Dog Win Cancer: ಮಾರಕ ಕ್ಯಾನ್ಸರ್​ ಗೆದ್ದ ಪೊಲೀಸ್​ ಡಾಗ್, ಚೇತರಿಸಿಕೊಳ್ಳುತ್ತಿದ್ದಂತೆ ಡ್ಯೂಟಿಗೆ ಹಾಜರ್​!

ಮನುಷ್ಯರಾಗಲಿ ಅಥವಾ ಪ್ರಾಣಿಗಳಾಗಲಿ ಕ್ಯಾನ್ಸರ್​​​ ಕಾಯಿಲೆಗೆ ತುತ್ತಾರೆ, ಬದುಕುಳಿಯುವ ಸಾಧ್ಯತೆ ಕಡಿಮೆ ಇರುತ್ತದೆ. ಪ್ರಸ್ತುತ ದಿನಗಳಲ್ಲಿ ಕ್ಯಾನ್ಸರ್ ಚಿಕಿತ್ಸೆ ಸಿಗುತ್ತದೆಯಾದರೂ, ಬದುಕುಳಿಯಬಹುದು ಎಂದು ಹೇಳಲು ಸಾಧ್ಯ ಇಲ್ಲ. ಆದರೆ ಇಲ್ಲೊಂದು ನಾಯಿ ಕ್ಯಾನ್ಸರ್ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.

ಪಂಜಾಬ್​ ಪೊಲೀಸ್​ ಇಲಾಖೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಶ್ವಾನದಳದ ಲ್ಯಾಬ್ರಡಾರ್ ರಿಟ್ರೈವರ್ ತಳಿಯ ಶ್ವಾನ ಕ್ಯಾನ್ಸರ್​ನಿಂದ ಗುಣಮುಖವಾಗಿದ್ದು, ಮತ್ತೆ ಕೆಲಸಕ್ಕೆ ಮರಳಿದೆ. ಶ್ವಾನದ ಆನಾರೋಗ್ಯದ ಬಗ್ಗೆ ತಿಳಿದ ತಕ್ಷಣ ಪೊಲೀಸರು ಸರಿಯಾದ ಸಮಯಕ್ಕೆ ಚಿಕಿತ್ಸೆ ಕೊಡಿಸುವ ಮೂಲಕ ಕಾಪಾಡಿದ್ದಾರೆ.

ಫರೀದ್‌ಕೋಟ್‌ನಲ್ಲಿ ಪೊಲೀಸ್ ಸೂಪರಿಂಟೆಂಡೆಂಟ್, ಸಿಮ್ಮಿ ಎಂಬ ನಾಯಿ ಕ್ಯಾನ್ಸರ್ ವಿರುದ್ಧ ಸುದೀರ್ಘ ಹೋರಾಟ ನಡೆಸಿತ್ತು. ಇದೀಗ ಆಕೆಯ ಆರೋಗ್ಯದಲ್ಲಿ ಗಣನೀಯ ಸುಧಾರಣೆ ಕಂಡುಬಂದಿರುವ ಹಿನ್ನೆಲೆಯಲ್ಲಿ ಇದೀಗ ಮತ್ತೆ ಕರ್ತವ್ಯಕ್ಕೆ ಮರಳಿದೆ ಎಂದು ಫರಿದ್ಕೋಟ್ ಎಸ್​ಪಿ ಹರ್ಜಿತ್ ಸಿಂಗ್ ಹೇಳಿದ್ದಾರೆ.

ವಿದೇಶಿ ವ್ಯಕ್ತಿಗಳಿಂದ ನಿಷೇಧಿತ ವಸ್ತುಗಳನ್ನು ವಶಪಡಿಸಿಕೊಳ್ಳುವಲ್ಲಿ ಕಾನೂನು ಜಾರಿ ಸಂಸ್ಥೆಗಳಿಗೆ (ED) ಸಹಾಯ ಮಾಡುವಲ್ಲಿ ನಾಯಿ ನಿರ್ಣಾಯಕ ಪಾತ್ರವಹಿಸಿತ್ತು ಎಂದು ಹರ್ಜಿತ್ ಸಿಂಗ್ ಉಲ್ಲೇಖಿಸಿದ್ದಾರೆ.

ಈ ಲ್ಯಾಬ್ರಡಾರ್ ರಿಟ್ರೈವರ್ ವಿಧ್ವಂಸಕ-ವಿರೋಧಿ ತಪಾಸಣೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿತ್ತು. ಇದು ವಿವಿಧ ಕಾರ್ಯಾಚರಣೆಗಳಲ್ಲಿ ಪೊಲೀಸ್ ತಂಡದ ಅಮೂಲ್ಯವಾದ ಆಸ್ತಿಯಾಗಿತ್ತು ಎಂದು ಪಂಜಾಬ್ ಪೊಲೀಸರು ತಿಳಿಸಿದ್ದಾರೆ.

ಸಿಮ್ಮಿ ತನ್ನ ಸೇವೆಯ ಉದ್ದಕ್ಕೂ ಪೊಲೀಸ್ ತಂಡಗಳೊಂದಿಗೆ ಅನೇಕ ಕಾರ್ಯಾಚರಣೆಗಳಲ್ಲಿ ಅಪರಾಧಿಗಳನ್ನು ಬಂಧಿಸಲು ನೆರವಾಗಿದ್ದಾರೆಬಂಧಿಸಿದ್ದಾರೆ. ಅಪರಾಧಿಗಳನ್ನು ಹಿಡಿಯಲು ಪೊಲೀಸ್ ತಂಡ ಈ ನಾಯಿಗೆ ವಿಶೇಷ ತರಬೇತಿ ನೀಡಿದೆ. ಹಲವಾರು ಕೊಲೆ ಮತ್ತು ಮಾದಕವಸ್ತು ಕಳ್ಳಸಾಗಣೆ ಪ್ರಕರಣಗಳನ್ನು ಪರಿಹರಿಸುವಲ್ಲಿ ನಾಯಿ ಪ್ರಮುಖ ಪಾತ್ರ ವಹಿಸಿದೆ.

ಈ ನಾಯಿಯ ಯೋಗಕ್ಷೇಮವನ್ನು ನೋಡಿಕೊಳ್ಳಲು ಪಂಜಾಬ್ ಪೊಲೀಸ್ ಇಲಾಖೆ ನಿರ್ದಿಷ್ಟ ಕ್ರಮಗಳನ್ನು ಕೈಗೊಂಡಿದೆ ಎಂಬುದು ಗಮನಿಸಬೇಕಾದ ಸಂಗತಿ. ಅಗತ್ಯಕ್ಕೆ ತಕ್ಕಂತೆ ಆಹಾರ, ನೀರು, ಕೂಲರ್, ವಿಶೇಷ ಊಟ ಮತ್ತು ಔಷಧಗಳಂತಹ ಸೌಲಭ್ಯಗಳನ್ನು ಒದಗಿಸಲಾಗಿದೆ. ಹೆಡ್ ಕಾನ್ಸ್‌ಟೇಬಲ್ ಕುಲ್ಬೀರ್ ಸಿಂಗ್ ನಾಯಿಯ ಆರೈಕೆ ಮಾಡಿದ್ದು, ಕ್ಯಾನ್ಸರ್‌ನಂತಹ ಗುಣಪಡಿಸಲಾಗದ ಕಾಯಿಲೆಯನ್ನು ಎದುರಿಸಲು ಸಿಮ್ಮಿಗೆ  ನೆರವಾಗಿದ್ದಾರೆ.