Happiest State in India: ಇದು ದೇಶದ ಅತ್ಯಂತ ಸಂತೋಷದಾಯಕ ರಾಜ್ಯ! ಇಲ್ಲಿನ ಯುವಕರು 17 ವರ್ಷಕ್ಕೇ ದುಡಿಯುತ್ತಾರಂತೆ!

ಈಶಾನ್ಯ ಭಾರತದ ಮಿಜೋರಾಂ ದೇಶದ ಅತ್ಯಂತ ಸಂತೋಷದಾಯಕ ರಾಜ್ಯ ಎಂದು ಘೋಷಿಸಲಾಗಿದೆ. ಗುರುಗ್ರಾಮ್‌ನ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ಡೆವಲಪ್‌ಮೆಂಟ್‌ನಲ್ಲಿ ತಂತ್ರಶಾಸ್ತ್ರದ ಪ್ರಾಧ್ಯಾಪಕ ರಾಜೇಶ್ ಕೆ. ಪಿಲಾನಿಯಾ ಅವರು ಅಧ್ಯಯನವನ್ನು ಮಾಡಿ ನೀಡಿರುವ ವರದಿಯಲ್ಲಿ ಈಶಾನ್ಯ ರಾಜ್ಯಕ್ಕೆ ಈ ಪಟ್ಟ ಸಿಕ್ಕಿದೆ. (ಸಾಂದರ್ಭಿಕ  ಚಿತ್ರ)

ಈ ವರದಿಯ ಪ್ರಕಾರ ಮಿಜೋರಾಂ ದೇಶದ ಅತ್ಯಂತ ಸಂತೋಷದ ರಾಜ್ಯವಾಗಿದೆ. 6 ನಿಯತಾಂಕಗಳ ಆಧಾರದ ಮೇಲೆ ಅಧ್ಯಯನವನ್ನು ಮಾಡಲಾಗಿದೆ. ಈ ರಾಜ್ಯವು ಶೇ.100ರಷ್ಟು ಸಾಕ್ಷರತೆ ಸಾಧಿಸಿದೆ. ಅತ್ಯಂತ ಕಷ್ಟಕರ ಸಂದರ್ಭಗಳಲ್ಲೂ ವಿದ್ಯಾರ್ಥಿಗಳ ಬೆಳವಣಿಗೆ ಅವಕಾಶ ಕಲ್ಪಿಸಿದೆ ಎಂದು ತಿಳಿದುಬಂದಿದೆ. (ಸಾಂದರ್ಭಿಕ  ಚಿತ್ರ)

ಅಸ್ಸಾಂ, ಅರುಣಾಚಲ ಪ್ರದೇಶ, ಮೇಘಾಲಯ, ಮಣಿಪುರ, ಮಿಜೋರಾಂ, ತ್ರಿಪುರಾ, ನಾಗಾಲ್ಯಾಂಡ್ ಮತ್ತು ಸಿಕ್ಕಿಂ ಈಶಾನ್ಯದ 8 ರಾಜ್ಯಗಳಾಗಿವೆ. ಸಿಕ್ಕಿಂ ಹೊರತುಪಡಿಸಿ, ಎಲ್ಲಾ ಇತರ 7 ರಾಜ್ಯಗಳು ಒಟ್ಟಿಗೆ ಸಂಪರ್ಕ ಹೊಂದಿವೆ. ಈ ಕಾರಣದಿಂದಾಗಿ ಅವುಗಳನ್ನ 7 ಸಹೋದರಿಯರು ಎಂದೂ ಕರೆಯಲಾಗುತ್ತದೆ. ಇವುಗಳ ಪೈಕಿ ಮಿಜೋರಾಂ ಅತ್ಯಂತ ಸಂತೋಷದ ರಾಜ್ಯ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. (ಸಾಂದರ್ಭಿಕ  ಚಿತ್ರ)

ಎನ್‌ಡಿಟಿವಿಯಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಮಿಜೋರಾಂನ ಹ್ಯಾಪಿನೆಸ್ ಇಂಡೆಕ್ಸ್ ಅನ್ನು ಕುಟುಂಬ ಸಂಬಂಧಗಳು, ಕೆಲಸಕ್ಕೆ ಸಂಬಂಧಿಸಿದ ಸಮಸ್ಯೆಗಳು, ಸಾಮಾಜಿಕ ಸಮಸ್ಯೆಗಳು ಮತ್ತು ಸಾಮಾಜಿಕ ಉಪಕಾರ, ಧರ್ಮ, ದೈಹಿಕ ಮತ್ತು ಮಾನಸಿಕ ಆರೋಗ್ಯ ಮತ್ತು ಸಂತೋಷ ಮೇಲೆ ಕೋವಿಡ್-19 ಪ್ರಭಾವವನ್ನು ಒಳಗೊಂಡಿರುವ 6 ವಿಷಯಗಳ ಮೇಲೆ ಈ ವರದಿ ಬಿಡುಗಡೆ ಮಾಡಲಾಗಿದೆ. (ಸಾಂದರ್ಭಿಕ  ಚಿತ್ರ)

ಮಿಜೋರಾಂನ ಸಾಮಾಜಿಕ ರಚನೆಯು ಯುವಕರ ಸಂತೋಷಕ್ಕೆ ಕೊಡುಗೆ ನೀಡುತ್ತದೆ. ಇಲ್ಲಿ ಓದಲು ವಿದ್ಯಾರ್ಥಿಗಳ ಮೇಲೆ ಪೋಷಕರ ಒತ್ತಡ ಕಡಿಮೆಯಿದೆ. ಈ ರಾಜ್ಯದಲ್ಲಿ ಲಿಂಗವನ್ನು ಲೆಕ್ಕಿಸದೆ, ಮಿಜೋ ಸಮುದಾಯದ ಪ್ರತಿ ಮಗು ಸಾಧ್ಯವಾದಷ್ಟು ಬೇಗ ಆದಾಯದ ಮೂಲ ಕಂಡುಕೊಳ್ಳಲು ಬಯಸುತ್ತದೆ ಎಂದು ವರದಿಯು ಹೇಳುತ್ತದೆ. (ಸಾಂದರ್ಭಿಕ  ಚಿತ್ರ)

ಇಲ್ಲಿ ಯುವಕರು ಸಾಮಾನ್ಯವಾಗಿ 16 ರಿಂದ 17 ವರ್ಷ ವಯಸ್ಸಿನಲ್ಲೇ ಉದ್ಯೋಗ ಪಡೆಯುತ್ತಾರೆ. ಇಲ್ಲಿನ ಜನ ಯಾವ ಕೆಲಸವನ್ನೂ ಚಿಕ್ಕದೆಂದು ಪರಿಗಣಿಸುವುದಿಲ್ಲ. ಇದಕ್ಕಾಗಿ ಅವರನ್ನೂ ಪ್ರೋತ್ಸಾಹಿಸಲಾಗುತ್ತದೆ. ಹೆಣ್ಣು ಮತ್ತು ಗಂಡು ಎಂಬ ತಾರತಮ್ಯ ಈ ರಾಜ್ಯದಲ್ಲಿ ಇಲ್ಲ ಎಂದು ವರದಿ ಸ್ಪಷ್ಟಪಡಿಸಿದೆ. (ಸಾಂದರ್ಭಿಕ  ಚಿತ್ರ)

ಇನ್ನೂ ಈ ರಾಜ್ಯದಲ್ಲಿ ವಿಘಟಿತ ಕುಟುಂಬಗಳ ಸಂಖ್ಯೆ ಹೆಚ್ಚಿವೆ. ಆದರೆ ಚಿಕ್ಕಂದಿನಲ್ಲೇ ಸಂಪಾದನೆ ಆರಂಭಿಸುವುದರಿಂದ ಪ್ರತಿಯೊಬ್ಬರಿಗೂ ಉದ್ಯೋಗಾವಕಾಶಗಳಿರುವುದರಿಂದ ಇದು ಮಕ್ಕಳ ಮೇಲೆ ಹೆಚ್ಚು ಪರಿಣಾಮ ಬೀರುವುದಿಲ್ಲ. ಚಿಕ್ಕ ವಯಸ್ಸಿನಲ್ಲಿ, ಅವರು ಗಳಿಸುವ ಸ್ವಾತಂತ್ರ್ಯ ಮತ್ತು ಅವಕಾಶಗಳನ್ನು ಪಡೆದಿರುತ್ತಾರೆ. ಪುರುಷ ಮತ್ತು ಮಹಿಳೆ ಇಬ್ಬರಿಗೂ ತಮ್ಮ ಜೀವನವನ್ನು ನಡೆಸಲು ಕಲಿಸಿದಾಗ, ಅವರು ಪರಸ್ಪರ ಅವಲಂಬಿತರಾಗಿರುವುದಿಲ್ಲ ಎಂದು ಅಲ್ಲಿನ ಜನ ಹೇಳುತ್ತಾರೆ. (ಸಾಂದರ್ಭಿಕ  ಚಿತ್ರ)