Snow Leopard: ಹಿಮಾಚಲ ಪ್ರದೇಶದ ಕಣಿವೆಯಲ್ಲಿ ಅಪರೂಪದ ಹಿಮಚಿರತೆ ಪತ್ತೆ, ವಾರದಲ್ಲಿ 2ನೇ ಬಾರಿ ದರ್ಶನ

ಹಿಮಾಚಲ ಪ್ರದೇಶ ನಾವು ವಾಸಿಸುವ ಸ್ಥಳಗಳಿಗಿಂತ ಭಿನ್ನವಾಗಿರುತ್ತದೆ. ಅಲ್ಲಿ ಸದಾ ಹಿಮಾ ಬೀಳುತ್ತಿರುತ್ತದೆ. ಆದರೆ ನೋಡುವುದಕ್ಕೆ ಸುಂದರವಾಗಿ ಕಂಡರೂ ಎತ್ತ ನೋಡಿದರತ್ತಾ ಹಿಮರಾಶಿ ಕಾಣುವುದರಿಂದ ರಸ್ತೆಗಳೆಲ್ಲಾ ತುಂಬಾ ಗೊಂದಲವನ್ನು ಉಂಟು ಮಾಡುತ್ತವೆ. ಯಾವುದೂ ಊರು ದಾರಿ, ಕಾಡಿನ ದಾರಿ ಯಾವುದು ಎನ್ನುವ ಗೊಂದಲ ಉಂಟಾಗುತ್ತದೆ. ಹಿಮಾಚಲ ಪ್ರದೇಶದಲ್ಲಿ ಹಿಮ ಚಿರತೆಗಳಿಗೂ ಇದೇ ಪರಿಸ್ಥಿತಿ ಎದುರಾಗಿದೆ. ಸ್ಪಿತಿ ಕಣಿವೆಯಿಂದ ಹಿಮದ ರಾಶಿಯಲ್ಲಿ ನಡೆದುಕೊಂಡು ಬರುವ ಹಿಮ ಪ್ರಾಣಿಗಳು ದಾರಿ ತಪ್ಪಿ ಜನವಸತಿ ಪ್ರದೇಶಗಳಿಗೆ ಬರುವುದು ಹೆಚ್ಚಾಗುತ್ತಿದೆ.

ಶುಕ್ರವಾರ ಸ್ಪಿತಿ ಕಣಿವೆಯ ಚಿಚುಮ್ ಗ್ರಾಮದಲ್ಲಿ ಹಿಮ ಚಿರತೆಯೊಂದು ಕಾಣಿಸಿಕೊಂಡಿದೆ. ಅದು ಬಂಡೆಯ ಮೇಲೆ ಕುಳಿತ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಇದಕ್ಕೂ ಒಂದು ದಿನ ಮೊದಲು ಲಾಂಗ್ಜಾದಲ್ಲಿ ಮತ್ತೊಂದು ಹಿಮ ಚಿರತೆ ಕಾಣಿಸಿಕೊಂಡಿತ್ತು.

ಶುಕ್ರವಾರ ವಾಕಿಂಗ್ ಮಾಡುತ್ತಾ ಚಿಚುಮ್ ಮೂಲಕ ಹಾದು ಹೋಗುತ್ತಿದ್ದಾಗ ಹಿಮ ಚಿರತೆ ಕಾಣಿಸಿಕೊಂಡಿದೆ ಎಂದು ಓಂ ಚಂದ್ ಕತ್ವಾಲ್ ಎಂಬ ವ್ಯಕ್ತಿ ಹೇಳಿದ್ದಾರೆ. ಇದಕ್ಕೂ ಒಂದು ದಿನ ಮೊದಲು ಅವರು ಲಾಂಗ್ಜಾದಲ್ಲಿ ಮತ್ತೊಂದು ಹಿಮ ಚಿರತೆಯನ್ನು ನೋಡಿದ್ದರಂತೆ.

ಲಾಹೌಲ್ ಕಣಿವೆಯಲ್ಲಿರುವ ಕಿಬ್ಬರ್ ಅನ್ನು ಹಿಮ ಚಿರತೆಗಳ ಗ್ರಾಮ ಎಂದು ಕರೆಯಲಾಗುತ್ತದೆ. ಏಕೆಂದರೆ ಅಲ್ಲಿಯೇ ಈ ಹಿಮ ಚಿರತೆಗಳು ಆಗಾಗ ಕಾಣಸಿಗುತ್ತವೆ. ಅದರಲ್ಲೂ ಇತ್ತೀಚೆಗೆ ಸಮಯದಲ್ಲಿ ಹಿಮ ಚಿರತೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿವೆ.

ಎರಡು ದಿನಗಳ ಹಿಂದೆ, ಲಾಹೌಲ್‌ನ ಕೀಲಾಂಗ್‌ನಲ್ಲಿ ಹೆಣ್ಣು ಹಿಮ ಚಿರತೆಯೊಂದು ತನ್ನ ಎರಡು ಮರಿಗಳೊಂದಿಗೆ ತಿರುಗಾಡುತ್ತಿರುವುದು ಕಂಡುಬಂದಿದೆ. ಸ್ಥಳೀಯ ವ್ಯಕ್ತಿಯೊಬ್ಬರು ಕ್ಯಾಮೆರಾದಲ್ಲಿ ಸೆರೆ ಹಿಡಿದು ಸಾಮಾಜಿಕ ಜಾಲಾತಾಣದಲ್ಲಿ ಹರಿಬಿಟ್ಟಿದ್ದಾರೆ.

ಹಿಮಾಚಲ ವನ್ಯಜೀವಿ ಇಲಾಖೆ ಹಿಮ ಚಿರತೆಗಳನ್ನು ಎಣಿಕೆ ಮಾಡಿದ್ದು, ಹಿಮಾಚಲ ಪ್ರದೇಶ ರಾಜ್ಯದಲ್ಲಿ 73 ಹಿಮ ಚಿರತೆಗಳು ಪತ್ತೆಯಾಗಿದ್ದವು. ಈಗ ಅವುಗಳ ಸಂಖ್ಯೆ ಹೆಚ್ಚಾಗಿರುವ ನಿರೀಕ್ಷೆಯಿದೆ.

ವಿಶ್ವ ವನ್ಯಜೀವಿ ನಿಧಿ ನೀಡುವ ಮಾಹಿತಿ ಪ್ರಕಾರ ಹಿಮಚಿರತೆಗಳು ಬಹಳ ವಿರಳವಾಗಿ ಕೇಂದ್ರ ಏಷ್ಯಾ ಭಾಗದ 12 ದೇಶಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಅಲ್ಲದೇ ಎತ್ತರದ ಹಿಮ ಪ್ರದೇಶಗಳಲ್ಲೇ ಹೆಚ್ಚಾಗಿ ವಾಸಿಸುತ್ತವೆ .ಈ ಹಿಮಚಿರತೆಗಳು ನಾಚಿಕೆ ಗುಣವನ್ನು ಹೊಂದಿದ್ದು, ತಮ್ಮ ಪ್ರದೇಶದಲ್ಲಿ ಸುಪ್ತವಾಗಿರುತ್ತವೆ ಈ ಕಾರಣಕ್ಕೆ ಇವುಗಳು ಕಾಣಲು ಸಿಗುವುದು ಬಲು ಅಪರೂಪ.