Special Tree: ಬೆಲೆಕಟ್ಟಲಾಗದ ಮರ ಇದು, ಎಲ್ಲಾ ಕಾಲದಲ್ಲೂ ಬೆಳೆಯುವ ವೃಕ್ಷ, ಹಲವು ರೋಗಗಳಿಗೆ ರಾಮಬಾಣ!

ರೋಹಿಡಾ ಮರಗಳು ಸುಡು ಬಿಸಿಲು, ಮೈನಸ್ ಡಿಗ್ರಿಯ ಚಳಿಯಲ್ಲೂ ನಾಶವಾಗದೇ ಉಳಿಯುವ ಮರಗಳಾಗಿವೆ. ಈ ಮರಕ್ಕೆ ಬೆಲೆ ಕಟ್ಟಲಾಗದು. ಆದರೆ ಇತ್ತೀಚಿನ ದಿನಗಳಲ್ಲಿ ಔಷಧೀಯ ಗುಣಗಳಿಂದ ಸಮೃದ್ಧವಾಗಿರುವ ರೋಹಿಡಾ ಮರ ತೀವ್ರ ನಿರ್ಲಕ್ಷ್ಯಕ್ಕೆ ಒಳಗಾಗಿ ನಾಶವಾಗುತ್ತಿವೆ.

ಮರಳು ಮಣ್ಣಿನಲ್ಲಿ ಈ ಮರಗಳು ಹೆಚ್ಚಾಗಿ ಬೆಳೆಯುತ್ತವೆ. ಇದು ಬಹುತೇಕ ನಿತ್ಯಹರಿದ್ವರ್ಣ ಮರವಾಗಿದೆ. ಡಿಸೆಂಬರ್‌ನಿಂದ ಏಪ್ರಿಲ್‌ವರೆಗೆ ಈ ಮರವು ಪ್ರಕಾಶಮಾನವಾದ ಹೂವುಗಳಿಂದ ಅಲಂಕರಿಸಲ್ಪಟ್ಟು, ಎಲ್ಲರನ್ನೂ ಆಕರ್ಷಿಸುತ್ತದೆ.

ಈ ಮರವು ತುಂಬಾ ಪ್ರಯೋಜನಕಾರಿಯಾದ ಮರವಾಗಿದೆ. ಈ ಮರ ತುಂಬಾ ಗಟ್ಟಿಯಾಗಿರುತ್ತದೆ, ಬೂದು ಬಣ್ಣ, ಹಳದಿ ಬಣ್ಣದಿಂದ ಕೂಡಿರುತ್ತದೆ. 

ಇದರ ತೊಗಟೆ ಔಷಧೀಯ ಗುಣಗಳಿಂದ ಸಮೃದ್ಧವಾಗಿರುವ ಮರವಾಗಿದ್ದು, ವಿವಿಧ ರೋಗಗಳಿಗೆ ರಾಮಭಾಣವಾಗಿದೆ. ಚರ್ಮ, ಹೊಟ್ಟೆಯ ಕಾಯಿಲೆಗಳು, ಗಾಯಗಳು, ಕಿವಿ ಮತ್ತು ಕಣ್ಣಿನ ಕಾಯಿಲೆಗಳ ಔಷಧದ ತಯಾರಿಕೆಯಲ್ಲಿ ಇದನ್ನು ಬಳಸಲಾಗುತ್ತದೆ.

ರೋಹಿಡಾ ಮರದ ತೊಗಟೆಯನ್ನು ಮೂತ್ರ ಪಿಂಡ ಸಂಬಂಧಿತ ಕಾಯಿಲೆಗಳಲ್ಲಿಯೂ ಬಳಸಲಾಗುತ್ತದೆ. ವಿಶೇಷವಾಗಿ ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಗಳಲ್ಲಿ ಇದು ಪ್ರಯೋಜನಕಾರಿಯಾಗಿದೆ.

ರೋಹಿಡಾ ಮರ ಗಟ್ಟಿಯಾಗಿರುವುದರಿಂದ, ಇದರಿಂದ ತಯಾರಿಸುವ ಪೀಠೋಪಕರಣಗಳು ನೂರಾರು ವರ್ಷಗಳವರೆಗೆ ಬಾಳಿಕೆ ಬರುತ್ತದೆ. ಈ ಮರಗಳು ಹೆಚ್ಚಾಗಿ ರಾಜಸ್ಥಾನದ ಚುರು ಪ್ರಾಂತ್ಯದಲ್ಲಿ ಕಂಡುಬರುತ್ತದೆ, ಜೊತೆಗೆ ಇದು ನಾಗೌರ್, ಬಿಕಾನೇರ್, ಜೈಸಲ್ಮೇರ್, ಬಾರ್ಮರ್, ಪಾಲಿ, ಜಲೋರ್‌ಗಳಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಕಂಡುಬರುತ್ತದೆ. ಮರಳು ಮಣ್ಣಿನಲ್ಲಿ ಸುಲಭವಾಗಿ ಬೆಳೆಯುತ್ತದೆ.

ಆದರೆ ಇತ್ತೀಚೆಗೆ ಪೀಠೋಪಕರಣ, ಮನೆಯ ಕಿಟಕಿ, ಬಾಗಿಲುಗಳಿಗಾಗಿ ಈ ಮರವನ್ನು ಮನಬಂದಂತೆ ಕಡಿಯಲಾಗುತ್ತಿದೆ. ಕಡಿದ ಮರಗಳು ಸ್ಥಳದಲ್ಲಿಯೇ ಬಿದ್ದಿದ್ದು, ಈ ಬಗ್ಗೆ ಅರಣ್ಯ ಇಲಾಖೆ ಹಾಗೂ ಪೊಲೀಸರಿಗೆ ಮಾಹಿತಿ ನೀಡಿದರೂ ಇದುವರೆಗೆ ಯಾವುದೇ ಕ್ರಮ ಕೈಗೊಂಡಿಲ್ಲ. ಕಣ್ಮರೆಯಾಗುತ್ತಿರುವ ಕಾಡುಗಳ ಬಗ್ಗೆ ಯಾರೂ ಗಮನ ಹರಿಸುತ್ತಿಲ್ಲ. ರಾಜಸ್ಥಾನದ ರಾಜ್ಯ ಪುಷ್ಪ ಎಂದು ಗುರುತಿಸಿಕೊಂಡಿರುವ ಈ ಮರವನ್ನು ಸಂರಕ್ಷಿಸಲು ಅಧಿಕಾರಿಗಳು ವಿಫಲರಾಗುತ್ತಿದ್ದಾರೆ ಎಂದು ಸ್ಥಳೀಯರು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ.