Mushroom: ಲಾಕ್​ಡೌನ್​ನಿಂದ ಕೆಲಸ ಕಳ್ಕೊಂಡ್ರು, ಅಣಬೆಯಿಂದಾಗಿ ತಾವೇ 25 ಜನರಿಗೆ ಉದ್ಯೋಗ ಕೊಟ್ರು! ಇದು ಯುವಕರ ಸಾಧನೆಯ ಕಥೆ

ಇತ್ತೀಚಿನ ದಿನಗಳಲ್ಲಿ ಅನೇಕ ಯುವಕರು ವಿನೂತನವಾಗಿ ಯೋಚಿಸುತ್ತಿದ್ದಾರೆ. ಉದ್ಯೋಗ ಮಾಡಲು ಆಸಕ್ತಿ ತೋರುತ್ತಿದ್ದ ಯುವಕರು ಈಗ ಕೃಷಿ, ಹೊಸ ಬೆಳೆ, ವ್ಯಾಪಾರ ಹೀಗೆ ಹೊಸತನಕ್ಕೆ ಹೆಚ್ಚು ಗಮನ ಹರಿಸುತ್ತಿದ್ದಾರೆ.  

ಕೊರೊನಾ ಸಾಂಕ್ರಾಮಿಕದ ನಂತರ ಅನೇಕ ಜನರು ಜೀವನದಲ್ಲಿ ಸೋತಿದ್ದರು, ಇಂದಿಗೂ ಕೆಲವರೂ  ಅನೇಕ ತೊಂದರೆಗಳನ್ನು ಎದುರಿಸುತ್ತಿದ್ದಾರೆ. ಆದರೆ ಇದೇ ಅನೇಕ ಯುವಕರು ತಮ್ಮ ಮೈಂಡ್ ಸೆಟ್ ಬದಲಿಸಿಕೊಂಡು ವ್ಯಾಪಾರದತ್ತ ವಾಲುತ್ತಿದ್ದಾರೆ. ಬಿಹಾರದ ಮೂವರು ಸ್ನೇಹಿತರು ಸೇರಿ ಅಣಬೆ ವ್ಯಾಪಾರ ಆರಂಭಿಸಿ ಯಶಸ್ವಿಯಾಗಿದ್ದಾರೆ.

ಸಣ್ಣ ಪ್ರಯತ್ನಗಳು ಒಮ್ಮೊಮ್ಮೆ ದೊಡ್ಡ ಯಶಸ್ಸಿನ ಕಥೆಯನ್ನು ಸೃಷ್ಟಿಸುತ್ತವೆ ಎಂದು ಹೇಳಲಾಗುತ್ತದೆ. ಬಿಹಾರದಲ್ಲಿ ಈ  ಯುವಕರು ಮಾಡಿದ ಸಣ್ಣ ಪ್ರಯತ್ನ ಅತ್ಯಂತ ವೇಗವಾಗಿ ಯಶಸ್ಸು ಸಾಧಿಸಿದೆ. ಮಧುಬನಿ ಪ್ರದೇಶಕ್ಕೆ ಸೇರಿದ ಕೆಲ ಸ್ನೇಹಿತರು ಮಶ್ರೂಮ್ ಕೆಫೆ ಆರಂಭಿಸಿದ್ದಾರೆ. ಅದೂ ಅಲ್ಲದೆ ಈ ಹುಡುಗರು ತಮ್ಮ ವ್ಯಾಪ್ತಿಯ ಸುಮಾರು 150 ಮಹಿಳೆಯರಿಗೆ ಅಣಬೆ ತಯಾರಿಕೆಯ ತರಬೇತಿಯನ್ನೂ ನೀಡುತ್ತಿದೆ.

ಲಾಕ್‌ಡೌನ್ ಸಮಯದಲ್ಲಿ ಮನೆಗೆ ಹಿಂದಿರುಗಿದ ನಂತರ, ಪ್ರಕಾಶ್ ಮಂಡಲ್, ಬೈದ್ಯನಾಥ್ ಮಂಡಲ್, ಮಶ್ರೂಮ್ ತಂಡದ ಸಂಸ್ಥಾಪಕ ರಾಮೇಂದ್ರ ಠಾಕೂರ್, ಮಧುಬನಿ ನಗರದ ಗಿಲೇಸನ್ ಬಜಾರ್‌ನಲ್ಲಿ ಜಂಟಿಯಾಗಿ ಸ್ವೇರಾ ಮಶ್ರೂಮ್ ಕೆಫೆಯನ್ನು ತೆರೆದರು. ಇಲ್ಲಿ ಅವರು ಜನರಿಗೆ 100 ಕ್ಕೂ ಹೆಚ್ಚು ಅಣಬೆ ತಿನಿಸುಗಳನ್ನು ತಯಾರಿಸುತ್ತಿದ್ದಾರೆ.

ಇವರ ನೆರವಿನಿಂದ  150ಕ್ಕೂ ಹೆಚ್ಚು ಮಹಿಳೆಯರು ಅಣಬೆ ತಯಾರಿಸುತ್ತಿದ್ದು, ಆರ್ಥಿಕವಾಗಿ ಸದೃಢರಾಗುತ್ತಿದ್ದಾರೆ. ಬಂಡವಾಳ ಇಲ್ಲದೆ, ಹೆಚ್ಚು ಭೂಮಿ ಇಲ್ಲದಿರುವಂತಹ ಮಹಿಳೆಯರ ಶ್ರಮದಿಂದ ಮನೆಯ ಹೊರಗಿರುವ ಸಣ್ಣ ಜಾಗದಲ್ಲಿ ಅಣಬೆ ಕೃಷಿ ಮಾಡಿ ಆರ್ಥಿಕವಾಗಿ ಸದೃಢರಾಗಿಗುತ್ತಿದ್ದಾರೆ. ಮಧುಬನಿ ಜಿಲ್ಲೆಯಲ್ಲೂ ಸುಮಾರು 150 ಮಹಿಳೆಯರು ಸ್ವೇರಾ ಮಶ್ರೂಮ್ ಕೆಫೆಗೆ ಸೇರಿಕೊಂಡು ಅಣಬೆ ಉತ್ಪಾದನೆ ಮಾಡುತ್ತಿದ್ದಾರೆ.

ಈ ಸ್ವೇರಾ ಮಶ್ರೂಮ್ ಕೆಫೆ  25 ಜನರಿಗೆ ಉದ್ಯೋಗ ನೀಡುತ್ತಿದೆ. ಇಲ್ಲಿ ಅವರು ಜನರಿಗೆ 100 ಕ್ಕೂ ಹೆಚ್ಚು ಅಣಬೆ ಭಕ್ಷ್ಯಗಳನ್ನು ತಯಾರಿಸುತ್ತಾರೆ. ಇವರು ತಮ್ಮ ಕೆಫೆಗೆ ಬೇಕಾದಂತಹ ಅಣಬೆಗಳನ್ನು ತಮ್ಮ ಗ್ರಾಮದ  ಮಹಿಳೆಯರಿಂದಲೇ ಖರೀದಿಸುತ್ತಿದ್ದಾರೆ.