Currency Notes: ಚರಂಡಿಯಲ್ಲಿ ತೇಲಿ ಬಂತು ಕಂತೆ-ಕಂತೆ ಹಣ! ಗಲೀಜನ್ನೂ ಲೆಕ್ಕಿಸದೇ ಆಯ್ದುಕೊಳ್ಳಲು ಮುಗಿಬಿದ್ದ ಜನ!

ನೋಟುಗಳು ಅಸಲಿಯೇ ಮತ್ತು ಅವುಗಳನ್ನು ಯಾರು ಚರಂಡಿಗೆ ಎಸೆದಿದ್ದಾರೆ ಎಂಬ ಬಗ್ಗೆ ಜಿಲ್ಲಾಡಳಿತ ತನಿಖೆ ನಡೆಸುತ್ತಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಹತ್ತಾರು ಜನರು ಚರಂಡಿ ಒಳಗೆ ಇಳಿದು ನೋಟುಗಳನ್ನು ಸಂಗ್ರಹಿಸುತ್ತಿರುವುದು ಕಂಡು ಬಂದಿದೆ. ವಿಡಿಯೋದಲ್ಲಿ ಕಾಣುವಂತೆ 2000, 500, 100 ಹಾಗೂ 10 ರೂಪಾಯಿ ಮುಖಬೆಲೆಯ ನೋಟುಗಳು ತೇಲಿ ಬಂದಿವೆ.

ಮೊದಲು ಒಂದಿಬ್ಬರು ಚರಂಡಿಗೆ ಇಳಿದು ನೋಟಿನ ಬಂಡಲ್ ತೆಗೆದಿದ್ದಾರೆ. ಈ ನೋಟುಗಳಲ್ಲಿ ಕೆಲವು ನಕಲಿ ಮತ್ತು ಕೆಲವು ಅಸಲಿ ಎಂದು ತಿಳಿದುಬಂದಿದೆ.

ಈ ವಿಚಾರ ಕ್ಷಣಮಾತ್ರದಲ್ಲಿ ಇಡೀ ಗ್ರಾಮಕ್ಕೆ ಹಬ್ಬಿದ್ದು, ಹಲವಾರು ಮಂದಿ ಗಲೀಜನ್ನು ಲೆಕ್ಕಿಸದೇ ಚರಂಡಿಗೆ ದುಮುಕಿದ್ದಾರೆ. ನೋಟುಗಳ ಬಂಡಲ್ ಚರಂಡಿಯಿಂದ ಮೇಲಕ್ಕೆ ಬರುತ್ತಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಬಂದು ಅನೇಕರಿಂದ ಹಣ ಹಿಂಪಡೆದಿದ್ದಾರೆ. ಹಣ ಎಲ್ಲಿಂದ ಬಂತು ಎಂದು ಪೊಲೀಸರು ಹುಡುಕಾಟ ಆರಂಭಿಸಿದ್ದಾರೆ.

ಸ್ಥಳೀಯರ ಮಾಹಿತಿ ಪ್ರಕಾರ ಬ್ಯಾಗ್​ ವೊಂದರಲ್ಲಿ ಹಣ ಇತ್ತು. ಚೀಲದ ಒಂದು ಬದಿ ಹರಿದು ಹಣ ಚರಂಡಿಗೆ ಬಿದ್ದಿದೆ. ಅದನ್ನು ನೋಡಿದ ಹಲವರು ಚರಂಡಿಗೆ ಹಾರಿ ಸಂಗ್ರಹಿಸಲು ಶುರು ಮಾಡಿದ್ದಾರೆ.

ನೋಟುಗಳು ಅಸಲಿಯೇ ಅಥವಾ ನಕಲಿಯೇ ಮತ್ತು ಅವುಗಳನ್ನು ಯಾರು ಚರಂಡಿಗೆ ಎಸೆದಿದ್ದಾರೆ ಎಂಬುದರ ಬಗ್ಗೆ ಜಿಲ್ಲಾಡಳಿತ ತನಿಖೆ ನಡೆಸುತ್ತಿದೆ.