Nusrat Jahan: ಎರಡೇ ವರ್ಷದಲ್ಲಿ ಟಿಎಂಸಿ ಸ್ಟಾರ್​​ ಸಂಸದೆ ಮದುವೆಯಲ್ಲಿ ಬಿರುಕು; ಅಸಲಿ ಕಾರಣವೇನು?

ಸಂಸದೆಯಾಗಿ ಆಯ್ಕೆಯಾಗುತ್ತಿದ್ದಂತೆ ನಟಿ ನುಸ್ರತ್​ ಜಹಾನ್​ ದೂರದ ಟರ್ಕಿಯಲ್ಲಿ ತಮ್ಮ ಬಹುಕಾಲದ ಗೆಳೆಯ ನಿಖಿಲ್​ ಜೈನ್​ನೊಂದಿಗೆ ವಿವಾಹವಾಗಿದ್ದರು

ಇದಾದ ಬಳಿಕ ಅದ್ದೂರಿ ಕೋಲ್ಕತ್ತಾದಲ್ಲಿ ಅದ್ಧೂರಿಯಾಗಿ ಆರತಕ್ಷತೆ ನಡೆಸುವ ಮೂಲಕ ದೇಶದ ಗಮನಸೆಳೆದಿದ್ದರು ನಟಿ ನುಸ್ರತ್​ ಜಹಾನ್​​

ಮದುವೆ ಬಳಿಕ ಸಿಂಧೂರ ಇಡುವ ಮೂಲಕ ಮುಸ್ಲಿಂ ಮೂಲಭೂತವಾದಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು

ಅನ್ಯೋನ್ಯವಾಗಿದ್ದ ಇವರ ದಾಂಪತ್ಯದಲ್ಲಿ ಕಳೆದ ನವಂಬರ್​ನಲ್ಲಿಯೇ ಬಿರುಕು ಕಾಣಿಸಿಕೊಂಡಿದ್ದು, ಇದು ಈಗ ಬಹಿರಂಗವಾಗಿದೆ

ಉದ್ಯಮಿ ನಿಖಿಲ್​ ಜೈನ್​ ಮತ್ತು ನುಸ್ರತ್​ ಸಂಬಂಧ ಹದಗೆಡಲು ಕಾರಣ ಹಣದ ವ್ಯವಹಾರ ಎಂಬುದು ಬಯಲಾಗಿದೆ.

ನುಸ್ರತ್​ ಅಕ್ರಮವಾಗಿ ತನ್ನ ಖಾತೆಯ ಹಣವನ್ನು ಬಳಸಿಕೊಳ್ಳುತ್ತಿದ್ದಾರೆ ಎಂದು ನಿಖಿಲ್​ ಆರೋಪಿಸಿದ್ದರು ಎಂದು ಸಂಸದೆ ತಿಳಿಸಿದ್ದಾರೆ

ಇದಕ್ಕೆ ತಿರುಗೇಟು ನೀಡಿರುವ ನಟಿ, ತಾನು ಯಾರ ಹಣವನ್ನು ಉಪಯೋಗಿಸಿಕೊಂಡು ತನ್ನ ಕುಟುಂಬ ಸಾಕುತ್ತಿಲ್ಲ. ತನ್ನ ತಂಗಿಯ ಶಿಕ್ಷಣ, ಪೋಷಕರ ಜವಾಬ್ದಾರಿಯನ್ನು ತಾನೇ ಹೊತ್ತಿರುವುದಾಗಿ ತಿಳಿಸಿದ್ದಾರೆ

ಅಷ್ಟೇ ಅಲ್ಲದೇ, ತಮ್ಮ ಖಾತೆಯಲ್ಲಿನ ಹಣವನ್ನು ಅಕ್ರಮ ಬಳಕೆ ಮಾಡಿದ ಕಾರಣ ಬ್ಯಾಂಕ್​ ಗಳ ನೋಟಿಸ್​ನ್ನು ನಾನು ಎದುರಿಸಿದ್ದೇನೆ. ಇದಕ್ಕೆ ಪುರಾವೆಗಳು ತನ್ನ ಬಳಿ ಇವೆ ಎಂದಿದ್ದಾರೆ

ಮದುವೆ ಸಮಯದಲ್ಲಿ ಸಿಕ್ಕ ಹಣ, ಒಡವೆ, ಬಟ್ಟೆಗಳು ಇನ್ನು ನಿಖಿಲ್​ ಸುಪರ್ದಿಯಲ್ಲಿಯೇ ಇವೆ ಎಂದು ಆರೋಪಿಸಿದ್ದಾರೆ

ಆತ ಶ್ರೀಮಂತ ಎಂಬ ಕಾರಣಕ್ಕೆ ಮಹಿಳೆಯನ್ನು ಕಡಿಮೆ ಎಂಬಂತೆ ನೋಡಲು ಸಾಧ್ಯವಿಲ್ಲ ಎಂದಿದ್ದಾರೆ

ಈ ಎಲ್ಲಾ ಕಾರಣದಿಂದ ತಾವು ನಿಖಿಲ್​ನಿಂದ ದೂರಾಗಿದ್ದಾಗಿ ತಿಳಿಸಿದ್ದಾರೆ

ಟರ್ಕಿಯ ಕಾನೂನು ಪ್ರಕಾರ ನಡೆದ ನಮ್ಮ ಮದುವೆಗೆ ಭಾರತದಲ್ಲಿ ಯಾವುದೇ ಮಾನ್ಯತೆ ಇಲ್ಲ. ಹೀಗಾಗಿ ವಿಚ್ಛೇದನದ ಪ್ರಶ್ನೆ ಇಲ್ಲ. ಆತನಿಂದ ಈಗಾಗಲೇ ನಾನು ದೂರಾಗಿದ್ದೇನೆ ಎಂದಿದ್ದಾರೆ