿನ್ ಅವರ ಮಕ್ಕಳೊಂದಿಗೆ ಅಲಿನಾ ಅವರ ಕೆಲವು ಮಹಿಳಾ ಸಂಬಂಧಿಕರು ಸಹ ಐಷಾರಾಮಿ ಭವನದಲ್ಲಿ ಸಮಯ ಕಳೆದಿದ್ದಾರೆ ಎಂದು ವರದಿ ತಿಳಿಸಿದೆ. (Image credit:Proekt/east2west news)

ವೆಬ್​ಸೈಟ್​ ಬಿಡುಗಡೆ ಮಾಡಿದ ಕೆಲವು ಫೋಟೋಗಳಲ್ಲಿ ಗ್ಲಾಸ್​ ಟೇಬಲ್​ ಸುತ್ತಲೂ ಚಿನ್ನದ ಕುರ್ಚಿಗಳನ್ನು ಮತ್ತು  ಚಿನ್ನದ ಎಲೆಗಳನ್ನು ಹೊಂದಿರುವ ವೃತ್ತಾಕಾರದ ಷಾಂಡಲೀಯರ್ ಲೈಟ್​ಗಳಿವೆ. ವ್ಲಾಡಿಮಿರ್ ಪುಟಿನ್ ಅವರ ಮಲಗುವ ಕೋಣೆಯನ್ನು ಸಾಂಪ್ರದಾಯಿಕವಾಗಿ ಅಲಂಕರಿಸಲಾಗಿದೆ. (Image credit:Proekt/east2west news)

ಪುಟಿನ್-ಅಲಿನಾ ಜೋಡಿ ಸಾರ್ವಜನಿಕ ಸಂಪರ್ಕದಿಂದ ದೂರವಿರುವ ಮಕ್ಕಳನ್ನು ಹೊಂದಿದ್ದಾರೆಂದು ನಂಬಲಾಗಿದೆ. ಅವರ ಮಕ್ಕಳು ಚಿಕ್ಕ ವಯಸ್ಸಿನ ಕಾರಣ ಅಜ್ಞಾತರಾಗಿ ಉಳಿದಿದ್ದಾರೆ. ಈ ತನಿಖೆಯಲ್ಲಿ, ಪ್ರೊಜೆಕ್ಟ್ ಪತ್ರಕರ್ತರು ರಷ್ಯಾದ ಅಧ್ಯಕ್ಷ ಮತ್ತು ಅವರ ಗೆಳತಿಯ ನಡುವಿನ ಸಂಬಂಧದ ಬಗ್ಗೆ ಅನೇಕ ಸಂಗತಿಗಳನ್ನು ಕಂಡುಹಿಡಿದಿದ್ದಾರೆ ಎಂದು ವರದಿ ಹೇಳಿದೆ. (Image credit:Proekt/east2west news)