Rupert murdoch: 4ನೇ ಹೆಂಡತಿಗೂ ವಿಚ್ಛೇದನ ನೀಡಿದ 91 ವರ್ಷದ ರೂಪರ್ಟ್ ಮುರ್ಡೋಕ್​!

ಮಾಧ್ಯಮ ವ್ಯವಹಾರದ ದಂತಕಥೆ ರೂಪರ್ಟ್ ಮುರ್ಡೋಕ್ ಮಾರ್ಚ್ 11, 1931 ರಂದು ಜನಿಸಿದರು. ಈ 91 ವರ್ಷದ ವ್ಯಕ್ತಿ ಮಾಧ್ಯಮದಲ್ಲಿ ಕಾರ್ಪೊರೇಟ್ ಹಸ್ತಕ್ಷೇಪ ಅಥವಾ ಇಡೀ ಮಾಧ್ಯಮದ ಕಾರ್ಪೊರೇಟೀಕರಣಕ್ಕೆ ಜೀವಂತ ಉದಾಹರಣೆಯಾಗಿದ್ದಾರೆ. ಮುರ್ಡೋಕ್ ಅವರ ಪತ್ರಿಕೆ ವಾಲ್ ಸ್ಟ್ರೀಟ್ ಜನರಲ್ ಅಮೆರಿಕದ ಜನರ ಆಲೋಚನೆಯನ್ನು ವ್ಯಕ್ತಪಡಿಸುವ ವೇದಿಕೆಯಾಗಿದೆ.

ರೂಪರ್ಟ್ ಮುರ್ಡೋಕ್ 14 ಬಿಲಿಯನ್ ಆಸ್ತಿಯ ಒಡೆಯ. ಮುರ್ಡೋಕ್​ನ ಮಾಧ್ಯಮ ವ್ಯವಹಾರಗಳಲ್ಲಿ ಫಾಕ್ಸ್ ಕಾರ್ಪೊರೇಷನ್, ಫಾಕ್ಸ್ ನ್ಯೂಸ್ ಚಾನೆಲ್​ನ ಮೂಲ ಕಂಪನಿ ಮತ್ತು ವಾಲ್ ಸ್ಟ್ರೀಟ್ ಜರ್ನಲ್​ನ ನ್ಯೂಸ್ ಕಾರ್ಪ್ (NWSA.O) ಸೇರಿವೆ.

ಆಸ್ಟ್ರೇಲಿಯಾದಿಂದ ಬಂದ ಮುರ್ಡೋಕ್, 1952 ರಲ್ಲಿ ತನ್ನ ತಂದೆಯ ಮರಣದ ನಂತರ ನ್ಯೂಸ್ ಲಿಮಿಟೆಡ್​ನ ನಿರ್ದೇಶಕರಾದರು. ಆಸ್ಟ್ರೇಲಿಯಾದ ಸಣ್ಣ ಸಂಸ್ಥೆಯೊಂದರ ನಿರ್ದೇಶಕರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ಮುರ್ಡೋಕ್ ಇಂದು ವಿಶ್ವದ ಎರಡನೇ ಅತಿದೊಡ್ಡ ಮಾಧ್ಯಮ ಸಮೂಹವಾದ ನ್ಯೂಸ್ ಕಾರ್ಪ್​ನ  ಅಧ್ಯಕ್ಷರಾಗಿದ್ದಾರೆ. 2020 ರ ಹೊತ್ತಿಗೆ, ಮುರ್ಡೋಕ್ ಸುಮಾರು 50 ದೇಶಗಳಲ್ಲಿ 800 ಕ್ಕೂ ಹೆಚ್ಚು ಕಂಪನಿಗಳ ಮಾಲೀಕರಾಗಿದ್ದರು.

ಮುರ್ಡೋಕ್ ಮಾಧ್ಯಮವನ್ನು ರಾಜಕೀಯವಾಗಿ ಬಳಸಿಕೊಂಡಿದ್ದಾರೆ ಎಂದು ಆರೋಪಿಸಲಾಗಿದೆ. ಅವರು ಬರಾಕ್ ಒಬಾಮಾ ಅವರನ್ನು ಯುಎಸ್ ಅಧ್ಯಕ್ಷ ಸ್ಥಾನಕ್ಕೆ ಬಹಿರಂಗವಾಗಿ ಬೆಂಬಲಿಸಿದರು.

1956 ರಿಂದ 1967 ರವರೆಗೆ ನಡೆದ ಪೆಟ್ರೀಷಿಯಾ ಬುಕರ್ ಅವರೊಂದಿಗೆ ರೂಪರ್ಟ್ ಮುರ್ಡೋಕ್ ಅವರ ಮೊದಲ ವಿವಾಹವಾಗಿತ್ತು. ಇದರ ನಂತರ ಮುರ್ಡೋಕ್ ಅವರ ಎರಡನೇ ಮದುವೆಯು ಅನ್ನಾ ಮಾರಿಯಾ ಟೋರ್ವ್ ಅವರೊಂದಿಗೆ 1967 ರಿಂದ 1999 ರವರೆಗೆ ಜೀವನ ಮುಂದುವರಿಸಿದರು. ಮಾಧ್ಯಮ ದೊರೆ ವೆಂಡಿ ಡೆಂಗ್ ಅವರನ್ನು 1999 ರಲ್ಲಿ ಮೂರನೇ ವಿವಾಹವಾದರು.

2016ರಲ್ಲಿ ಜೆರ್ರಿ ಮತ್ತು ಮುರ್ಡೋಕ್  ಅವರನ್ನು ವಿವಾಹವಾದರು. ಇವರು ಒಟ್ಟು 10 ಮಕ್ಕಳನ್ನು ಹೊಂದಿದ್ದಾರೆ. ಫಾಕ್ಸ್ ನ್ಯೂಸ್ ಚಾನೆಲ್​ ಮೂಲ ಕಂಪನಿಯಾದ ನ್ಯೂಸ್ಕಾರ್ಪ್​​ ಸಿಇಒ ಮತ್ತು ಅಧ್ಯಕ್ಷ ರೂಪರ್ಟ್ ಮುರ್ಡೋಕ್ ಜೆರ್ರಿಯನ್ನು ಮದುವೆಯಾದ ನಂತರ ಬಹಳ ಸಂತೋಷವನ್ನು ವ್ಯಕ್ತಪಡಿಸಿದ್ದರು. ಆದರೀಗ ಅವರ 4ನೇ ಮದುವೆ ಸಹ ಮುರಿದು ಬಿದ್ದಿದೆ.

ಹೌದು. ಜೆರ್ರಿ ಮತ್ತು ಮುರ್ಡೋಕ್  ವಿಚ್ಛೇದನ ನೀಡಿದ್ದಾರೆ.  ಅಂದಹಾಗೆಯೇ ಮುರ್ಡೋಕ್ ಭಾರತೀಯ ಮಾಧ್ಯಮಗಳಲ್ಲಿ ಬಲವಾದ ಅಸ್ತಿತ್ವವನ್ನು ಹೊಂದಿದ್ದಾರೆ. ಸ್ಟಾರ್ ಇಂಡಿಯಾದ ಹೊರತಾಗಿ, ಮುರ್ಡೋಕ್ ಸ್ಕ್ರೀನ್ ಮತ್ತು PropTiger.com ನಲ್ಲಿ ಪಾಲನ್ನು ಹೊಂದಿದ್ದಾರೆ. 2013 ರಲ್ಲಿ, ಮುರ್ಡೋಕ್ ತನ್ನ ಕಂಪನಿಗಳನ್ನು ನ್ಯೂಸ್ ಕಾರ್ಪ್ ಮತ್ತು 20 ನೇ ಸೆಂಚುರಿ ಫಾಕ್ಸ್ ಎಂದು ಎರಡು ಭಾಗಗಳಾಗಿ ವಿಭಜಿಸಿದರು.