Rishi Sunak: ಐಷಾರಾಮಿ ಹೋಟೆಲ್​ನಲ್ಲಿ ಉಳಿಯೋಕೆ ಆಗ್ಲಿಲ್ಲ, ಹೀಗ್ಯಾಕ್ ಹೇಳಿದ್ರು ರಿಷಿ ಸುನಕ್?

ಯುಕೆ ಪಿಎಂ ರಿಷಿ ಸುನಕ್ (UK PM Rishi Sunak) ತಮ್ಮ ಹಾಗೂ ಪತ್ನಿ ಅಕ್ಷತಾ ಮೂರ್ತಿಯವರೊಂದಿಗಿನ ಸ್ನೇಹ, ಒಡನಾಟ, ಪ್ರೇಮದ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿದ್ದು ತಾವು ನೀಡಿದ್ದ ಹೇಳಿಕೆಯಿಂದ ಇದೀಗ ಟ್ವಿಟರ್‌ನಲ್ಲಿ ಟ್ರೋಲ್ ಆಗಿದ್ದಾರೆ.

ರಿಷಿ ಸುನಕ್ ಹಾಗೂ ಅಕ್ಷತಾ ಅಧ್ಯಯನ ನಡೆಸುತ್ತಿದ್ದಾಗ ಹಾಫ್ ಮೂನ್ ಬೇ ಎಂಬ ಐಷಾರಾಮಿ ಹೋಟೆಲ್‌ನ ಸುತ್ತ ಸುತ್ತಾಡುತ್ತಿದ್ದೆವು ಆದರೆ ಒಂದು ದಿನವೂ ಈ ಹೋಟೆಲ್‌ನಲ್ಲಿ ತಂಗಲಾಗಲಿಲ್ಲ ಎಂಬ ಹೇಳಿಕೆ ನೀಡಿದ್ದು ಟ್ವಿಟರ್ ಬಳಕೆದಾರರು ಇದಕ್ಕೆ ಹಾಸ್ಯಾಸ್ಪದ ಕಾಮೆಂಟ್‌ಗಳನ್ನು ನೀಡಿ ರಿಷಿಯವರನ್ನು ಹಾಸ್ಯಮಾಡಿದ್ದಾರೆ.

ರಿಷಿಯವರು ಯುಕೆನ ಅಧ್ಯಕ್ಷರಾಗುವುದಕ್ಕೂ ಮುನ್ನ ರಿಷಿಯವರ ಪತ್ನಿ ಅಕ್ಷತಾ ಮೂರ್ತಿ ಇನ್ಫೋಸಿಸ್ ಸಹ ಸ್ಥಾಪಕರು ಹಾಗೂ ಖ್ಯಾತ ಉದ್ಯಮಿಗಳಾದ ನಾರಾಯಣ ಮೂರ್ತಿಯವರ ಮಗಳು ಎಂಬುದನ್ನು ಇಲ್ಲಿ ಗಮನಿಸಲೇಬೇಕು. ಆದರೆ ರಿಷಿಯವರು ಸಂದರ್ಶನದಲ್ಲಿ ನೀಡಿದ ಸ್ಟೇಟ್‌ಮೆಂಟ್ ನೋಡಿ ಬಡವರಂತೆ ನಟಿಸುತ್ತಿದ್ದಾರೆ ಇಷ್ಟೊಂದು ಡ್ರಾಮಾ ಬೇಕೆ? ಎಂಬ ಕಾಮೆಂಟ್‌ಗಳನ್ನು ನೀಡುತ್ತಿದ್ದಾರೆ.

ಅದೇ ಸಂದರ್ಶನದಲ್ಲಿ ರಿಷಿ ಹಾಗೂ ಅಕ್ಷತಾ ಮೂರ್ತಿಯವರು ಕ್ಯಾಲಿಫೋರ್ನಿಯಾದ ಪಂಚತಾರಾ ರಿಟ್ಜ್ ಕಾರ್ಲ್ಟನ್ ಹೋಟೆಲ್‌ನಲ್ಲಿ ತಂಗಿದರು ಈ ಮೂಲಕ ನಾನು ಅಕ್ಷತಾರಿಗೆ ಪ್ರಪೋಸ್ ಮಾಡಿದೆ ಎಂಬ ಹೇಳಿಕೆಯನ್ನು ನೀಡಿದ್ದಾರೆ. ಹೋಟೆಲ್‌ಗೆ ಹೋಗುವ ಮುನ್ನ ರಿಷಿ ಸುನಕ್ ಹಾಗೂ ಅಕ್ಷತಾ ಸುತ್ತಲಿನ ಪ್ರದೇಶದಲ್ಲಿ ವಾಕ್ ಮಾಡಿದರು ನಂತರ ರಿಷಿ ಅಕ್ಷತಾರಿಗೆ ಪ್ರಪೋಸ್ ಮಾಡಿದರು ಎಂದು ತಿಳಿಸಿದ್ದಾರೆ.

ರಿಷಿಯವರ ಕಾಲೆಳೆಯುತ್ತಿರುವ ನೆಟ್ಟಿಗರು: ಐಷಾರಾಮಿ ಹೋಟೆಲ್‌ನಲ್ಲಿ ತಂಗಲಾಗಲಿಲ್ಲ ಎಂದು ರಿಷಿಯವರು ನೀಡಿದ್ದ ಸ್ಟೇಟ್‌ಮೆಂಟ್ ಇದೀಗ ವೈರಲ್ ಆಗಿದ್ದು ತಮ್ಮಲ್ಲಿ ಅಪಾರ ಶ್ರೀಮಂತಿಕೆ ಹಾಗೂ ವೈಭೋಗವಿದ್ದರೂ ರಿಷಿ ಬಡವರಂತೆ ತೋರಿಕೆಯ ಮುಖವಾಡ ಧರಿಸಿದ್ದಾರೆ ಹಾಗೂ ಹೋಟೆಲ್‌ನಲ್ಲಿ ನಿಲ್ಲುವಷ್ಟು ಸಿರಿ‘ವಂತಿಕೆ ಇರಲಿಲ್ಲವೇ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.

ಟ್ವಿಟರ್‌ನಲ್ಲಿ ರಿಷಿಯವರ ಈ ಹೇಳಿಕೆ ವೈರಲ್ ಆಗಿದ್ದು, ರಿಷಿ ಹಾಗೂ ಅಕ್ಷತಾ ಮೂರ್ತಿಯವರಿಗೆ ಅಷ್ಟೊಂದು ಬಡತನವಿತ್ತೇ ಎಂಬ ವ್ಯಂಗ್ಯದ ಕಾಮೆಂಟ್‌ಗಳು ಹರಿದಾಡುತ್ತಿವೆ. ಶ್ರೀಮಂತರ ಹವ್ಯಾಸವೇ ಬಡವರಂತೆ ವರ್ತಿಸುವುದು ಎಂಬಂತಹ ಮಾತಿನ ಬಾಣಗಳನ್ನು ಬಳಕೆದಾರರು ಹರಿಬಿಡುತ್ತಿದ್ದು, ಸಾಮಾನ್ಯ ಜನರಂತೆ ವರ್ತಿಸಲು ಇಷ್ಟಪಡುತ್ತಿದ್ದರೂ ಇಷ್ಟೊಂದು ಸುಳ್ಳು ಹೇಳುವುದು ಸರಿಯೇ ಎಂದು ಇನ್ನೊಬ್ಬರು ಪ್ರಶ್ನಿಸಿದ್ದಾರೆ.

ನಾರಾಯಣ್ ಮೂರ್ತಿಯವರ ಮಗಳಿಗೆ ಐಷಾರಾಮಿ ಹೋಟೆಲ್ ವೆಚ್ಚವನ್ನು ಭರಿಸಲು ಸಾಧ್ಯವಿರಲಿಲ್ಲವೇ ಎಂಬ ಪೋಸ್ಟ್‌ಗಳು ಹರಿದಾಡುತ್ತಿವೆ. ಸಂಪೂರ್ಣ ಕುಟುಂಬವೇ ಮಧ್ಯಮ ವರ್ಗದ ಜನರಂತೆ ವರ್ತಿಸುತ್ತಿದ್ದಾರೆ ಎಂದು ಇನ್ನೊಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ. ತಾವು ಸಾಮಾನ್ಯ ಜನರಂತೆ ವರ್ತಿಸುತ್ತಿದ್ದಾರೆ ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ರಿಷಿ ಹಾಗೂ ಅಕ್ಷತಾರ ಪರವಾಗಿ ಧನಾತ್ಮಕ ಕಾಮೆಂಟ್‌ಗಳು: ರಿಷಿ ಹಾಗೂ ಅಕ್ಷತಾರ ಪರವಾಗಿ ಕೆಲವೊಂದು ಧನಾತ್ಮಕ ಕಾಮೆಂಟ್‌ಗಳು ಬಂದಿದ್ದು ಇನ್ನಷ್ಟು ನೆಟ್ಟಿಗರು ಮಕ್ಕಳು ಒಮ್ಮೊಮ್ಮೆ ಪೋಷಕರ ಶ್ರೀಮಂತಿಕೆಯನ್ನು ಬಯಸುವುದಿಲ್ಲ. ತಂದೆ ತಾಯಿ ಎಷ್ಟೇ ಶ್ರೀಮಂತರಾಗಿದ್ದರೂ ಒಮ್ಮೊಮ್ಮೆ ಮಕ್ಕಳು ಅದನ್ನು ತೋರ್ಪಡಿಸಿಕೊಳ್ಳುವುದಿಲ್ಲ. ಅಂತೆಯೇ ಪೋಷಕರು ಕೂಡ ತಮ್ಮ ಶ್ರೀಮಂತಿಕೆಯ ಸುಖ ಭೋಗಗಳು ಮಕ್ಕಳಿಗೆ ಸುಲಭವಾಗಿ ದೊರೆಯಬಾರದು ಹಾಗೂ ಅವರು ಕಷ್ಟವೇನು ಎಂಬುದನ್ನು ಅರಿತುಕೊಂಡು ಜೀವನದಲ್ಲಿ ಮುಂದೆ ಬರಬೇಕು ಎಂದು ಬಯಸುತ್ತಾರೆ ಎಂಬ ಕಾಮೆಂಟ್‌ಗಳನ್ನು ನೀಡಿದ್ದಾರೆ.