Covid-19 Vaccination: ಭಾರತದಲ್ಲಿ 42 ಲಕ್ಷಕ್ಕೂ ಹೆಚ್ಚು ಜನರ ಸಾವನ್ನು ತಡೆದ ಲಸಿಕೆ, ಅಧ್ಯಯನದಲ್ಲಿ ರಿವೀಲ್

ಭಾರತದಲ್ಲಿ ಕೋವಿಡ್-19 ವ್ಯಾಕ್ಸಿನೇಷನ್ ಡ್ರೈವ್ 2021 ರಲ್ಲಿ 42 ಲಕ್ಷಕ್ಕೂ ಹೆಚ್ಚು ಸಾವುಗಳನ್ನು ತಡೆಗಟ್ಟಿದೆ ಎಂದು ಲ್ಯಾನ್ಸೆಟ್ ವರದಿ ತಿಳಿಸಿದೆ. ಇದು ದೇಶದಲ್ಲಿ ಹೆಚ್ಚುವರಿ ಸಾವುಗಳನ್ನು ತಪ್ಪಿಸುವಲ್ಲಿ ನೆರವಾಗಿದೆ.

ಲ್ಯಾನ್ಸೆಟ್ ಜರ್ನಲ್‌ ವರದಿಯ ಪ್ರಕಾರ COVID-19 ವ್ಯಾಕ್ಸಿನೇಷನ್ ಭಾರತದಲ್ಲಿ ಸಾವಿನ ಸಂಖ್ಯೆಯನ್ನು ಸುಮಾರು 2.7 ಮಿಲಿಯನ್‌ನಿಂದ 5.3 ಮಿಲಿಯನ್ ಕಮ್ಮಿ ಮಾಡಲು ನೆರವಾಗಿದೆ ಎನ್ನಲಾಗಿದೆ. ಇದು ವಿಶ್ವದಾದ್ಯಂತ ಸುಮಾರು ಮೂರನೇ ಒಂದು ಭಾಗದಷ್ಟು ಸಾವಿನ ಸಂಖ್ಯೆ ತಗ್ಗಿಸಲು ಸಹಾಯ ಮಾಡಿದೆ ಎಂದು ಈ ಅಧ್ಯಯನ ರಿವೀಲ್ ಮಾಡಿದೆ.

ಆಲಿವರ್ ಜೆ ವ್ಯಾಟ್ಸನ್ ಮತ್ತು ಇತರ ಸಂಶೋಧಕರು COVID-19 ವ್ಯಾಕ್ಸಿನೇಷನ್ ಸಾಂಕ್ರಾಮಿಕ ಸಮಯದಲ್ಲಿ ಜಗತ್ತಿನಾದ್ಯಂತ ಸಂಭವನೀಯ ಸಾವಿನ ಸಂಖ್ಯೆಯನ್ನು ಸುಮಾರು 20 ಮಿಲಿಯನ್​ನಷ್ಟು ಕಡಿಮೆ ಮಾಡಿದೆ ಎಂದು ಕಂಡುಹಿಡಿದಿದ್ದಾರೆ.

185 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ, 31.4 ಮಿಲಿಯನ್ COVID-19-ಸಂಬಂಧಿತ ಸಾವುಗಳು ಸಂಭವಿಸಿದ್ದು ಈ ಅವಧಿಯಲ್ಲಿ COVID-19 ವ್ಯಾಕ್ಸಿನೇಷನ್ ಲಭ್ಯವಿರಲಿಲ್ಲ. COVID-19 ಲಸಿಕೆಯಿಂದ ಸುಮಾರು 19 ಮಿಲಿಯನ್ ಸಾವುಗಳನ್ನು ತಪ್ಪಿಸಲಾಗಿದೆ ಎಂದು ಅಧ್ಯಯನವು ಹೇಳಿದೆ. ವಿಶ್ವಾದ್ಯಂತ ವ್ಯಾಕ್ಸಿನೇಷನ್ ವ್ಯಾಪ್ತಿಯ ಸಮಾನ ವಿತರಣೆಯಿಂದ ಹೆಚ್ಚಿನ ಜೀವಗಳನ್ನು ಉಳಿಸಬಹುದೆಂದು ಅಧ್ಯಯನವು ತಿಳಿಸಿದೆ.

COVID-19 ವ್ಯಾಕ್ಸಿನೇಷನ್‌ನಿಂದ ಉಳಿಸಲಾದ ಜೀವಗಳ ಸಂಖ್ಯೆಯು ಸಂಭವಿಸಿದ ಸಾವಿನ ಸಂಖ್ಯೆಗಿಂತ ಇನ್ನೂ ಹೆಚ್ಚಾಗಿದೆ. ಅದೇನೇ ಇದ್ದರೂ, ವಿಶ್ವಾದ್ಯಂತ ವ್ಯಾಕ್ಸಿನೇಷನ್ ವ್ಯಾಪ್ತಿಯ ಸಮಾನತೆಯನ್ನು ಸುಧಾರಿಸುವ ಮೂಲಕ ಇನ್ನೂ ಹೆಚ್ಚಿನ ಜೀವಗಳನ್ನು ಉಳಿಸಬಹುದಿತ್ತು ಎನ್ನಲಾಗಿದೆ.

UKಯ ಇಂಪೀರಿಯಲ್ ಕಾಲೇಜ್ ಲಂಡನ್‌ನ ಅಧ್ಯಯನದ ಪ್ರಮುಖ ಲೇಖಕ ಆಲಿವರ್ ವ್ಯಾಟ್ಸನ್ ಅವರು ನಮ್ಮ ಅಧ್ಯಯನದಲ್ಲಿ, ಡಿಸೆಂಬರ್ 8, 2020 ಮತ್ತು ಡಿಸೆಂಬರ್ 8, 2021 ರ ನಡುವೆ ಎಷ್ಟು ಸಾವುಗಳನ್ನು ಉಳಿಸಲಾಗಿದೆ ಎಂದು ನಾವು ಅಂದಾಜು ಮಾಡುತ್ತೇವೆ ಎಂದಿದ್ದಾರೆ. ಇದು ಲಸಿಕೆಗಳನ್ನು ವಿತರಿಸಿದ ಮೊದಲ ವರ್ಷವಾಗಿದೆ.

ಭಾರತಕ್ಕೆ ಸಂಬಂಧಿಸಿದಂತೆ, ವ್ಯಾಕ್ಸಿನೇಷನ್ ಮೂಲಕ 4,210,000 ಸಾವುಗಳನ್ನು ತಡೆಯಲಾಗಿದೆ ಎಂದು ನಾವು ಅಂದಾಜು ಮಾಡುತ್ತೇವೆ. ಇದು ನಮ್ಮ ಕೇಂದ್ರದ ಅಂದಾಜು ಮಾತ್ರ. ಈ ಅಂದಾಜಿನಲ್ಲಿನ ಹೆಚ್ಚು ಕಮ್ಮಿಯಾದರೂ ಉಳಿದ ಜೀವಗಳ ಸಂಖ್ಯೆ 3,665,000 - 4,370,000 ರ ನಡುವೆ ಇರುತ್ತದೆ ಎಂದು ಅವರು ಹೇಳಿದ್ದಾರೆ.