Theft Case: ಟೀ ಅಂಗಡಿಯಿಂದ ₹1200 ರೂಪಾಯಿ ಕದ್ದವನಿಗೆ ₹20000 ಬಾಂಡ್‌ ಮೇಲೆ ಜಾಮೀನು ನೀಡಿದ ಕೋರ್ಟ್‌!

ಜನವರಿ 18-19ರ ಮಧ್ಯರಾತ್ರಿ ರವಿ ಎಂಬಾತ ಅನಿಲ್ ರೈ, ಸಂಜಯ್ ಠಾಕೂರ್ ಮತ್ತು ಸಾಗರ್ ಎಂಬುವರ ಜೊತೆಗೆ ಓಂ ಪ್ರಕಾಶ್ ಎಂಬಾತನ ಟೀ ಅಂಗಡಿಯ ಬೀಗ ಮುರಿದು ಹಣ ಕದ್ದಿದ್ದ.

ಈ ವೇಳೆ ಸ್ಥಳದಲ್ಲೇ ಗಸ್ತು ತಿರುಗುತ್ತಿದ್ದ ಪೊಲೀಸರು ಆರೋಪಿಗಳನ್ನು ಬಂಧಿಸಿ ಬಳಿಕ ಆತನ ಮೇಲೆ ಪ್ರಕರಣ ದಾಖಲಿಸಿ ವಿಚಾರಣೆ ನಡೆಸಿದಾಗ ಕಳ್ಳತನದ ವಿಷಯ ತಿಳಿದು ಬಂದಿತ್ತು.

ಹೀಗಾಗಿ ಆರೋಪಿ ವಿರುದ್ಧ ಐಪಿಸಿ ಸೆಕ್ಷನ್ 457, 380 (ಕಳ್ಳತನ), 411 ಮತ್ತು 34 (ಅಪರಾಧ ಕೃತ್ಯವನ್ನು ಹಲವಾರು ವ್ಯಕ್ತಿಗಳು ಮಾಡಿರುವುದು) ಅಡಿಯಲ್ಲಿ ನರೈನಾ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿತ್ತು.

ಸದ್ಯ ಆರೋಪಿ ಜನವರಿ 19 ರಿಂದ ನ್ಯಾಯಾಂಗ ಬಂಧನದಲ್ಲಿದ್ದಾನೆ. ಹೀಗಾಗಿ ತನಿಖೆಯ ಅಗತ್ಯವಿಲ್ಲ ಎಂದು ಆರೋಪಿ ರವಿ ಪರ ವಕೀಲರು ವಾದ ಮಂಡಿಸಿದಾಗ ನ್ಯಾಯಾಲಯ ಒಪ್ಪಿದೆ.

ಹೀಗಾಗಿ ಆರೋಪಿಗಳು ಸಾಕ್ಷಿಗಳ ಮೇಲೆ ಪ್ರಭಾವ ಬೀರಬಾರದು, ಸಾಕ್ಷ್ಯವನ್ನು ಹಾಳುಮಾಡಬಾರದು ಸೇರಿದಂತೆ ಅನೇಕ ಷರತ್ತುಗಳನ್ನು ವಿಧಿಸಿ ಆರೋಪಿಗೆ ರವಿಗೆ ಕೋರ್ಟ್ ಜಾಮೀನು ನೀಡಿತು.

ಅಲ್ಲದೇ, 1200 ರೂಪಾಯಿ ಕದ್ದ ಆರೋಪಿಗೆ 20000 ರೂಪಾಯಿಗಳ ವೈಯಕ್ತಿಕ ಬಾಂಡ್‌ನೊಂದಿಗೆ ಶ್ಯೂರಿಟಿಯ ಮೇಲೆ ನ್ಯಾಯಾಲಯ ಜಾಮೀನು ಮಂಜೂರು ಮಾಡಿತು.

ಅಲ್ಲದೇ, ಆರೋಪಗಳ ಸತ್ಯಾಸತ್ಯತೆ ಮತ್ತು ಆರೋಪಿಗಳ ಒಳಗೊಳ್ಳುವಿಕೆಯನ್ನು ವಿಚಾರಣೆಯ ಸಮಯದಲ್ಲಿ ಚೆನ್ನಾಗಿ ಪರಿಶೀಲಿಸಲಾಗುತ್ತದೆ. ಶಿಕ್ಷೆಯ ವಿಷಯವಾಗಿ ಆರೋಪಿಗಳಿಗೆ ಜಾಮೀನು ನಿರಾಕರಿಸುವಂತಿಲ್ಲ ಎಂದು ಕೋರ್ಟ್‌ ಹೇಳಿದೆ.