Nita Ambani: ನೀತಾ ಮುಕೇಶ್ ಅಂಬಾನಿಯ ಮನಮೋಹಕ ಭರತನಾಟ್ಯಕ್ಕೆ ಮನಸೋತ ಬಾಲಿವುಡ್ ದಿಗ್ಗಜರು!

ಇಂತಹ ಅದ್ಧೂರಿ ಈವೆಂಟ್‌ನಲ್ಲಿ ತಾರೆಯರು ಭಾಗಿಯಾದ ಕುರಿತ ಹಲವಾರು ವಿಡಿಯೋಗಳು ವೈರಲ್ ಆಗಿದ್ದರೆ, ಇತ್ತ ಇದೇ ಕಾರ್ಯಕ್ರಮದಲ್ಲಿ ನೀತಾ ಮುಕೇಶ್ ಅಂಬಾನಿ ಅವರ ನೃತ್ಯ ಕೂಡ ಎಲ್ಲರ ಗಮನ ಸೆಳೆದಿದೆ.

ಖ್ಯಾತ ಉದ್ಯಮಿ ಮುಕೇಶ್ ಅಂಬಾನಿ ಅವರ ಪತ್ನಿ ನೀತಾ ಮುಕೇಶ್ ಅಂಬಾನಿ ಅವರು ಭರತನಾಟ್ಯ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ.

ನೀತಾ ಅಂಬಾನಿ ಅವರು ರಘುಪತಿ ರಾಘವ್ ರಾಜಾ ರಾಮ್ ಹಾಡಿಗೆ ಭರತನಾಟ್ಯಂ ಶೈಲಿಯಲ್ಲಿ ನೃತ್ಯ ಮಾಡಿದ್ದು, ಪಕ್ಕಾ ವೃತ್ತಿಪರ ನೃತ್ಯಗಾರರಂತೆ ಹೆಜ್ಜೆ ಹಾಕಿ ಎಲ್ಲರಿಗೂ ಶಾಕ್ ಮೂಡಿಸಿದ್ದಾರೆ.

NMACC ಇಂಡಿಯಾ ತನ್ನ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ನೀತಾ ಮುಕೇಶ್ ಅಂಬಾನಿ ಅವರು ಭರತನಾಟ್ಯ ನೃತ್ಯ ಮಾಡಿರುವ ವಿಡಿಯೋವನ್ನು ಶೇರ್ ಮಾಡಿದ್ದು, ಇದೀಗ ಫುಲ್ ವೈರಲ್ ಆಗಿದೆ.

ಕೆಂಪು ಬಣ್ಣದ ಲೆಹಂಗಾ ಮತ್ತು ತಿಳಿ ಗುಲಾಬಿ ಬಣ್ಣದ ದುಪ್ಪಟ್ಟಾ ಧರಿಸಿ ಭರತನಾಟ್ಯ ನೃತ್ಯ ಮಾಡಿರುವ ನೀತಾ ಮುಕೇಶ್ ಅಂಬಾನಿ ಅವರು ನೆರೆದಿದ್ದ ಎಲ್ಲ ದಿಗ್ಗಜರನ್ನು ಮೋಡಿ ಮಾಡಿದರು.

ಅಂದ ಹಾಗೆ ನೀತಾ ಅಂಬಾನಿ ಅವರು ತಮ್ಮ 6ನೇ ವಯಸ್ಸಿನಿಂದಲೂ ನೃತ್ಯ ಮಾಡೋಕೆ ಕಲಿತಿದ್ದರು. ಹೀಗಾಗಿ ನೃತ್ಯ ಅನ್ನೋದು ನೀತಾ ಅಂಬಾನಿ ಅವರ ಹೃದಯದಲ್ಲೇ ಇದೆ ಎಂದು ವಿಡಿಯೋಗೆ ಕ್ಯಾಪ್ಶನ್ ಕೊಡಲಾಗಿದೆ.

ನೀತಾ ಅಂಬಾನಿ ಅದ್ಭುತ ನೃತ್ಯ ವಿಡಿಯೋವನ್ನು ಖ್ಯಾತ ಗಾಯಕಿ ಶ್ರೇಯಾ ಘೋಷಾಲ್, ನೀತು ಕಪೂರ್ ಸೇರಿದಂತೆ ಅನೇಕ ಮಂದಿ ಇನ್ಸ್‌ಟಾಗ್ರಾಂನಲ್ಲಿ ಶೇರ್‌ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.