Shakambhari Purnima: 125 ವರ್ಷ ಪುರಾತನ ದೇಗುಲದಲ್ಲಿ ಶಾಕಾಂಬರಿ ಪೂರ್ಣಿಮೆ ಸಂಭ್ರಮ, ದತ್ತ ದೇಗುಲಕ್ಕೆ ತರಕಾರಿಗಳಿಂದ ಅಲಂಕಾರ

ಇಂದು ಶಾಕಾಂಬರಿ ಪೂರ್ಣಿಮೆಯಾಗಿದೆ. ಈ ಹಿನ್ನೆಲೆ 125 ವರ್ಷಗಳ ಪುರಾತನ ಇತಿಹಾಸ ಹೊಂದಿರುವ ಪುಣೆ  ನಗರದ ಮಂಡೈ ಪ್ರದೇಶದಲ್ಲಿರುವ  ದತ್ತ ದೇವಾಲಯವನ್ನು ತರಕಾರಿಗಳಿಂದ ಸಿಂಗರಿಸಲಾಗಿದೆ.

ಮರಾಠಿ ಸಂಪ್ರದಾಯದ ಪ್ರಕಾರ, ಮಾಘ ಮಾಸದ ತಿಂಗಳಿನಲ್ಲಿ (ಜನವರಿ) ಬರುವ ಈ ಹುಣ್ಣಿಮೆಯ ದಿನವನ್ನು ಶಾಕಾಂಬರಿ ಪೂರ್ಣಿಮಾ ಎಂದು ಕರೆಯಲಾಗುತ್ತದೆ. ವಾಸ್ತವವಾಗಿ ಶಾಕಂಭರಿಯನ್ನು ವಿವಿಧ ತರಕಾರಿಗಳು, ಹಣ್ಣುಗಳು ಮತ್ತು ಹೂವುಗಳ ದೇವತೆ ಎಂದು ಪರಿಗಣಿಸಲಾಗುತ್ತದೆ.

ಈ ವಿಷೇಶ ದಿನದಂದು ದತ್ತ ಮಹಾರಾಜ ದೇವರನ್ನು ಟೊಮೆಟೊ, ಆಲೂಗಡ್ಡೆ, ಬದನೆ ಕಾಯಿ, ಪಾಲಕ್ ಸೊಪ್ಪು, ಕ್ಯಾರೆಟ್ ಮತ್ತು ಬಟಾಣಿಗಳಿಂದ ಅಲಂಕರಿಸಲಾಗಿದೆ. ಇನ್ನೂ ದೇವರಿಗೆ ಮಾಡಿರುವ ಈ ಅಲಂಕಾರವನ್ನು ನೋಡಲು ದೂರದ ಊರುಗಳಿಂದ ಅಪಾರ ಸಂಖ್ಯೆಯ ಭಕ್ತರು ದೇವಾಲಯಕ್ಕೆ ಆಗಮಿಸುತ್ತಾರೆ.

ಈ ಶುಭದಿನದಂದು ಹಣ್ಣು, ಹೂವು, ತರಕಾರಿಗಳಿಂದ ಅಲಂಕೃತವಾಗಿರುವ ದತ್ತ ಮಹಾರಾಜರ ದೇವಾಲಯ ಭಕ್ತರು ಹಾಗೂ ಸಾರ್ವಜನಿಕರ ಗಮನವನ್ನು ಸೆಳೆಯುತ್ತದೆ.

ಹಿಂದೂ ಧರ್ಮದಲ್ಲಿ ಪೂರ್ಣಿಮಾವನ್ನು ಬಹಳ ವಿಶೇಷವೆಂದು ಪರಿಗಣಿಸಲಾಗಿದೆ. ಈ ಬಾರಿ ಪುಷ್ಯ ಮಾಸದ ಹುಣ್ಣಿಮೆಯನ್ನು ಇಂದು ಆಚರಿಸಲಾಗುತ್ತಿದೆ. ಇದು 2023 ರ ಮೊದಲ ಹುಣ್ಣಿಮೆಯಾಗಿದ್ದು, ನಂಬಿಕೆಯ ಪ್ರಕಾರ, ಪುಷ್ಯ ಪೂರ್ಣಿಮೆಯಂದು ವಿಧಿ - ವಿಧಾನಗಳ ಪ್ರಕಾರ ಪೂಜೆ ಮಾಡುವುದರಿಂದ ವ್ಯಕ್ತಿಯು ಮೋಕ್ಷವನ್ನು ಪಡೆಯುತ್ತಾನೆ.

ಹುಣ್ಣಿಮೆಯ ದಿನ, ಚಂದ್ರನು ಪೂರ್ಣ ಗಾತ್ರದಲ್ಲಿರುತ್ತಾನೆ. ಪುಷ್ಯ ಮಾಸವನ್ನು ಭಗವಾನ್ ಸೂರ್ಯನ ತಿಂಗಳು ಎಂದು ಕರೆಯಲಾಗುತ್ತದೆ. ಆದ್ದರಿಂದ ಈ ತಿಂಗಳಲ್ಲಿ ಬರುವ ಹುಣ್ಣಿಮೆಯನ್ನು ಪುಷ್ಯ ಪೂರ್ಣಿಮಾ ಎಂದು ಕರೆಯಲಾಗುತ್ತದೆ. ಹಿಂದೂ ಧರ್ಮದಲ್ಲಿ ಈ ಹುಣ್ಣಿಮೆಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡಲಾಗುತ್ತದೆ ಮತ್ತು ಈ ದಿನದಂದು ಜನರು ವಿವಿಧ ಪದ್ಧತಿಗಳೊಂದಿಗೆ ಪೂಜೆಯನ್ನು ಕೈಗೊಳ್ಳುತ್ತಾರೆ.