Marriage: ಮದ್ವೆಯಾದ ವರ್ಷದೊಳಗೇ ಮಗ ನಿಧನ, ಸೊಸೆಗೆ 2ನೇ ಮಗನೊಂದಿಗೆ ಮದ್ವೆ ಮಾಡಿಸಿದ ಅತ್ತೆ-ಮಾವ!

ಭಾರತೀಯ ಸಂಸ್ಕೃತಿಯಲ್ಲಿ ಮದುವೆಯನ್ನು ಬಹಳ ಮುಖ್ಯವಾದ ಕಾರ್ಯಕ್ರಮ ಎಂದು ಪರಿಗಣಿಸಲಾಗಿದೆ. ಒಮ್ಮೆ ಮದುವೆಯಾದರೆ ಏಳು ಜನ್ಮಗಳವರೆಗೆ ಸಂಬಂಧ ಗಟ್ಟಿಯಾಗುತ್ತದೆ ಎಂಬ ನಂಬಿಕೆ ಇದೆ.

ಇನ್ನು ಭಾರತೀಯ ಸಮಾಜದಲ್ಲಿ, ಹೆಂಡತಿಯ ಮರಣದ ನಂತರ, ಗಂಡನಿಗೆ ಮರುಮದುವೆಯಾಗಲು ಅವಕಾಶವಿದೆ. ಆದರೆ ಗಂಡನ ಮರಣದ ನಂತರ ಹೆಂಗಸರು ವಿಧವೆಯ ಜೀವನ ನಡೆಸಬೇಕಾಗುತ್ತದೆ. ಅನೇಕ ಸಮಾಜ ಸುಧಾರಕರೂ ಇದರ ವಿರುದ್ಧ ಧ್ವನಿ ಎತ್ತಿದ್ದರು. ಆದರೂ ಇದು ಇಂದಿಗೂ ಮಹಿಳೆಯರು ಗಂಡಸರಂತೆ ಸುಲಭವಾಗಿ 2ನೇ ವಿವಾಹವಾಗಲು ಸಾಧ್ಯವಾಗುತ್ತಿಲ್ಲ.

ಆದರೆ ಮಹಾರಾಷ್ಟ್ರದ ಒಂದು ಒಂದು ಗ್ರಾಮದಲ್ಲಿ ಯುವಕರು ವಿದವೆ ಮಹಿಳೆಯನ್ನ ಆತನ ಮೈದುನನೊಂದಿಗೆ ವಿವಾಹ ಮಾಡಿಸುವ ಮೂಲಕ ಹೊಸ ಸಾಮಾಜಿಕ ಆದರ್ಶವನ್ನು ಸೃಷ್ಟಿಸಿದ್ದಾರೆ. ಅಣ್ಣನ ಮರಣದ ನಂತರ, ಸಚಿನ್ ಮರ್ಕಡ್ ಎಂಬಾತ ಆತನ ಚಿಕ್ಕ ಮಗು ಹಾಗೂ ಅತ್ತಿಗೆಯ ಜವಾಬ್ದಾರಿಯನ್ನು ಸ್ವೀಕರಿಸಿದ್ದಾರೆ.

ಜಲ್ನ ಜಿಲ್ಲೆಯ ಘನಸಾವಣಗಿ ತಾಲೂಕಿನ ಖಾಲಾಪುರದಲ್ಲಿ ಮರ್ಕಡ್​ ಕುಟುಂಬ ವಾಸವಾಗಿದೆ. ಮರಾಠಾ ಸಮುದಾಯದ ಈ ಕುಟುಂಬಕ್ಕೆ ಜಮೀನು ಇಲ್ಲ, ಆರ್ಥಿಕ ಸ್ಥಿತಿಯೂ ದುರ್ಬಲವಾಗಿದೆ. ನಿತಿನ್​ ಎಂಬಾದ ಮದುವೆಯಾದ ಒಂದು ಒಂದೇ ವರ್ಷದಲ್ಲಿ ಅಕಾಲಿಕ ಮರಣ ಹೊಂದಿದ್ದರು.

ನಿತಿನ್ ಸಾವಿನೊಂದಿಗೆ ಪುಟ್ಟ ಮಗು ಮತ್ತು ಆತನ ಪತ್ನಿ ಪೂಜಾ ಆಶ್ರಯ ಕಳೆದುಕೊಂಡಿದ್ದರು. ಇದು ಇಡೀ ಮರ್ಕಡ್ ಕುಟುಂಬಕ್ಕೆ ಆಘಾತವಾಗಿತ್ತು. ಅಲ್ಲದೆ ಸೊಸೆ ತುಂಬಾ ಚಿಕ್ಕ ವಯಸ್ಸಿನವಳಾಗಿದ್ದರಿಂದ ಅತ್ತೆ-ಮಾವ ಆಕೆಯ ಭವಿಷ್ಯದ ಚಿಂತಾಕ್ರಾಂತರಾಗಿದ್ದರು. ಹಾಗಾಗಿ ತಮ್ಮ ಎರಡನೇ ಮಗ ಸಚಿನ್ ಜೊತೆ ಪೂಜಾಳನ್ನು ಮದುವೆ ಮಾಡಿಸಲು ಎಲ್ಲರೂ ಬಯಸಿದ್ದರು.

ನಿತಿನ್ ಅವರ ಅವಿವಾಹಿತ ಕಿರಿಯ ಸಹೋದರ ಸಚಿನ್ ತಮ್ಮ ಅತ್ತಿಗೆ ಮತ್ತು ಮಗ ಜಯರಾಜ್ ಅವರ ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ನಿರ್ಧರಿಸಿದ್ದರು. ಆದರೆ, ಸಾಮಾಜ ಏನೆಂದುಕೊಳ್ಳುತ್ತದೋ ಎನ್ನುವ ಭಯದಲ್ಲಿ 6 ವರ್ಷಗಳ ಕಾಲ ಮದುವೆಯ ಆಲೋಚನೆಯನ್ನು ಮುಂದೂಡುತ್ತಾ ಬಂದಿದ್ದರು.

ಕೊನೆಗೆ ಕುಟುಂಬಸ್ಥರು ಹಾಗೂ ಸಂಬಂಧಿಕರು ಸೇರಿ ಸಚಿನ್ ಮತ್ತು ಪೂಜಾಗೆ ಮದುವೆ ಮಾಡಲು ನಿರ್ಧರಿಸಿದ್ದಾರೆ. ಗಣಪತಿ ದೇವಸ್ಥಾನದಲ್ಲಿ ಎರಡೂ ಕುಟುಂಬಸ್ಥರ ಒಪ್ಪಿಗೆಯೊಂದಿಗೆ ಇಬ್ಬರೂ ಮಾಲೆ ಹಾಕಿದರು. ಈ ಮದುವೆಯಲ್ಲಿ ಊರಿನ ಯುವ ಮುಖಂಡರು ಭಾಗಿಯಾಗಿ ಈ ಜೋಡಿಗೆ ಆಶೀರ್ವಾದಿಸಿದರು.