Rashmi Thackeray: ಉದ್ಧವ್​​​ ಠಾಕ್ರೆ ಹೆಂಡತಿಯನ್ನು ರಾಬ್ರಿದೇವಿಗೆ ಹೋಲಿಕೆ; ಬಿಜೆಪಿ ನಾಯಕನ ವಿರುದ್ಧ ಪ್ರಕರಣ

ಮಹಾರಾಷ್ಟ್ರ ಸಿಎಂ ಉದ್ಧವ್​ ಠಾಕ್ರೆ ಹೆಂಡತಿ ರಶ್ಮಿ ಠಾಕ್ರೆ ಅವರ ಫೋಟೋವನ್ನು ಟ್ವೀಟ್ ಮಾಡಿದ ಗಜಾರಿಯಾ ಅವರನ್ನು ಮರಾಠಿ ರಾಬ್ರಿ ದೇವಿ ಎಂದು ಕರೆದಿದ್ದಾರೆ. ಈ ಹಿನ್ನಲೆ ಪ್ರಕರಣ ದಾಖಲಾಗಿದೆ.

ಕುತ್ತಿಗೆ ಮತ್ತು ಬೆನ್ನುನೋವಿಗೆ ಸಂಬಂಧಿಸಿದ ಶಸ್ತ್ರಚಿಕಿತ್ಸೆಯಿಂದಾಗಿ, ಸಿಎಂ ಉದ್ಧವ್ ಠಾಕ್ರೆ ವಿಧಾನಸಭೆಯ ಚಳಿಗಾಲದ ಅಧಿವೇಶನದಲ್ಲಿ ಭಾಗವಹಿಸಲಿಲ್ಲ. ಅಂದಿನಿಂದ ರಶ್ಮಿ ಠಾಕ್ರೆ ಮುಖ್ಯಮಂತ್ರಿಯಾಗಬಹುದು ಎಂಬ ಊಹಾಪೋಹ ರಾಜಕೀಯ ವಲಯದಲ್ಲಿ ಕೇಳಿ ಬರುತ್ತಿದೆ.

ಈ ಗಾಳಿ ಸುದ್ದಿಯ ನಡುವೆ ಜನವರಿ 4 ರಂದು ಜಿತೇನ್ ಗಜಾರಿಯಾ ಅವರು ರಶ್ಮಿ ಠಾಕ್ರೆ ಅವರ ಚಿತ್ರದ ಜೊತೆಗೆ ಮರಾಠಿ ರಾಬ್ರಿ ದೇವಿ ಎಂ ಶೀರ್ಷಿಕೆ ಅಡಿ ಪೋಸ್ಟ್​ ಮಾಡಿದ್ದರು.

ಗುಜಾರಿಯಾ ಈಗಾಗಲೇ ಜಾತಿ ಮತ್ತು ಧರ್ಮಕ್ಕೆ ಸಂಬಂಧಿಸಿದಂತೆ ವಿವಾದಾತ್ಮಕ ಪೋಸ್ಟ್ ಅನ್ನು ಅಪ್‌ಲೋಡ್ ಮಾಡಿದ ಆರೋಪ ಹೊಂದಿದ್ದಾರೆ. ಈ ಸಂಬಂಧ ಸೆಕ್ಷನ್ 153A, 500, 505(2) ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಸುದ್ದಿ ಸಂಸ್ಥೆ ANI ವರದಿ ಮಾಡಿದೆ

ಮುಂಬೈ ಮೇಯರ್ ಕಿಶೋರಿ ಪೆಡ್ನೇಕರ್ ಕೂಡ ಈ ಟ್ವೀಟ್ ಕುರಿತು ಕಿಡಿ ಕಾರಿದ್ದು, ಬಿಜೆಪಿ ಅವರಿಗೆ ಉದ್ಧವ್ ಮತ್ತು ಆದಿತ್ಯ ಠಾಕ್ರೆ ವಿರುದ್ಧ ಏನು ಮಾಡಲು ಸಾಧ್ಯವಾಗಿಲ್ಲ ಇದೇ ಕಾರಣಕ್ಕೆ ಬಿಜೆಪಿ ಐಟಿ ಸೆಲ್ ರಶ್ಮಿ ಠಾಕ್ರೆ ಹೆಸರನ್ನು ಎಳೆದು ತಂದಿದ್ದಾರೆ ಎಂದು ಆರೋಪಿಸಿದ್ದಾರೆ.