Weird News: ಕಾಲಿನ ಉದ್ದ ಹೆಚ್ಚಿಸಲು 1 ಕೋಟಿ ಖರ್ಚು ಮಾಡಿದ ಮಾಡೆಲ್! ಈ ನಿರ್ಧಾರದಿಂದ ಈಕೆ ಲೈಫೇ ಚೇಂಜ್ ಆಯ್ತಂತೆ

ಇತ್ತೀಜಿಗೆ ಜನರು ತಮ್ಮ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಲು ಹಲವು ರೀತಿಯ ಶಸ್ತ್ರಚಿಕಿತ್ಸೆಗೆ ಒಳಗಾಗುತ್ತಾರೆ. ಅದರಲ್ಲೂ ಸೆಲೆಬ್ರಿಟಿಗಳು ತಮ್ಮ ಸೌಂದರ್ಯ ಕಾಪಾಡಿಕೊಳ್ಳಲು ಹತ್ತಾರು ಸರ್ಜರಿಗೆ ಒಳಗಾಗುತ್ತಾರೆ.

ಹಲವು ನಟ-ನಟಿಯರು ಪ್ಲಾಸ್ಟಿಕ್ ಸರ್ಜರಿ ಮೂಲಕ ತಮ್ಮ ಸೌಂದರ್ಯವನ್ನು ಹೆಚ್ಚಿಸಿಕೊಂಡಿದ್ದಾರೆ. ವಿಚಿತ್ರವೆಂದರೆ ಇಲ್ಲೊಬ್ಬ ಮಹಿಳೆ ಎತ್ತರವನ್ನು ಹೆಚ್ಚಿಸಿಕೊಳ್ಳಲು ಹಲವಾರು ಶಸ್ತ್ರಚಿಕಿತ್ಸೆಯನ್ನೂ ಮಾಡಿಸಿಕೊಂಡಿದ್ದಾರೆ.

31 ವರ್ಷದ ರೂಪದರ್ಶಿ ಥೆರೆಸಿಯಾ ಫಿಶರ್ ಎಂಬಾಕೆ ಎತ್ತರವನ್ನು ಹೆಚ್ಚಿಸಿಕೊಳ್ಳಲು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದು, ತನ್ನ ಎತ್ತರವನ್ನು 5.5 ಇಂಚುಗಳಷ್ಟು ಹೆಚ್ಚಿಸಿಕೊಂಡಿದ್ದಾರೆ. ಈಕೆ ಬಿಗ್ ಬ್ರದರ್ ಶೋನ ಜರ್ಮನ್ ಆವೃತ್ತಿಯಲ್ಲಿ ಕಾಣಿಸಿಕೊಂಡಿದ್ದಾಳೆ. ಆಕೆ ಕಾಲುಗಳ ಬಗ್ಗೆ ಹಲವು ಅಪಹಾಸ್ಯಗಳನ್ನು ಕೇಳಿದ ನಂತರ, ಅವುಗಳನ್ನು ಹೆಚ್ಚಿಸಲು ಶಸ್ತ್ರಚಿಕಿತ್ಸೆಯನ್ನು ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ.

ಡೈಲಿ ಸ್ಟಾರ್ ವರದಿಯ ಪ್ರಕಾರ, 2 ಆಪರೇಷನ್‌ಗಳಿಗೆ ಒಳಗಾದ ನಂತರ, ಥೆರೆಸಿಯಾ ತನ್ನ ಕಾಲುಗಳಲ್ಲಿ ಟೆಲಿಸ್ಕೋಪಿಕ್ ರಾಡ್‌ಗಳನ್ನು ಶಸ್ತ್ರಚಿಕಿತ್ಸೆ ಸೇರಿಸಿ ಎತ್ತರವನ್ನು ಹೆಚ್ಚಿಸಲಾಗಿದೆ. ಇದರಿಂದಾಗಿ ಆಕೆಯ ಉದ್ದ 6 ಅಡಿಗಳಿಗೆ ಏರಿದೆ. ವೈದ್ಯರು ಆಪರೇಷನ್ ನಂತರ 14 ಸೆಂ.ಮೀ ಉದ್ದದ ಉಡುಗೊರೆಯನ್ನು ನೀಡಿದೆ. ಇದರಿಂದಾಗಿ ಅವರು ಸಾಕಷ್ಟು ಪ್ರಯೋಜನ ಪಡೆಯುತ್ತಿದ್ದಾರೆ ಎಂದು ಆಕೆ ಹೇಳಿಕೊಂಡಿದ್ದಾರೆ.

ಎತ್ತರ ಹೆಚ್ಚಾದ ನಂತರ ಥೆರೆಸಿಯಾ ತಾವೂ ಕಳೆದುಕೊಂಡ ಆತ್ಮವಿಶ್ವಾಸ ಮರಳಿ ಬಂದಿದೆ. ಅಲ್ಲದೆ ಆಕೆಗೆ 6 ಹೊಸ ಬಾಯ್‌ಫ್ರೆಂಡ್‌ಗಳು ಕೂಡ ಸಿಕ್ಕಿದ್ದಾರಂತೆ!. ಜೊತೆಗೆ ಆಕೆಯ ಜನಪ್ರಿಯತೆಯೂ ದಿನದಿಂದ ದಿನಕ್ಕೆ ಹೆಚ್ಚಿದೆ. ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚು ಜನಪ್ರಿಯವಾಗಿರುವ ಥೆರೆಸಿಯಾ ಇನ್‌ಸ್ಟಾಗ್ರಾಮ್‌ನಲ್ಲಿ 1.45 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ.

ಈ ಶಸ್ತ್ರಚಿಕಿತ್ಸೆಯ ನಂತರ ನಾನು ತುಂಬಾ ಸಂತೋಷ ಮತ್ತು ತೃಪ್ತಿ ಹೊಂದಿದ್ದೇನೆ ಎಂದು ಥೆರೆಸಿಯಾ ಸಾಮಾಜಿಕ ಜಾಲಾತಾಣದಲ್ಲಿ ಫಾಲೋವರ್ಸ್​ಗಳಿಗೆ ತಿಳಿಸಿದ್ದಾರೆ. ಆಕೆಯ ಮಾಡೆಲಿಂಗ್ ವೃತ್ತಿಗೂ ಇದರಿಂದ ಸಾಕಷ್ಟು ಪ್ರಯೋಜನವಾಗಿದೆ ಎಂದಿದ್ದಾರೆ.

ಆದರೆ ಎತ್ತರವನ್ನು ಹೆಚ್ಚಿಸಿಕೊಳ್ಳುವ ಈ ಪ್ರಕ್ರಿಯೆಯಲ್ಲಿ ಆಕೆ ಸಾಕಷ್ಟು ನೋವನ್ನು ಅನುಭವಿಸಿರುವುದಾಗಿ ಹೇಳುತ್ತಾಳೆ, ಆದರೆ ಫಲಿತಾಂಶವು ಆಕೆಯ ನೋವನ್ನು ಇಲ್ಲದಂತೆ ಮಾಡಿದೆ. ಅಲ್ಲದೆ ಆಕೆ ತನ್ನ ಹಳೆಯ ಆಘಾತದಿಂದ ಹೊರಬಂದಿರುವುದಾಗಿ ತಿಳಿಸಿದ್ದಾರೆ. (All Photos credit- Instagram/theresiafischer)