Weird News: ಮೊಮ್ಮಗಳ ಕಣ್ಣು ನೋಡಿ ಸೊಸೆ ಮೇಲೆ ಅನುಮಾನ! ಡಿಎನ್​ಎ ಟೆಸ್ಟ್​ ವೇಳೆ ಬಯಲಾಯ್ತು ಅತ್ತೆಯದ್ದೇ ಅಕ್ರಮ ಸಂಬಂಧ!

ವಿಜ್ಞಾನ ಸಾಕಷ್ಟು ಮುಂದುವರಿದಿದೆ, ಒಂದು ಕೂದಲು ಸಿಕ್ಕರೆ, ಅದು ಯಾರದ್ದು, ಆತನ ಚಹರೆ, ವಯಸ್ಸು ಎಲ್ಲವನ್ನೂ ಪತ್ತೆ ಹಚ್ಚಬಹುದು. ಇನ್ನು ಡಿಎನ್​ಎ ಟೆಸ್ಟ್​ ಮೂಲಕ ಮಗುವಿನ ತಂದೆ, ವಂಶಸ್ಥರ ಬಗ್ಗೆಯೂ ತಿಳಿದುಕೊಳ್ಳಬಹುದು. ಇಲ್ಲೊಂದು ಪ್ರಕರಣದಲ್ಲಿ ಮೊಮ್ಮಗಳು ತನ್ನ ಮಗನಿಗೆ ಹುಟ್ಟಿಲ್ಲ ಎಂದು ಸೊಸೆ ಮೇಲೆ ಅನುಮಾನ ಪಟ್ಟು ಡಿಎನ್​ಎ ಟೆಸ್ಟ್ ಮಾಡಿಸಿದ ಅತ್ತೆಯೇ ಸಿಕ್ಕಿಬಿದ್ದ ಘಟನೆ ನಡೆದಿದೆ.

ಈ ಘಟನೆ ಇಂಗ್ಲೆಂಡ್‌ನಲ್ಲಿ ನಡೆದಿದ್ದು, ರೆಡ್ಡಿಟ್ ಬಳಕೆದಾರರು ಅಂತರ್ಜಾಲದಲ್ಲಿ ಘಟನೆಯನ್ನು ಹಂಚಿಕೊಂಡಿದ್ದಾರೆ. ಇದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ಘಟನೆ ತಾನೇ ತೋಡಿದ ಹಳ್ಳದಲ್ಲಿ ಬೀಳೋದು ಎಂಬುಕ್ಕೆ ಸಾಕ್ಷಿಯಾಗಿದೆ.

ಅತ್ತೆಯೊಬ್ಬಳು ತನ್ನ ಮೊಮ್ಮಗಳ ಬಣ್ಣವನ್ನು ಗಮನಿಸಿ ಯಾವಾಗಲೂ ತನ್ನ ಸೊಸೆಯ ಮೇಲೆ ಅನುಮಾನ ವ್ಯಕ್ತಪಡಿಸುತ್ತಿದ್ದಳು. ಇತ್ತೀಚೆಗೆ ಜನಿಸಿದ್ದ ಆ ಮಗುವಿನ ಕಣ್ಣಿನ ಬಣ್ಣ ಹಸಿರಾಗಿತ್ತು. ಆದರೆ ಮಗುವಿನ ತಾಯಿ, ತಂದೆ ಅಥವಾ ಅಜ್ಜಿ-ತಾತ ಯಾರಿಗೂ ಹಸಿರು ಕಣ್ಣುಗಳಿರಲಿಲ್ಲ. ಆದ್ದರಿಂದ, ಅತ್ತೆಗೆ ಮಗು ತನ್ನ ಮಗನಿಗೆ ಹುಟ್ಟಿಲ್ಲ, ಸೊಸೆಯ ಅಕ್ರಮ ಸಂಬಂಧದಿಂದ ಮಗು ಜನಿಸಿದೆ ಎಂದು ಆರೋಪಿಸುತ್ತಿದ್ದಳು.

ಕುಟುಂಬ ಸದಸ್ಯರ ಯಾವುದೇ ಸಮಾರಂಭದಲ್ಲಿ ಅತ್ತೆ ತನ್ನ ಸೊಸೆಯನ್ನು ನೋಡಿದಾಗಲೆಲ್ಲಾ ಈ ವಿಷಯವನ್ನು ಪ್ರಸ್ತಾಪಿಸಿ ಅವಮಾನಿಸುತ್ತಿದ್ದಳು. ಇದು ಸಂತ್ರಸ್ತೆಗೆ ತುಂಬಾ ಆತಂಕವನ್ನು ಉಂಟುಮಾಡಿತ್ತಂತೆ. ಬರು ಬರುತ್ತಾ ಕುಟುಂಬದ ಉಳಿದ ಸದಸ್ಯರು ಅತ್ತೆಯ ಮಾತಿಗೆ ಬೆಂಬಲ ಸೂಚಿಸಿ ತನ್ನ ಮೇಲೆ ಅನುಮಾನ ಪಡಲು ಶುರು ಮಾಡಿದ್ದರು ಆಕೆ ರೆಡ್ಡಿಟ್​ನಲ್ಲಿ ಬರೆದುಕೊಂಡಿದ್ದಾರೆ.

ಆದರೆ ಮಹಿಳೆಯ ಪತಿ ಮಾತ್ರ ಯಾರ ಮಾತಿಗೂ ಸೊಪ್ಪು ಹಾಕದೆ ತನ್ನ ಪತ್ನಿಯ ಬೆಂಬಲಕ್ಕೆ ನಿಂತಿದ್ದಾನೆ. ಆದರೆ, ಅತ್ತೆಯ ನಿರಂತರ ಒತ್ತಡ, ಬೈಗುಳದ ಮಾತು ಸಹಿಸಲಾಗದೆ ನೊಂದ ಮಹಿಳೆ ಡಿಎನ್​ಎ ಪರೀಕ್ಷೆ ಮಾಡಿಸಿ ಮಗುವಿನ ಪಿತೃತ್ವ ಸಾಬೀತುಪಡಿಸಲು ಮುಂದಾಗಿದ್ದಾಳೆ.

ಆದರೆ ಆಕೆಯ ಪತಿ ಮಾತ್ರ ನಾನು ನಿನ್ನನ್ನು ನಂಬುತ್ತೇನೆ, ಡಿಎನ್​ಎ ಪರೀಕ್ಷೆಯ ಅವಶ್ಯಕತೆ ಇಲ್ಲ. ನನ್ನ ತಾಯಿ ಏನೇ ಹೇಳಿದರು ಪರವಾಗಿಲ್ಲ ಎಂದಿದ್ದಾನೆ. ಆದರೆ ಅತ್ತೆ ನಿರಂತರ ಅನುಮಾನ ಮತ್ತು ಮಾನಸಿಕ ಸಂಕಟದಿಂದ ನೊಂದಿದ್ದ ಮಹಿಳೆ, ತಾನೂ ಇದರಿಂದ ಶಾಶ್ವತವಾಗಿ ಹೊರ ಬರಲು ಡಿಎನ್​ಎ ಟೆಸ್ಟ್​ ಒಂದೇ ಮಾರ್ಗ ಎಂದು ನಿರ್ಧರಿಸಿದ್ದಾಳೆ.

ಕೊನೆಗೆ ಡಿಎನ್​ಎ ಟೆಸ್ಟ್ ಮಾಡಿಸಲಾಗಿದ್ದು, ವರದಿಯಲ್ಲಿ ಮಗು ಆಕೆಯ ಗಂಡನಿಗೆ ಹುಟ್ಟಿದ್ದು ಎಂದು ಸಾಬೀತಾಗಿದೆ. ಆದರೆ ಈ ಡಿಎನ್​ಎ ಟೆಸ್ಟ್​ನಲ್ಲಿ ತನ್ನ ಪತಿ ಆತನ ತಂದೆಗೆ ಹುಟ್ಟಿಲ್ಲ, ತನ್ನ ಅತ್ತೆಯ ಅಕ್ರಮ ಸಂಬಂಧದಿಂದ ಹುಟ್ಟಿದ್ದು ಎನ್ನುವುದು ಬಯಲಾಗಿದೆ. ಈ ವರದಿಯಿಂದ ಕೋಪಗೊಂಡ ಮಹಿಳೆಯ ಪತಿ ಆತನ ತಾಯಿಯೊಂದಿಗೆ ಜಗಳ ಆಡಿದ್ದಾನೆ. ಈ ವಿಷಯವನ್ನು ಕೂಡಲೇ ತನ್ನ ತಂದೆಗೆ ತಿಳಿಸಬೇಕು ಎಂದು ಮಹಿಳೆಯ ಪತಿ ನಿರ್ಧರಿಸಿದ್ದಾನೆ. ಆದರೆ ಇಂತಹ ವಿಚಾರವನ್ನು ಕೈಗೆತ್ತಿಕೊಂಡು ವೃದ್ಧಾಪ್ಯದಲ್ಲಿ ದಾಂಪತ್ಯ ಜೀವನಕ್ಕೆ ಹೊಡೆಯುವ ಅಗತ್ಯವಿಲ್ಲ ಆತನ ಪತ್ನಿ ಸಮಾಧಾನ ಪಡಿಸಿದ್ದಾಳೆ.

ಆದರೆ ಆ ಪರೀಕ್ಷೆಯಿಂದ ತನ್ನ ಮೇಲಿದ್ದ ಆರೋಪ ಹೋಗಿದೆ ಎಂದು ಆಕೆ ಸಂತಸಪಟ್ಟಿದ್ದಾಳೆ. ಆಕೆ ಗಂಡನ ಜನ್ಮದ ರಹಸ್ಯವನ್ನು ಗಂಡನ ಮನೆಯವರಿಗೆ ಹೇಳದಿದ್ದರೂ, ಮುಂದಿನ ಬಾರಿ ಮಗುವಿನ ಕಣ್ಣುಗಳ ಬಣ್ಣದ ಬಗ್ಗೆಅತ್ತೆಯಾಗಲಿ ಅಥವಾ ಕುಟುಂಬದ ಬೇರೆ ಸದಸ್ಯರಾಗಲಿ ಅಣಕು ಮಾಡಿ ಮಾತನಾಡುವ ದೈರ್ಯ ತೋರಲ್ಲ ಎಂದು ಆಕೆ ರೆಡ್ಡಿಟ್ ತಾಣದಲ್ಲಿ ಬರೆದುಕೊಂಡಿದ್ದಾಳೆ.