Namaste Trump: ನಿಮ್ಮ ಅಭೂತಪೂರ್ವ ಸ್ವಾಗತಕ್ಕೆ ನಾನು ಆಭಾರಿ; ವಿ ಲವ್ ಇಂಡಿಯಾ ಎಂದ ಟ್ರಂಪ್​

ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಅಧ್ಯಕ್ಷರಾದ ಬಳಿಕ ಮೊದಲ ಬಾರಿಗೆ ಇಂದು ವಿಶೇಷ ವಿಮಾನದಲ್ಲಿ ಅಹಮದಾಬಾದ್​ಗೆ ಆಗಮಿಸಿದ್ದರು. ಮೊಟೆರಾ ಸ್ಟೇಡಿಯಂನಲ್ಲಿ ಹಮ್ಮಿಕೊಳ್ಳಲಾಗಿದ್ದ ನಮಸ್ತೆ ಟ್ರಂಪ್​ ಕಾರ್ಯಕ್ರಮದಲ್ಲಿ ಅಮೆರಿಕ ಅಧ್ಯಕ್ಷ ಟ್ರಂಪ್​ ಹಾಗೂ ಮೆಲಾನಿಯಾ ಟ್ರಂಪ್​ ಭಾಗವಹಿಸಿದ್ದರು.

ಸುಮಾರು 1 ಲಕ್ಷಕ್ಕೂ ಅಧಿಕ ಜನರು ನೆರೆದಿದ್ದ ಕ್ರೀಡಾಂಗಣದಲ್ಲಿ ಪ್ರಧಾನಿ ಮೋದಿ ಮೊದಲು ಭಾಷಣ ಮಾಡಿದರು.

ಟ್ರಂಪ್ ಹೌಡಿ-ಮೋಡಿ ಕಾರ್ಯಕ್ರಮದ ಮೂಲಕ ನನಗೆ ಸ್ವಾಗತ ಕೋರಿದ್ದರು. ಈಗ ನಮಸ್ತೆ ಟ್ರಂಪ್ ಕಾರ್ಯಕ್ರಮದಲ್ಲಿ ಡೊನಾಲ್ಡ್​ ಟ್ರಂಪ್ ಭಾಗಿಯಾಗಿದ್ದಾರೆ ಎಂದು ಮೋದಿ ಹೇಳಿದರು.

ಭಾರತ-ಅಮೆರಿಕ ಬಾಂಧವ್ಯ ಸುದೀರ್ಘ ಹಾಗೂ ಅಜರಾಮರ. ಟ್ರಂಪ್​ ಭೇಟಿಯಿಂದ ಉಭಯ ರಾಷ್ಟ್ರಗಳ ಸಂಬಂಧ ಮತ್ತಷ್ಟು ವದ್ಧಿಯಾಗಲಿದೆ ಎಂದರು.

ಸಮಸ್ತ ಭಾರತೀಯರ ಪರವಾಗಿ ಮೋದಿ ಟ್ರಂಪ್​ಗೆ ಸ್ವಾಗತ ಕೋರಿದರು. ಜನರು ಎದ್ದು ನಿಂತು ನಮಸ್ತೆ ಟ್ರಂಪ್ ಎಂದರು.

ಬಳಿಕ ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ನಮಸ್ತೆ ಎಂದು ಭಾಷಣ ಆರಂಭಿಸಿ, ಮೋದಿಯನ್ನು ಹಾಡಿ ಹೊಗಳಿದರು.

ಗ್ರೇಟ್​ ಚಾಂಪಿಯನ್​ ಆಫ್​ ಇಂಡಿಯಾ ಮೋದಿ, ಪ್ರಧಾನಿ ಮೋದಿ ನಮಗೆ ನಿಜವಾದ ಗೆಳೆಯ. ನಮಗೆ ಭಾರತೀಯರ ಮೇಲೆ ವಿಶೇಷವಾದ ಪ್ರೀತಿ ಇದೆ. ಇಡೀ ದೇಶದ ಜನರಿಗೆ ನನ್ನ ಅಭಿನಂದನೆಗಳು ಎಂದರು ಟ್ರಂಪ್.

ನಿಮ್ಮ ಅಭೂತಪೂರ್ವ, ಆತ್ಮೀಯ ಸ್ವಾಗತವನ್ನು ನಾನು ಎಂದೂ ಕೂಡ ಮರೆಯಲಾರೆ. ನಾನು ಭಾರತದ ಸಂಸ್ಕೃತಿಯನ್ನು ಗೌರವಿಸುತ್ತೇನೆ. ಎಂಟು ಸಾವಿರ ಮೈಲಿ ಪ್ರಯಾಣಿಸಿ ಭಾರತಕ್ಕೆ ಬಂದಿದ್ದೇವೆ ಎಂದರು.

ಚಾಯ್​ವಾಲಾ ಪ್ರಧಾನಿಯಾಗಿದ್ದು ಅದ್ಭುತ. ಅಮೆರಿಕ ಎಂದೆಂದೂ ಭಾರತವನ್ನು ಗೌರವಿಸುತ್ತದೆ. ಮಾನವೀಯತೆಯ ಸಂದೇಶ ನೀಡುವ ದೇಶ ಭಾರತ ಎಂದು ಹೇಳಿದರು.

ಇಲ್ಲಿ 1.25 ಲಕ್ಷ ಜನ ಸೇರಿರುವುದು ಸಂತಸ. ಭಾರತೀಯರಿಗೆ ನನ್ನ ಹೃದಯದಲ್ಲಿ ಸ್ಥಾನ ನೀಡಿದ್ದೇನೆ. ಮೋದಿ ಒಬ್ಬ ಯಶಸ್ವಿ ನಾಯಕ. ನಡೆದಾಡುವ ಕಥೆ ಎಂದು ಟ್ರಂಪ್ ಹೇಳಿದರು.

ಗಾಡ್ ಬ್ಲೆಸ್ ಇಂಡಿಯಾ, ವಿ ಲವ್ ಇಂಡಿಯಾ ವೆರಿ ಮಚ್ ಎಂದು ಟ್ರಂಪ್​ ಹೇಳಿದರು.

ಮೊಟೆರಾ ಸ್ಟೇಡಿಯಂನಲ್ಲಿ ಟ್ರಂಪ್ ದಂಪತಿ-ಪ್ರಧಾನಿ ಮೋದಿ

ಮೊಟೆರಾ ಸ್ಟೇಡಿಯಂನಲ್ಲಿ ಟ್ರಂಪ್ ದಂಪತಿ-ಪ್ರಧಾನಿ ಮೋದಿ

ಮೊಟೆರಾ ಸ್ಟೇಡಿಯಂನಲ್ಲಿ ಟ್ರಂಪ್ ದಂಪತಿ-ಪ್ರಧಾನಿ ಮೋದಿ

ನಮಸ್ತೆ ಟ್ರಂಪ್ ಕಾರ್ಯಕ್ರಮಕ್ಕೂ ಮುನ್ನ ಸಬರಮತಿ ಆಶ್ರಮಕ್ಕೆ ಟ್ರಂಪ್ ದಂಪತಿ ಭೇಟಿ ನೀಡಿದ್ದರು.

ಅಲ್ಲಿ ಮಹಾತ್ಮ ಗಾಂಧಿಯ ತತ್ವಗಳು, ಚರಕವನ್ನು ಟ್ರಂಪ್​ಗೆ ಮೋದಿ ಪರಿಚಯಿಸಿಕೊಟ್ಟರು.