Noida Twin Tower Demolition: ಟ್ವಿನ್ ಟವರ್ಸ್ ಧೂಳಲ್ಲಿ ಮಂಕಾಯ್ತಂತೆ Ind-Pak ಮ್ಯಾಚ್! ಸೋಶಿಯಲ್‌ ಮಿಡಿಯಾಗಳಲ್ಲಿ ಸಖತ್ ಟ್ರೋಲ್ಸ್

ಅರೇ ಇವ್ರು ಆಮೀರ್ ಖಾನ್ ಅಲ್ವಾ? ಇದು ಪಿಕೆ ಸಿನಿಮಾದ ಸೀನ್ ಅಲ್ವಾ? ಹೀಗಂತ ನೀವು ಕೇಳಬಹುದು. ಆದ್ರೆ ಇವರು ಆಮೀರ್ ಖಾನ್ ಅಲ್ಲ, ಇದು ಪಿಕೆ ಸಿನಿಮಾದ ದೃಶ್ಯವೂ ಅಲ್ಲ ಅಂತಿದ್ದಾರೆ ಟ್ರೋಲಿಗರು! (ಕೃಪೆ: Twitter)

ಹೌದು, ಇದು ಯಾವುದೋ ಬಾಲಿವುಡ್ ಸಿನಿಮಾದ ದೃಶ್ಯಗಳಲಲ್ಲ ಎನ್ನುವುದು ಟ್ರೋಲಿಗರ ವಾದ. ಬದಲಾಗಿ ಇದು ಸದ್ಯದ ನೋಯ್ಡಾ ಜನರ ಪರಿಸ್ಥಿತಿಗಳಂತೆ! ಕಟ್ಟಡ ಉರುಳಿದ ಬಳಿಕ ಎದ್ದ ದಟ್ಟ ಧೂಳು ಇಡೀ ಪ್ರದೇಶದ ತುಂಬಾ ಆವರಿಸಿಕೊಂಡಿತ್ತು. ಕಟ್ಟಡ ಬರೀ 9 ಸೆಕೆಂಡ್‌ಗಳಲ್ಲಿ ಧರೆಗೆ ಉರುಳಿದ್ದರೆ, ಅದರಿಂದ ಎದ್ದ ಧೂಳು ಸುತ್ತಮುತ್ತಲ ಪ್ರದೇಶಕ್ಕೆ ಹರಡಿದ್ದು, ಅದು ಕಂಟ್ರೋಲ್‌ಗೆ ಬರುವುದಕ್ಕೆ 12 ನಿಮಿಷಗಳೇ ಬೇಕಾಯ್ತು ಅಂತ ಮೂಲಗಳು ತಿಳಿಸಿವೆ. ಆಗ ನೋಯ್ಡಾದ ನಿವಾಸಿಗಳೆಲ್ಲ ಹೀಗೆ ಕಾಣುತ್ತಿದ್ದರಂತೆ! (ಕೃಪೆ: Twitter)

ಇಂದು ಭಾರತ ಮತ್ತು ಪಾಕಿಸ್ತಾನ (IND vs PAK) ನಡುವೆ ಹೈವೋಲ್ಟೇಜ್​ ಮುಖಾಮುಖಿ ಆಗಲಿದ್ದು, ಇದೊಂದು ಪಂದ್ಯಕ್ಕಾಗಿ ಕ್ರಿಕೆಟ್​ ಲೋಕವೇ ಕಾತುರದಿಂದ ಕಾದಿದೆ. ಆದರೆ ಟ್ವಿನ್ ಟವರ್ಸ್ ಡೆಮಾಲಿಷನ್ ಮುಂದೆ ಇಂಡಿಯಾ-ಪಾಕಿಸ್ತಾನ ಮ್ಯಾಚ್ ಮಂಕಾಗಿದೆಯಂತೆ! (ಕೃಪೆ: Twitter)

ಇಂಡಿಯಾ-ಪಾಕಿಸ್ತಾನ ಮ್ಯಾಚ್ ಹಾಗೂ ನೋಯ್ಡಾ ಟ್ವಿನ್ ಟವರ್ ಡೆಮಾಲಿಷನ್ ಒಂದೇ ಟೈಮಿಗೆ ನಡೆದಿದ್ದರೆ ಟ್ವಿನ್ ಟವರ್ ತೆರವು ಕಾರ್ಯಾಚರಣೆಯನ್ನೇ ಹೆಚ್ಚಿನ ಜನ ನೋಡುತ್ತಿದ್ದರಂತೆ! ಮಾಧ್ಯಮಗಳೂ ಇಂಡೋ-ಪಾಕ್ ಮ್ಯಾಚ್‌ಗಿಂತ ಬಿಲ್ಡಿಂಗ್ ಡೆಮಾಲಿಷನ್‌ ಅನ್ನೇ ಹೆಚ್ಚು ಪ್ರಸಾರ ಮಾಡ್ತಿತ್ತಂತೆ! (ಕೃಪೆ: Twitter)

ದೆಹಲಿ ಆಮ್‌ ಆದ್ಮಿ ಸರ್ಕಾರದಲ್ಲಿ ಉಂಟಾಗುತ್ತಿರುವ ತಲ್ಲಣವು ಈಗ ಟ್ರೋಲ್‌ಗೆ ಒಳಗಾಗಿದೆ. ನೆಟ್ಟಿಗರು ನೋಯ್ಡಾ ಟ್ವಿನ್ ಟವರ್ಸ್ ಡೆಮಾಲಿಷನ್ ಅನ್ನು ದೆಹಲಿಯ ಕೇಜ್ರಿವಾಲ್ ಸರ್ಕಾರಕ್ಕೆ ಹೋಲಿಸಿ, ಟ್ರೋಲ್ ಮಾಡಿದ್ದಾರೆ. ಭ್ರಷ್ಟಾಚಾರದ ದೆಹಲಿ ಸರ್ಕಾರವನ್ನು ಉರುಳಿಸುವ ಕಾಲ ಬಂದಿದೆ ಅಂತ ಟ್ರೋಲ್ ಮಾಡುತ್ತಿದ್ದಾರೆ. (ಕೃಪೆ: Twitter)

ದೆಹಲಿಯಲ್ಲಿ ವಾಯುಮಾಲಿನ್ಯ ಹೆಚ್ಚಾಗುತ್ತಿರುವುದು ಗೊತ್ತೇ ಇದೆ. ಈ ವಾಯು ಮಾಲಿನ್ಯಕ್ಕೆ ಕಟ್ಟಡ ತೆರವು ಕಾರ್ಯಾಚರಣೆ ಮತ್ತಷ್ಟು ಕೊಡುಗೆ ಕೊಟ್ಟಿದ್ಯಂತೆ! ಇವೆರಡರ ಮಧ್ಯೆ ನೋಯ್ಡಾ ಹಾಗೂ ದೆಹಲಿ ಜನರ ಸ್ಥಿತಿ ಅಧೋ ಗತಿ ಅಂತ ನೆಟ್ಟಿಗರು ಕಿಚಾಯಿಸ್ತಿದ್ದಾರೆ. (ಕೃಪೆ: Twitter)

ಇನ್ನು ಈ ಟ್ವಿನ್ ಟವರ್ ಹೋರಾಟ ಸತತವಾಗಿ ನಡೆಯುತ್ತಿತ್ತು. ಕಳೆದ 9 ವರ್ಷಗಳಿಂದ ನಡೆಯುತ್ತಿದ್ದ ಹೋರಾಟಕ್ಕೆ ಇಂದು ಫುಲ್ ಸ್ಟಾಪ್ ಬಿದ್ದಿದೆ. ಜೊತೆಗೆ ಯಾವುದೇ ಅಪಾಯಗಳು, ಅನಾಹುತಗಳು ಇಲ್ಲದೇ ಬಹುಮಹಡಿ ಕಟ್ಟಡ ಧರೆಗೆ ಉರುಳಿದೆ. ಈ ಹಿನ್ನೆಲೆಯಲ್ಲಿ ಸ್ಥಳದಲ್ಲಿ ಸಿಹಿ ಹಂಚಿ, ಸಂಭ್ರಮಾಚರಣೆ ಕೂಡ ನಡೆಸಲಾಗಿದೆ. (ಕೃಪೆ: Twitter)