ಹಿಮ್ಮುಖ ಬರಹದಲ್ಲಿ 'ಗ್ರ್ಯಾಂಡ್ ಮಾಸ್ಟರ್' ಆದ M.R Navajith; ಸಾಧನೆಗೆ ಸಿಎಂ ಸ್ಟಾಲಿನ್​ ಶ್ಲಾಘನೆ

ಎಂ.ಆರ್.ನವಜಿತ್ ಈಗಿನ್ನು ಕೇವಲ ಆರನೇ ತರಗತಿ ಕಲಿಯುತ್ತಿದ್ದಾನೆ, ಆದರೆ, ಈತ ಹಿಮ್ಮುಖ ಬರವಣಿಗೆಯನ್ನು ಅಭ್ಯಾಸ ಮಾಡಿಕೊಂಡು ಈಗ ಎಲ್ಲಾ ಹೆಸರುಗಳನ್ನು ಹಿಮ್ಮುಖ ಬರೆದು ಅಚ್ಚರಿ ಮೂಡಿಸಿದ್ದಾನೆ

ತಮಿಳುನಾಡಿನ ಎಲ್ಲಾ 38 ಜಿಲ್ಲೆಗಳ ಹೆಸರನ್ನು ತಮಿಳು ರಿವರ್ಸ್ ರೈಟಿಂಗ್‌ನಲ್ಲಿ 7 ನಿಮಿಷ, 7 ಸೆಕೆಂಡುಗಳು ಮತ್ತು 4 ಮಿಲಿಸೆಕೆಂಡ್‌ಗಳಲ್ಲಿ ಬರೆದಿದ್ದಾನೆ.

ಸಾಮಾನ್ಯವಾಗಿ ಈತನ ವಯಸ್ಸಿನ ಮಕ್ಕಳು ಅಷ್ಟು ಕಡಿಮೆ ಅವಧಿಯಲ್ಲಿ ಸರಿಯಾಗಿ ಬರೆಯಲು ಕಷ್ಟಪಡುವಾಗ ಈತ ಇಷ್ಟು ಕಡಿಮೆ ಅವಧಿಯಲ್ಲಿ ಹಿಮ್ಮುಖ ಬರೆದು ಸಾಧನೆ ತೋರಿದ್ದಾನೆ.

ಈತನ ಸಾಧನೆ ಇದೀಗ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ ಸೇರಿದೆ. ಈತನ ಈ ಸಾಧನೆಗೆ ತಮಿಳುನಾಡು ರಾಜ್ಯದ ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್ ಅವರಿಂದಲೇ ಗೌರವವನ್ನು ಪಡೆದ್ದಾನೆ

ಈತನ ಸಾಧನೆ ಬಗ್ಗೆ ಮಾತನಾಡಿರುವ ತಮಿಳುನಾಡು ಸಿಎಂ ಸ್ಟಾಲಿನ್​, ಈತನ ಸಾಧನೆ ನಿಜಕ್ಕೂ ಶ್ಲಾಘನೀಯ ಸಾಧನೆಯಾಗಿದ್ದು, ಎಲ್ಲರಿಗೂ ಸ್ಫೂರ್ತಿ ನೀಡುತ್ತದೆ. ಎಂದಿದ್ದಾರೆ

ಸೆಪ್ಟೆಂಬರ್ 14, 2010 ರಂದು ಜನಿಸಿರುವ ನವಜಿತ್​ ಸದ್ಯ ತಮಿಳುನಾಡಿನ ಎಲ್ಲಾ ಜಿಲ್ಲೆಗಳ ಹೆಸರನ್ನು ಹಿಮ್ಮುಖ ಬರವಣಿಗೆಯಲ್ಲಿ ಬರೆಯಲು 'ಗ್ರ್ಯಾಂಡ್ ಮಾಸ್ಟರ್' ಎಂದು ಬಿರುದು ಪಡೆದಿದ್ದಾರೆ

ಈಗಾಗಲೇ ಈತ ಏಷ್ಯಾ ಬುಕ್ ಆಫ್ ರೆಕಾರ್ಡ್ಸ್- ಗ್ರ್ಯಾಂಡ್ ಮಾಸ್ಟರ್ ಪ್ರಮಾಣೀಕರಣ, . ಭಾರತದ ಸ್ಟಾರ್ ವಿಶ್ವ ದಾಖಲೆಗಳು, ಅಂತಾರಾಷ್ಟ್ರೀಯ ದಾಖಲೆಗಳ ಪುಸ್ತಕ, ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಸಾಧನೆ ಮಾಡಿದ್ದಾನೆ. ಇದೀಗ ಈತ ಗಿನ್ನಿಸ್ ವಿಶ್ವ ದಾಖಲೆ ಸೇರಲು ಕಠಿಣ ಅಭ್ಯಾಸ ನಡೆಸಲು ಮುಂದಾಗಿದ್ದು, ಅದಕ್ಕೆ ಪಣತೊಟ್ಟಿದ್ದಾನೆ