PHOTOS: ಜುಲೈ 15 ಕ್ಕೆ ಚಂದ್ರಯಾನ 2 ಉಡಾವಣೆ; ಸಜ್ಜಾಗಿದೆ 'ಬಾಹುಬಲಿ' ರಾಕೆಟ್​

ಇಸ್ರೋದ ಮಹತ್ವಾಕಾಂಕ್ಷಿ ಯೋಜನೆ ಎರಡನೇ ಚಂದ್ರಯಾನಕ್ಕೆ ದಿನಗಣನೆ ಶುರುವಾಗಿದೆ.

ಇದೇ ಜುಲೈ 15 ರಂದು ಚಂದ್ರಯಾನ-2 ಯೋಜನೆಯನ್ನು ಕೈಗೊಳ್ಳಲು ಇಸ್ರೋ ನಿರ್ಧರಿಸಿದೆ.

ಯೋಜನೆಯ ಭಾಗವಾಗಿರುವ ಆರ್ಬಿಟರ್​, ಲ್ಯಾಂಡರ್ ಹಾಗೂ ರೋವರ್​ಗಳು ಉಡಾವಣೆಗೆ ಸಜ್ಜಾಗಿವೆ.

ಜಿಎಸ್​​ಎಲ್​ವಿ ಎಂಕೆ-3 ರಾಕೆಟ್​​ನಿಂದ ಚಂದ್ರಯಾನ ನೌಕೆಯನ್ನು ಉಡಾವಣೆ ಮಾಡಲಾಗುತ್ತದೆ.

ಸೆಪ್ಟೆಂಬರ್​ 6 ಅಥವಾ 7 ರಂದು ಚಂದ್ರನ ಕತ್ತಲೆ ಭಾಗದಲ್ಲಿ ಲ್ಯಾಂಡರ್​​ ಇಳಿಯಲಿದೆ.

ಹಾಲಿವುಡ್ ​ಸಿನಿಮಾ ಬಜೆಟ್​​ಗಿಂತ ಕಡಿಮೆ ವೆಚ್ಚದಲ್ಲಿ ಚಂದ್ರಯಾನ-2 ಯೋಜನೆಯನ್ನು ಕೈಗೊಳ್ಳಲಾಗುತ್ತಿದೆ.

ಚಂದ್ರನ ಮೇಲಿರುವ ನೀರು, ವಾತಾವರಣ, ಖನಿಜ ಹಾಗೂ ಕಂಪನದ ಬಗ್ಗೆ ಅಧ್ಯಯನ ನಡೆಸುವುದು ಚಂದ್ರಯಾನ-2 ಯೋಜನೆಯ ಉದ್ದೇಶವಾಗಿದೆ.

ಚಂದ್ರನ ಮೇಲೆ ಇಳಿಯಲಿರುವ ರೋವರ್​ ಸುಮಾರು 20 ಕೆ.ಜಿ ತೂಕವಿದ್ದು, ಸೌರಶಕ್ತಿ ಮೂಲಕ ಸ್ವತಂತ್ರವಾಗಿ ಕೆಲಸ ಮಾಡಲಿದೆ.

ಚಂದ್ರನಲ್ಲಿ ದೊರಕುವ ಕಲ್ಲು, ಮಣ್ಣಿನ ಮಾದರಿಯನ್ನು ಪಡೆದು ಆರ್ಬಿಟರ್​ ಮೂಲಕ ಅದರ ಡೇಟಾ ಮತ್ತು ಫೋಟೋವನ್ನು ಭೂಮಿಗೆ ಕಳುಹಿಸುತ್ತದೆ.

ರೋವರ್​ ಸುಮಾರು 14 ದಿನಗಳ ಕಾಲ ಕಾರ್ಯ ನಿರ್ವಹಿಸುತ್ತದೆ.

ಚಂದ್ರಯಾನ-2ರ ಉಪಗ್ರಹವನ್ನು ಹೊತ್ತೊಯ್ಯುತ್ತಿರುವ ಜಿಎಸ್‌ಎಲ್‌ವಿ ಎಂಕೆ-3 ರಾಕೆಟ್​​ನ್ನು 4 ಟನ್‌ ಉಪಕರಣ ಹೊರುವ ಸಾಮರ್ಥ್ಯ ಇರುವಂತೆ ವಿನ್ಯಾಸಗೊಳಿಸಲಾಗಿದೆ.