NMACC ಗಾಲಾದಲ್ಲಿ ಮಿಂಚಿದ ನೀತಾ, ಮುಕೇಶ್​ ಅಂಬಾನಿ, ಕ್ಯೂಟ್​ ಪೋಸ್​ ನೀಡಿದ ರಾಧಿಕಾ-ಅನಂತ್

ಮುಂಬೈನಲ್ಲಿ ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್ ಉದ್ಘಾಟನಾ ಸಮಾರಂಭ ನಡೆದಿದ್ದು, ಈ ಕಾರ್ಯಕ್ರಮದಲ್ಲಿ ಬಾಲಿವುಡ್​ ನಟ-ನಟಿಯರು ಸೇರಿದಂತೆ ಅನೇಕ ಜನರು ಭಾಗವಹಿಸಿದ್ದರು.

ಮಾರ್ಚ್ 31 ರ ಸಂಜೆ ಭವ್ಯ ಸಮಾರಂಭದ ಮೂಲಕ ಈ ಸೆಂಟರ್ ಅನಾವರಣ ಮಾಡಲಾಗಿದ್ದು, ಈ ಕಾರ್ಯಕ್ರಮದಲ್ಲಿ ಬಹು ದೊಟ್ಟ ತಾರಾ ಬಳಗ ಸಹ ಭಾಗವಹಿಸಿತ್ತು. ಇನ್ನು ಈ ಕಾರ್ಯಕ್ರಮದ ನಂತರ ಶನಿವಾರ ಸಂಜೆ NMACC ನಲ್ಲಿ ಫ್ಯಾಶನ್ ಗಾಲಾವನ್ನು ಸಹ ಅಂಬಾನಿ ಕುಟುಂಬ ಆಯೋಜಿಸಿತ್ತು.

ಇನ್ನು ಈ ಕಾರ್ಯಕ್ರಮಕ್ಕೆ ಆಗಮಿಸಿದ ಮುಕೇಶ್ ಅಂಬಾನಿ ಮತ್ತು ಅವರ ಪುತ್ರ ಆಕಾಶ್ ಅಂಬಾನಿ ಫೋಟೋಗೆ ಪೋಸ್​ ನೀಡಿದ್ದು, ಅವರ ಜೊತೆ ಆಕಾಶ್​ ಪತ್ನಿ ಶ್ಲೋಕಾ ಅಂಬಾನಿ ಕೂಡ ಇದ್ದರು.

ನೀತಾ ಮುಕೇಶ್ ಅಂಬಾನಿ ಕಲ್ಚರಲ್ ಸೆಂಟರ್‌ನಲ್ಲಿ ಇಂಡಿಯಾ ಇನ್ ಫ್ಯಾಶನ್ ಸಮಾರಂಭದಲ್ಲಿ ಶ್ಲೋಕಾ ಅಂಬಾನಿ, ಆಕಾಶ್ ಅಂಬಾನಿ ಜೊತೆಗೆ ಸ್ವಾತಿ ಮತ್ತು ಅಜಯ್ ಪಿರಾಮಲ್ ಸಹ ಭಾಗವಹಿಸಿದ್ದರು.

ಇನ್ನು ಈ ಕಾರ್ಯಕ್ರಮದ ಬೆರಗು ಹೆಚ್ಚು ಮಾಡಿದ್ದು ಮುಕೇಶ್ ಅಂಬಾನಿ ಅವರ ಪುತ್ರಿ ಇಶಾ ಅಂಬಾನಿ. ಈ ಫ್ಯಾಷನ್ ಗಾಲಾದಲ್ಲಿ ಕೆಂಪು ಬಣ್ಣದ ಗೌನ್​ ಧರಿಸಿ ಮಿಂಚಿದ್ದು, ತಮ್ಮ ವಿಶಿಷ್ಟ ಡ್ರೆಸ್​​ನಿಂದ ಎಲ್ಲರ ಗಮನ ಸೆಳೆದಿದ್ದಾರೆ.

ಇಂಡಿಯಾ ಇನ್ ಫ್ಯಾಶನ್ ಈವೆಂಟ್‌ನಲ್ಲಿ ರಾಧಿಕಾ ಮರ್ಚೆಂಟ್ ಮತ್ತು ಅನಂತ್ ಅಂಬಾನಿ ಕೂಡ ಬಹಳ ಸುಂದರವಾಗಿ ಕಾಣಿಸಿಕೊಂಡಿದ್ದು, ಪವರ್ ಕಪಲ್ ಎಂದು ನೆಟ್ಟಿಗರು ಶ್ಲಾಘಿಸಿದ್ದು, ಸುಂದರ ಜೋಡಿ ಎಂದು ಹೊಗಳಿದ್ದಾರೆ.

ತಿಳಿ ನೀಲಿ ಬಣ್ಣದ ವಿಭಿನ್ನ ಸೀರೆ ಧರಿಸಿದ್ದ ರಾಧಿಕಾ ಬಹಳ ಮುದ್ದಾಗಿ ಕಾಣಿಸಿಕೊಂಡಿದ್ದು, ಕಪ್ಪು ಬಣ್ಣದ ಶರ್ವಾನಿ ಬಟ್ಟೆಯಲ್ಲಿ ಅನಂತ್ ಮಿಂಚಿದ್ದಾರೆ. ಇಬ್ಬರ ಸಿಂಪಲ್ ಲುಕ್ ಕಾರ್ಯಕ್ರಮದ ಮೆರಗು ಹೆಚ್ಚಿಸಿತ್ತು.

ಇನ್ನು ಮುಖ್ಯವಾಗಿ ಈ ಕಾರ್ಯಕ್ರಮದಲ್ಲಿ ಎಲ್ಲರ ಗಮನ ಸೆಳೆದಿದ್ದು ನೀತಾ ಅಂಬಾನಿ. ಗೋಲ್ಡನ್​ ಬಣ್ಣದ ಉಡುಗೆಯಲ್ಲಿ ಬಹಳ ಸುಂದರವಾಗಿ ಕಾಣಿಸುತ್ತಿದ್ದ ನೀತಾ ಅಂಬಾನಿ ಲುಕ್​ ಎಲ್ಲರೂ ಮೆಚ್ಚುವಂತಿತ್ತು.

ಈ ಕಾರ್ಯಕ್ರಮದ ಆರಂಭದಲ್ಲಿ ಕ್ಯಾಮೆರಾಗೆ ಪೋಸ್​ ನೀಡಿದ ನೀತಾ ಅಂಬಾನಿ ಫೋಟೋ ಎಲ್ಲೆಡೆ ವೈರಲ್ ಆಗುತ್ತಿದೆ. ಅದರಲ್ಲೂ ಡ್ರೆಸ್​ಗೆ ಸೂಟ್​ ಆಗುವಂತೆ ಅವರು ಧರಿಸಿದ್ದ ಬಿಳಿ ಬಣ್ಣದ ಸರ ಎಲ್ಲರ ಗಮನ ಸೆಳೆದಿತ್ತು.