Crime News: ಕೆಲಸಕ್ಕೆ ಹೋಗಿ ಎಂದು ಹೆಂಡತಿ ಪದೇ ಪದೇ ಹೇಳಿದ್ದಕ್ಕೆ ಗಂಡ ಮಾಡಿದ್ದು ನಿಜಕ್ಕೂ ಭಯಾನಕ!

ಈ ಪ್ರಕರಣದಲ್ಲಿ ಗಂಡನ ನಿರುದ್ಯೋಗವೇ ಒಂದು ಸಂಸಾರವನ್ನು ಹಾಳು ಮಾಡಿದೆ. ಕೆಲಸ ಇಲ್ಲದ ಗಂಡನಿಗೆ ಕೆಲಸಕ್ಕೆ ಹೋಗು ಎಂದು ಹೆಂಡತಿ ಹೇಳಿದ್ದೇ ದೊಡ್ಡ ದುರಂತವೇ ನಡೆದು ಹೋಗಿದೆ.

30 ವರ್ಷದ ವ್ಯಕ್ತಿಯೊಬ್ಬ ತನ್ನ ಹೆಂಡತಿಯನ್ನು ಕತ್ತರಿಯಿಂದ ಇರಿದು ಕೊಂದು ನಂತರ ತನ್ನನ್ನು ತಾನೂ ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಮಧ್ಯಪ್ರದೇಶದ ಜಬಲ್ ಪುರದಲ್ಲಿ ಘಟನೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. (ಸಾಂಕೇತಿಕ ಚಿತ್ರ)

ಕೆಲಸ ಇಲ್ಲದೆ ಮನೆಯಲ್ಲಿ ಕೂತಿದ್ದ ಗಂಡನಿಗೆ ಕೆಲಸಕ್ಕೆ ಹೋಗಿ ಎಂದು ಹೆಂಡತಿ ಪದೇ ಪದೇ ಹೇಳಿದ್ದರಿಂದ ಆಕ್ರೋಶಗೊಂಡ ವಿಭೋರ್ ಪತ್ನಿಯನ್ನು ಇರಿದು ಕೊಂದಿದ್ದಾನೆ. (ಪ್ರಾತಿನಿಧಿಕ ಚಿತ್ರ)

ವಿಭೋರ್ ಸಾಹು (30) ಮೃತಪಟ್ಟಿದ್ದು, ಅವರ ಪತ್ನಿ 23 ವರ್ಷದ ರಿತು ಶುಕ್ರವಾರ ಜಬಲ್ಪುರದ ತಮ್ಮ ಮನೆಯಲ್ಲಿ ರಕ್ತದ ಮಡುವಿನಲ್ಲಿ ಪತ್ತೆಯಾಗಿದ್ದರು ಎಂದು ರಂಝಿ ಪೊಲೀಸ್ ಠಾಣೆಯ ಉಸ್ತುವಾರಿ ಸಹದೇವರಾಮ್ ಸಾಹು ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಘಟನೆಯ ಸಮಯದಲ್ಲಿ ವಿಭೋರ್ ಸಾಹು ಅವರ ತಾಯಿ ಮತ್ತು ಸಹೋದರ ಧಾರ್ಮಿಕ ಸಮಾರಂಭದಲ್ಲಿ ಭಾಗವಹಿಸಲು ಹೊರಗೆ ಹೋಗಿದ್ದರು. ಅವರು ಮನೆಗೆ ಹಿಂದಿರುಗುವಾಗ ದಂಪತಿ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. (ಪ್ರಾತಿನಿಧಿಕ ಚಿತ್ರ)

ಪೊಲೀಸರ ಪ್ರಾಥಮಿಕ ತನಿಖೆಯ ಪ್ರಕಾರ, ಚಾಲಕನಾಗಿದ್ದ ವಿಭೋರ್ ಸಾಹು ಕಳೆದ 15 ದಿನಗಳಿಂದ ಕೆಲಸಕ್ಕೆ ಹೋಗಿರಲಿಲ್ಲ. ಈ ಪ್ರವೃತ್ತಿಯಿಂದ ಆತಂಕಕ್ಕೊಳಗಾದ ಅವರ ಪತ್ನಿ ಪದೇ ಪದೇ ಕೆಲಸಕ್ಕೆ ಹೋಗಿ ಎಂದು ಹೇಳುತ್ತಿದ್ದರಂತೆ.

ಘಟನೆ ನಡೆದ ದಿನವೂ ಇದೇ ವಿಚಾರವಾಗಿ ಜಗಳ ಶುರುವಾಗಿದೆ. ತೀವ್ರ ವಾಗ್ವಾದದ ನಂತರ ವಿಭೋರ್ ಸಾಹು ತನ್ನ ಪತ್ನಿಗೆ ಕತ್ತರಿಯಿಂದ ಇರಿದು ನಂತರ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ, ಈ ಬಗ್ಗೆ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.